Lehendakariak bilera errondatik kanpo utziko du Vox, ez datorrelako bat "marko etiko eta demokratikoarekin"
Imanol Pradales lehendakaria ez da Voxekin bilduko Eusko Legebiltzarreko taldeekin egingo duen bilera sortan; izan ere, alderdi ultraeskuindarra "ez dator bat marko etiko eta demokratikoarekin" eta ez du euskal autogobernua onartzen.
Gobernu Bileraren osteko prentsaurrekoan, Maria Ubarretxena bozeramaileak esan du Jaurlaritzak "errespetatu" egiten duela "Voxek Parlamentuan lortu duen ordezkaritza", baina azaldu du Pradalesek iragarritako bilera sortaren helburua "herrialdearen etorkizunerako gutxieneko oinarriak bilatzea" dela. "Ideologia desberdinak ditugun arren, oinarriak dira balio demokratikoak, giza eskubideak eta, batez ere, gure autogobernuaren onarpena barne hartzen dituen joko-arauak partekatzen eta errespetatzen ditugun alderdien artekoak", nabarmendu du.
Horregatik, "begi bistakoa da Vox ez datorrela bat esparru etiko eta demokratiko horrekin", eta, beraz, uste du ez duela zentzurik "mahai gainean dagoen marko nagusi hori errespetatzen ez duen alderdi batekin etorkizuneko oinarriak ezartzen saiatzea".
Lehenago, Radio Euskadin emandako elkarrizketa batean, Ibone Bengoetxea lehen lehendakariordeak ideia hori bera iradokitu du. Esan duenez, lehendakaria saiatuko da "espazio partekatua" bilatzen "balio demokratikoekiko, giza eskubideekiko, aniztasunarekiko eta autogobernuarekiko errespetua" partekatzen duten talde politikoekin "herri mailako erronka handiei" aurre egiteko. Ildo horretan, Voxek hiru gai horietako bat ere errespetatzen ez duela ziurtatuta, lehendakariorde lehenak gehitu du "oso zaila" dela akordio horietan egotea.
2020an, Voxek Iñigo Urkulluk egindako bileretan parte hartu zuen. Hurrengo txandan, ordea, Amaia Martinez legebiltzarkideak ez parte hartzea erabaki zuen, bere alderdiaren aurkako "osasun-hesia" salatzeko.
"Milaka euskal herritarren bazterketa" salatu du Voxek
Voxek erabakia salatu du, "milaka euskal herritar eztabaidatik eta bizitza publikotik kanpo utzi nahi dituelako". Eusko Jaurlaritzak eta EAJk gero eta euskal herritar gehiagok pairatzen dituzten arazoei bizkarra ematea deitoratu du Martinezek, eta alderdi hori Euskadin "indar sendotua" dela ziurtatu du.
"Euskal herritarrek Voxek Eusko Legebiltzarrean eserleku bat izatea nahi izan dute, eta Eusko Jaurlaritzako lehendakariaren betebeharra da guri harrera egitea, eta ukatzen saiatzen ari diren errealitatea eta arazak entzutea, arabarrek, bizkaitarrek eta gipuzkoarrek gero eta gehiago pairatzen baitituzte", adierazi du. Pradalesen erabakiak agerian utzi du "separatismoak" oraindik ere uste duela euskal herritar batzuek ez dutela halakorik merezi "espainiar abertzale" izateagatik.
Albiste gehiago politika
Sare eta Etxerat elkarteek Bizkaiko eta Gipuzkoako 11 hondartzatan egin dute mobilizazioa
Urteroko ekimena izan dute gaur, Sare eta Etxerat elkarteek deituta, Gipuzkoako eta Bizkaiko 11 hondartzatan. Elkarbizitzarako jauzia egin ahal izateko, ETAko preso, iheslari eta deportatuen auziari behin betiko konponbidea ematea ezinbestekotzat jotzen dute. Biktimek horrenbeste merezi eta behar duten egia, aitortza eta erreparazioaren garrantzia ere azpimarratu dute.
