Begoña Gomezek ez du Barrabesen deklaraziora joan beharko
Begoña Gomezek, Pedro Sanchez Espainiako Gobernuko presidentearen emazteak, ez du epaitegietara joan beharko astelehenean, uztailaren 15ean, Juan Carlos Barrabes enpresariaren deklarazioaren lekuko izateko.
Enpresariak alta jaso du eta, dagoeneko, ez dago erietxean ingresatuta. Beraz, Juan Carlos Peinado epaileak deklarazioa epaitegian hartzea erabaki du. Horrela, haren testigantza ez da aldez aurretik eratutako froga gisa egingo, eta Pedro Sanchezen emazteak ez luke bertaratu beharrik izango.
Horren aurretik, ordea, epaileak Gomezi ohartarazi zion deklarazio horretara joateko "betebeharra" zuela eta, hala egiten ez bazuen, haren aurkako "atxilotze agindua" eman zezakeela. Sanchezen emazteak jaso zuen Madrilgo 41. Instrukzio Epaitegiaren zitazio-zedulan azaltzen zenez, Barrabesen deklarazioa aurrez eratutako froga gisa erabiliko zen, lekukoaren osasun-arrazoiengatik, eta, egunen batean epaiketa bat eginez gero, erabili ahal izango zuten. Hori zen Begoña Gomez presentzialki bertan egoteko arrazoia.
Bestetik, Gomezen defentsa abokatuak, Antonio Camachok, auzia artxibatzeko eskatu dio Madrilgo Probintzia Auzitegiari, "ikerketa unibertsala irekitzea ahalbidetzen duen elementurik ez dagoela" argudiatuta. Camachok errekurtsoa aurkeztu du Peinado epaileak hilaren 2an emandako autoaren aurka.
Auto hartan epaileak adierazi zuen "bere senarra Espainiako Gobernuko presidentea denetik ikertuak egin dituen ekintza, jarrera eta jokabide guztiak" direla ikergai eta "hasierako salaketan jasota" daudela.
Ikerketatik kanpo utzi zituen Red.es erakunde publikoak Innova Next eta Escuela de Negocios The Valley aldi baterako enpresa-elkarteari esleitutako kontratuei buruzko egitateak. Kontratu horiek Europako funtsekin finantzatu ziren, eta Europako Fiskaltzari dagokio horien berri izatea.
Hala ere, defentsa abokatuak alegazioan azaldu duenez, "ikertzen ari diren gertakari horiei buruz, dagoeneko Probintzia Auzitegiak esana du ez dagoela nahikoa froga-oinarririk", eta "ez da hasierako salaketan jasotakoez bestelako elementurik aurkeztu".
Camachoren aburuz, auziari gehitu zaizkion "elementu desberdin" bakarrak "bost akusazio partikularrek aurkeztutako dozenaka idazki" dira. Horietako gehienak "bertaratu izanaren ondorio diren prozesuei" lotutakoak dira edota Begoña Gomezen "jokabideari buruzko zantzurik ematen ez duten prentsako eta dokumentazioko albiste gehiago" dituzten alegazioei buruzkoak dira.
Gomezen defentsak azpimarratu du Peinado epailea "doktrinak ikerketa prospektiboa deitu duenaren adibide praktiko bat" egiten ari dela, eta Madrilgo Auzitegiak zehaztu zuen "ikerketaren mugetatik harago" doala.
Hori dela eta, abokatuaren iritzian, "Gomez lotzen duen zantzu txikienik ez dagoenez, ez ikertzen ari diren kontratuekin (...) ezta Air Europaren gorabehera ekonomikoekin ere", "prozedura honetan ikertu gisa egoteari utzi behar dio".
Albiste gehiago politika
Sanchezek neurri "sendoak" ezarri behar dituela eta "ausardiaz" jokatu behar duela azpimarratu du EH Bilduk
Mertxe Aizpurua EH Bilduk Kongresuan duen bozeramaileak ostegun honetan Kongresuko osoko bilkurara heldu denean zehaztu duenez, Pedro Sanchez presidenteak ustelkeriaren aurkako neurri "sendoak" ezarri behar ditu, eta "ausardiaz" jokatu behar du, "EH Bilduren babesa izaten jarraitu nahi badu".
