Trantsizio Energetikoaren eta Klima Aldaketaren legea onartu du Eusko Legebiltzarrak
Joan den hilean EAJ, PSE-EE eta EH Bildu alderdiek Trantsizio Energetikoaren eta Klima Aldaketaren Legearen edukiaren inguruan akordioa lortu ondoren, gaur arauari argi berdea eman dio Eusko Legebiltzarrak. Lehendakariak hauteskunde autonomikoak deitu baino lehen onartzeke zegoen lege-proiektu garrantzitsuenetako bat zen.
Aurreikusita bezala, EAJk, PSE-EEk eta EH Bilduk alde bozkatu dute, eta arauak aurrera egin du talde horien babesarekin (75tik 62 legebiltzarkidek babestu dute). Gainerako alderdiek — Elkarrekin Podemos-IU, PP, Vox eta Ciudadanos — kontra bozkatu dute.
2050erako EAEn karbono emisioak zerora murriztea du helburu legeak, eta, horretarako, neurri zehatzak ezarri dira. Hala nola, ondorengoak:
- 2030erako EAEn ekoizten den energia guztiaren % 32 berriztagarrien bidez ekoitzi beharko da.
- EAEn energia berriztagarrien instalazioak (eguzki parkeak zein eolikoak) jartzen dituzten enpresek kanon bat ordaindu beharko dute inguruan egindako kaltea konpentsatzeko
- Eusko Jaurlaritzak baliabide fosilen desinbertsiorako bide orri bat zehaztu eta gauzatu beharko du 2030erako
- Klima Aldaketaren Euskal Bulegoa eta batzorde zientifiko bat sortuko da
Goizeko saioan egin duen agerraldian, Arantxa Tapia Ekonomiaren Garapen, Jasangarritasun eta Ingurumeneko sailburuak eskerrak eman dizkie legea ahalbidetu duten taldeei, "egindako ahaleginagatik". Bere hitzetan, "anbizio handiko legea da, baina aldi berean, errealista".
Taldeetako ordezkariei dagokienez, EAJk, PSE-EEk eta EH Bilduk arau berria defendatu dute, bakoitzak bere ñabardurekin, eta berau betetzeko konpromisoa agertu. Gainerako alderdiak, aldiz, oso kritiko agertu dira; Elkarrekin Podemos-IUrentzat anbizio gutxiko legea den bitartean, PP eta Vox taldeek uste dute bete ezin diren helburuak dituela arauak.
Euko Jaurlaritzak iazko maiatzean aurkeztu zuen lege-proiektua, eta ekainean hasi ziren izapidetzen ganberan. Ezein taldek ez zuen osoko zuzenketarik aurkeztu. EH Bilduk 115 zuzenketa partzial aurkeztu zituen; Elkarrekin Podemos-IUk, 116; PPk, 50, eta Ciudadanosek, 9. Jaurlaritza osatzen duten taldeek, bestalde, 117 zuzenketa aurkeztu zituzten.
Legebiltzarrean legea onartzeko saioa egiten ari ziren bitartean, kanpoaldean Euskal Herria Bizirik sare ekologistako hainbat kidek protesta egin dute. Besteak beste, salatu dute zentral eoliko eta fotoboltaikoak eraikiko dituzten enpresa handien interesen alde egindako araua dela:
Zure interesekoa izan daiteke
Migratzaileen lan-baimenen eskumena Nafarroak har dezala eskatuko du UPNk
Gainera, migrazio arloko beste neurri batzuk proposatuko ditu, hala nola udalentzako laguntzak biztanleria migratzailearen bolumenaren arabera doitzea, titulazioen homologazioa erraztea eta jatorrizko herrialdeetan kontratatzea errazteko estatuko legeak aldatzea.
“Lehentasun nazionala”, Extremadurako eta Aragoiko gobernu-akordioen ardatz
Maria Guardiola Extremadurako presidente izendatu dute asteazken honetan PPren eta Voxen aldeko botoekin, aurreko astean akordioa lortu ondoren. Aragoin ere adostasun batera iritsi dira bi alderdiak eta hurrengo astean izendatuko dute Jorge Azcon presidente.
