Koalizio gobernua osatzeko akordio programatikoa izenpetu dute EAJk eta PSE-EEk
Imanol Pradales EAJren lehendakarigaiak, Andoni Ortuzar EAJren EBBko presidenteak eta Eneko Andueza PSE-EEko idazkari nagusiak Eusko Jaurlaritza berria osatzeko akordio programatikoa izenpetu dute.
Aurreko bi legealdietan bezala, Eusko Legebiltzarreko bigarren solairuan dagoen mahai bereziaren gainean sinatu dute.
100 orrialde dituen itunaren xehetasunak ostegun honetan emango ditu Imanol Pradalesek osteguneko inbestidura saioan. Hala ere, adostutako testuaren 20 orrialdeko laburpen bat zabaldu dute gaur goizean bi herrialdeek.
EAJk eta PSE-EEk Eusko Jaurlaritza berria osatzeko programa akordioak bost ardatz eta 32 jardun arlo izango ditu "Euskadi globala eraikitzeko" asmoz. Gaur goizean sinatutako dokumentuak "Ongizatean hazi" du izenburutzat, eta bi alderdiek XIII. legegintzaldirako dituzten lehentasun eta lan ildoak marraztu ditu.
Lan-lerro eta lehentasun horien artean ageri dira Osakidetza, trantsizio energetikoa eta ingurumena, kalitatezko enplegu duina, eta gazteriaren eta emantzipazioaren aldeko neurriak.
Autogobernu berriaz, berriz, ez dira oraingo honetan bi alderdien arteko desadostasunak hitzartu, nahiz eta Andoni Ortuzar EAJko buruak esan bezala, aukera izango duen alderdi politiko bakoitzak bere proposamena aurkezteko. Hori bai, jasota geratu da ez dela zerotik abiatu behar eta Eusko Legebiltzarrean orain arte egindako lanak balioko duela estatus berriari buruzko lanketan aurrera egiteko.
Sinadura ekitaldiaren osteko prentsaurrekoan Andoni Ortuzar EAJren EBBko presidenteak nabarmendu duenez, akordio programatikoa datozen lau urteetarako bide orria izango da eta Euskal Autonomia Erkidegoko herritarren interesak eta kezkak barne hartzen ditu. Horrez gain, gobernu berriak Eusko Legebiltzarraren gehiengo osoaren babesa izango duela azpimarratu du.
Hala ere, oposizioko talde parlamentarioei eskua luzatu die eta akordioa "modu positiboan eta eraikitzailean" irakurtzeko eskatu.
Era berean, "gobernu programa handia" dela adierazi du Ortuzarrek, zerbitzu publikoak bermatzeaz gain EAEko herritarren eskaerei eta beharrei erantzuten diena.
Eneko Andueza PSE-EEko idazkari nagusia baikor mintzatu da eta EAJrekin sinaturiko akordioak gehiengo sozialarekin bat egingo duela uste du. Ildo horretan, EAEko sindikatuei, eragile sozialei eta sektore ekonomikoei laguntza eskatu die.
Buruzagi sozialistaren esanetan, PSE-EEk Eusko Legebiltzarrerako hauteskundeetan lorturiko emaitza "onei" esker gobernu programa "progresista" adostu dute.
Ortuzarren ildo beretik, Anduezak ere eskua luzatu die gainerako talde parlamentarioei, baina erabaki gehienak EAJren eta PSE-EEren gain egongo direla gogoratu du.
Eusko Jaurlaritza berriaren egitura
Orain arte zabaldutako informazioaren arabera, EAJk azken lau urteotan kudeatu dituen sailetako batzuk zuzentzen jarraituko du: Osasuna, Hezkuntza, Segurtasuna, Ekonomia eta Ogasuna, eta Kultura. Era berean, ia ziurtzat eman da PSE-EEren esku segituko dutela aurreko legegintzaldian sozialistenak izan diren departamentuak: Enplegua eta Lana, Lurralde Plangintza eta Garraioak eta Turismoa, Merkataritza eta Kontsumoa. Litekeena da Etxebizitza ere zerrenda horretan egotea.
EAJk eta PSE-EEk esana dute Imanol Pradalesek berak ekainaren 22an lehendakari kargua hartu ondoren jakinaraziko duela Eusko Jaurlaritza berriaren osaera.