Maider Etxebarria Gasteizko alkatea: "Asko poztuko ninduke jaien amaieran zero erasoren balantzea egin ahal izateak"
2025eko Andre Maria Zuriaren jaien atarian, festak "bizikidetzatik eta errespetutik, alaitasun eta ilusio handiz bizitzeko" deia egin die Gasteizko alkateak herritarrei eta bisitariei.
EAEko Justizia Auzitegi Nagusiko presidentea: "Zenbait sektorek ez diote modu argi batean indarkeria politikoari zilegitasunik kendu"
Hainbat gazteen eta ertzainen artean azken asteetan izandako istiluei buruz, Iñaki Subijana EAEKo Justizia Auzitegi Nagusiko presidenteak adierazi du "lehia bat" dagoela "Zuzenbide-Estatuaren eta Estatu beraren artean". "Biktima-justiziaren esparruan ezartzen ari garen neurrien inguruko hausnarketa egitera behartzen gaituzte", ondorioztatu du.
Bertan behera geratu da Puyko jaitsiera, bigarren urtez jarraian
Txosnek jai-eremu tradizionala aldarrikatu dute jaitsieraren kalean, udalaren debekuaren aurrean: "Jaiak herriarenak dira". Gogoratu beharra dago Udalak bigarren urtez jarraian debekatu duela hirigunean txosnen jai-esparrua jartzea, kanpoaldera mugituz.
AEBko Euskal Etxeetan euskararen irakaskuntza indartzeko hitzarmena sinatu dute
Etxepare Euskal Institutuak eta NABOk (North American Basque Organizations) sinatu dute lankidetza hitzarmena. Pradalesek adierazi duenez, "akordio hau konpromiso pedagogikoa baino gehiago da, urrats estrategikoa da euskararen nazioartekotzean".
Dobaranek eta Angulok Arkauti utziko dute urtebete eskas bete ondoren
Agur gutun batean, akademiaren eraldaketarako faseak abian jarri dituztela azaldu dute, baina ez dute irteeraren arrazoia zehaztu.
Eusko Jaurlaritzak Diasporaren Lege berri bat sustatuko du 2026an, egungo erronketara egokitzeko
Euskal herritarrek atzerrian duten presentzia aprobetxatzea da helburua, eta "Euskadi Globala" estrategian eragile diplomatiko gisa interesgarriak izan daitezkeen pertsona guztiak sare horretan sartzea.
Aukera berriak aprobetxatzeko AEBrekin harremanak estutzearen alde agertu da lehendakaria Boisen
Imanol Pradalesek esan du beharrezkoa dela zarata gainditzea eta AEBren eta EAEren arteko lankidetza "zubiak eraikitzen jarraitzea", enpresa aukera berriak aprobetxatzeko. "Ez gara hutsetik hasi. Bilera honekin jarraipena ematen diogu Estatu Batuen eta Euskadiren arteko harreman transatlantikoak sendotzeko helburuari", gaineratu du.
Cerdanen koinatu batek igeltsero gisa lan egin zuen Servinabar enpresan, eta 61.000 euro baino gehiago kobratu zituen
Antonio Muñoz Canok, zehazki, 3.363,36 euro jaso zituen 2019an, 16.255 euro 2020an, 21.233 euro 2021ean eta 20.818 euro 2022an. Igeltseroak bi alditan lan egin zuen eraikuntza konpainian, eta 61.669 euro jaso zituen guztira.
Ramiro González: "Talgoren egoitza sozialaren itzulera oso albiste ona da, sinbolismoz betea"
Ramiro Gonzalez Arabako ahaldun nagusiak Talgo enpresaren egoitza soziala Arabara itzultzea goraipatu du. Radio Euskadiko Boulevard saioan egindako elkarrizketan, Talgo erosteko operazioaren azken berriak izan ditu hizpide. Zalantzarik gabe esan du "oso albiste ona dela euskal industriarentzat eta bereziki Arabako industriarentzat", eta nabarmendu du Talgo aktibo garrantzitsua dela lurraldeko jarduera industriala berreskuratzeko.