Iparragirrek eta Azpiazuk damua agertzen duten gutunak egin ditu publiko Auzitegi Nazionalak, auto banatan
Biktimei zuzendutako hiru gutun dira publiko egin direnak, Iparragirreren bat eta Aspiazuren bi. Eragindako mina aitortzen dute ETAko buruzagi izandakoek.
Espainia NATOtik ateratzeko erreferenduma eskatzen zuen Podemosen mozioa errefusatu du Kongresuak
Besteak beste, moreek proposatutako testuak Rota eta Morongo baseetan AEBko jarduera militar oro bertan behera uztea eskatzen zuen, eta Espainiako historiako gastu militarraren igoerarik handiena lehengoratzea ere.
Kongresuak arma zuriei buruzko legedia gogortzeko PPren plana onartu du, zigor eta aldaketa gehiagorekin
Halaber, debekatutako armen katalogoa handitzea eta Internet bidezko salmentaren gaineko kontrola indartzea eskatu dute. Ekimenak aurrera egin du PPren, Voxen eta UPNren babesarekin.
Marisol Iparragirreri erdi-askatasuneko erregimena ukatu dio epaileak
100.2 artikulua aplikatuta, joan den martxotik, lo egitera joaten zen espetxera, aste barruan eta asteburuetan. Erabaki horren ondorioz, espetxean gelditu beharko du. Iparragirreren abokatuak EITBri aurreratu dio helegitea aurkeztuko dutela.
Ubarretxena: "Euskarak akordioak behar ditu, ez du zarata behar"
Gobernantzako, Administrazio Digitaleko eta Autogobernuko sailburu eta Eusko Jaurlaritzaren bozeramaile Maria Ubarretxenak adierazi duenez, ez dute "ezer hautsitzat eman", eta EAJk eta PSE-EEk EAEko administrazio publikoan LEPetan euskararen segurtasun juridikoa indartzeko egiten dituzten elkarrizketek "jarraitzen dute" eta "oraindik badago tarterik" akordio bat lortzeko. "Azken momentura arte" itxaron behar dela aipatu du.
Marlaskak dio Korrikan presoen argazkiak erakustea legez ez dela delitua
Fernando Grande Marlaska Espainiako Gobernuko Barne ministroak esan du "nazkagarriak" iruditu zitzaizkiola azken Korrikan ikusitako hainbat irudi, besteak beste, ETAko preso baten argazkia soinean zeraman haurrarena. Azaldu du segurtasun indarrek adi jarraitzen dutela halako gertakarien aurrean, baina, legea eskuan, ekintza horiek ez direla delitua erantsi du. Senatuan egin ditu hitzok ministroak, UPNko Maria Caballerori, ETAk hil zuen Tomas Caballero Iruñeko zinegotzi izandakoaren alabari, erantzunez.
Insaustik Udalaren autonomia defendatu du, Donostiako Infernuko lursail batzuk Eusko Jaurlaritzari lagatzeari uko egin ostean
PSEk, EH Bilduk eta Elkarrekin Donostiak bi udal lurzati Eusko Jaurlaritzari lagatzea eskatu zuten, etxebizitza publikoak eraikitzeko, eta alokairuko etxebizitza babestuak eskaintzeko aukera galdu izana deitoratu dute.
Eneko Anduezak “oso zail” jo du EAJrekin akordioa lortzea lanpostu publikoetan euskara blindatzeko
PSEren buruak adierazi du “prest” daudela hitz egiteko, baina jeltzaleen proposamena zalantzan jarri du eta esan du “milaka herritarren eskubideen aurka” doala. Joseba Díez Antxustegik, EAJren bozeramaileak Eusko Legebiltzarrean, “albiste txarra” dela uste du, “bai herriarentzat, bai euskararentzat”.