Albiste gehiago politika
Sare eta Etxerat elkarteek Bizkaiko eta Gipuzkoako 11 hondartzatan egin dute mobilizazioa
Urteroko ekimena izan dute gaur, Sare eta Etxerat elkarteek deituta, Gipuzkoako eta Bizkaiko 11 hondartzatan. Elkarbizitzarako jauzia egin ahal izateko, ETAko preso, iheslari eta deportatuen auziari behin betiko konponbidea ematea ezinbestekotzat jotzen dute. Biktimek horrenbeste merezi eta behar duten egia, aitortza eta erreparazioaren garrantzia ere azpimarratu dute.
Maider Etxebarria Gasteizko alkatea: "Asko poztuko ninduke jaien amaieran zero erasoren balantzea egin ahal izateak"
2025eko Andre Maria Zuriaren jaien atarian, festak "bizikidetzatik eta errespetutik, alaitasun eta ilusio handiz bizitzeko" deia egin die Gasteizko alkateak herritarrei eta bisitariei.
EAEko Justizia Auzitegi Nagusiko presidentea: "Zenbait sektorek ez diote modu argi batean indarkeria politikoari zilegitasunik kendu"
Hainbat gazteen eta ertzainen artean azken asteetan izandako istiluei buruz, Iñaki Subijana EAEKo Justizia Auzitegi Nagusiko presidenteak adierazi du "lehia bat" dagoela "Zuzenbide-Estatuaren eta Estatu beraren artean". "Biktima-justiziaren esparruan ezartzen ari garen neurrien inguruko hausnarketa egitera behartzen gaituzte", ondorioztatu du.
Bertan behera geratu da Puyko jaitsiera, bigarren urtez jarraian
Txosnek jai-eremu tradizionala aldarrikatu dute jaitsieraren kalean, udalaren debekuaren aurrean: "Jaiak herriarenak dira". Gogoratu beharra dago Udalak bigarren urtez jarraian debekatu duela hirigunean txosnen jai-esparrua jartzea, kanpoaldera mugituz.
AEBko Euskal Etxeetan euskararen irakaskuntza indartzeko hitzarmena sinatu dute
Etxepare Euskal Institutuak eta NABOk (North American Basque Organizations) sinatu dute lankidetza hitzarmena. Pradalesek adierazi duenez, "akordio hau konpromiso pedagogikoa baino gehiago da, urrats estrategikoa da euskararen nazioartekotzean".
Dobaranek eta Angulok Arkauti utziko dute urtebete eskas bete ondoren
Agur gutun batean, akademiaren eraldaketarako faseak abian jarri dituztela azaldu dute, baina ez dute irteeraren arrazoia zehaztu.
Eusko Jaurlaritzak Diasporaren Lege berri bat sustatuko du 2026an, egungo erronketara egokitzeko
Euskal herritarrek atzerrian duten presentzia aprobetxatzea da helburua, eta "Euskadi Globala" estrategian eragile diplomatiko gisa interesgarriak izan daitezkeen pertsona guztiak sare horretan sartzea.
Aukera berriak aprobetxatzeko AEBrekin harremanak estutzearen alde agertu da lehendakaria Boisen
Imanol Pradalesek esan du beharrezkoa dela zarata gainditzea eta AEBren eta EAEren arteko lankidetza "zubiak eraikitzen jarraitzea", enpresa aukera berriak aprobetxatzeko. "Ez gara hutsetik hasi. Bilera honekin jarraipena ematen diogu Estatu Batuen eta Euskadiren arteko harreman transatlantikoak sendotzeko helburuari", gaineratu du.
Cerdanen koinatu batek igeltsero gisa lan egin zuen Servinabar enpresan, eta 61.000 euro baino gehiago kobratu zituen
Antonio Muñoz Canok, zehazki, 3.363,36 euro jaso zituen 2019an, 16.255 euro 2020an, 21.233 euro 2021ean eta 20.818 euro 2022an. Igeltseroak bi alditan lan egin zuen eraikuntza konpainian, eta 61.669 euro jaso zituen guztira.
Ramiro González: "Talgoren egoitza sozialaren itzulera oso albiste ona da, sinbolismoz betea"
Ramiro Gonzalez Arabako ahaldun nagusiak Talgo enpresaren egoitza soziala Arabara itzultzea goraipatu du. Radio Euskadiko Boulevard saioan egindako elkarrizketan, Talgo erosteko operazioaren azken berriak izan ditu hizpide. Zalantzarik gabe esan du "oso albiste ona dela euskal industriarentzat eta bereziki Arabako industriarentzat", eta nabarmendu du Talgo aktibo garrantzitsua dela lurraldeko jarduera industriala berreskuratzeko.