Eneko Andueza konbentzituta dago 'Koldo auziak' ez duela PSE-EEn eraginik izango
PSOE eta Nafarroak Alderdi Sozialista astintzen ari den ustezko ustelkeria kasuaren aurrean, Eneko Andueza PSE-EEko idazkari nagusia konbentzituta dago ez duela eraginik izango Euskadiko Alderdi Sozialistan. Halaber, sozialistak kritikatzen ari direnei zuhur jokatzeko gomendioa egin die. Izan ere, horren esanetan, orain fokoa sozialisten gainean badago ere, litekeena da auzia beste alderdi batzuengana ere zabaltzea.
Maria Chivite: "Erortzen dena erortzen dela esan nuen, eta betetzen ari naiz"
Ramon Alzorriz PSNren idazkariorde nagusi eta Parlamentuko bozeramailearen dimisioaren ostean, Maria Chivite Nafarroako Gobernuko presidenteak agerraldia egin du hedabideen aurrean, eta adierazi du berak ez duela "dimititzeko argudiorik".
Chivite, Alzorrizen dimisioa dela eta: "Erortzen dena erortzen dela esan nuen, eta betetzen ari naiz"
Maria Chivite Nafarroako presidenteak ez du dimisioa emango eta nabarmendu du ez dagoela ez bera, ez Nafarroako Gobernua eta ezta PSN alderdia ere ustelkeria kasuekin lotzen duen ezer.
Semper: "EAJ jabetzen hasi da PSOEk halako batean botata utzi egingo duela"
PPren bozeramailearen arabera, "Euskadin etorkizunerako aukera aritmetikoa PSE Bildurekin joatea da, EAJ albo batera utzita".
Lehendakariak baztertu egin du 'Cerdan auzia'k EAJ/PSE-EE gobernuari kalte egingo dionik: "Egonkortasuna zaintzea garrantzitsua da"
"Zorionez, Euskadin bestelako giro politikoa dugu. Ez gaude madrildarren lokaztian", adierazi du lehendakariak 'Cerdan auzia'k Euskadin izan ditzakeen ondorioez galdetuta.
"Sanchezek irmoago, gardenago eta azkarrago jardun behar du"
Lehendakariaren ustez, Espainiako Gobernua "beste fase batean sartu da", azken egunetan ezagutu diren ustezko ustelkeria kasuen ostean. "Egoera oso larria da, eta zapaldu ezin daitekeen ildo etiko bat dago jokoan", gaineratu du Pradalesek.
Imanol Pradales: 'Akordio batzuk zabalagoak izatea gustatuko litzaidake'
Lehendakari izan den lehen urtean zer ez den ondo egin galdetu diotenean, Imanol Pradalesek esan du gustatuko litzaiokeela "akordio batzuk zabalagoak izatea, batez ere aurrekontuen arloan". Gainera, lehendakariak kritikatu du zenbait unetan gobernukideek desadostasun puntuak jendaurrera eramatea. "Aldez aurretik sukaldeko lana eginda saihestu genitzakeen", gaineratu du.
Alzorrizek dimisioa eman du PSNko idazkariorde nagusi gisa, bere bikotekideak Servinabarren lan egin zuela onartu ondoren
Alzorrizek ere dimisioa eman du Nafarroako Parlamentuko PSNren bozeramaile gisa, baina parlamentari bezala jarraituko du. Prentsaurrekoan jakinarazi duenez, bere bikotekideak Belateko tuneletako eraikuntzan parte hartu zuen Servinabar enpresan lan egin du. UCOk adierazi du Cerdan enpresa horren % 45en jabe zela.
Berdintasun ministroak prostituzioa debekatzeko lege proposamena eramango du irailean Ministroen Kontseilura
Ana Redondo ministroaren esanetan, "Espainiako gizartea eraldatuko duen legea izango da", eta "prostituzioa eta matxismoa desagerrarazteko bidean" lagunduko du.