Osasun publiko "indartsuagoa" eta pribatuaren gainetik jarriko dena eskatuko dio Sumarrek lehendakariari
Osasun publikoa indartzea eta Osakidetza "osasun pribatuaren gainetik jartzea" eskatuko dio gaur Jon Hernandez Sumarreko legebiltzarkideak Imanol Pradales lehendakariari Lehendakaritzan egingo duten bileran.
Radio Euskadiko Boulevard saioan eskainitako elkarrizketan, Hernandezek bilera horretara eramango dituen gai nagusiak azaldu ditu. Izan ere, lehendakariak gaur ekingo dio alderdi politikoekin iragarritako bilera-sorta, eta Sumar izango da Ajuria Eneara gerturatuko den aurreneko indarra.
Oraingoz, Sumarrek ez du "aldaketa nabarmenik" sumatu lehendakari berrian, Iñigo Urkullurekin alderatuta. "Egia da kontaktu erronda honekin esfortzu bat egiten ari dela, baina hau ere aurreko legegintzaldi batzuetan ikusi genuen", adierazi du. "Neurri zehatzak ikusi arte, ez dugu jarrera aldaketaz hitz egingo", gaineratu Hernandezek.
Gaurko bileran, Sumarrek "neurri zehatzei" buruz hitz egitea eskatuko dio Pradalesi, batez ere osasun publikoaren edo etxebizitza-politiken eremuan.
Lehen gai horretan, Hernandezek adierazi du gai batzuk "premiazkoak" direla, hala nola Osakidetzako plantilla handitzea eta behar adina mediku bermatzea, edo "profesionalak fidelizatzearen alde" egitea. "Osasun publikoa hedatzeko eta indartsuagoa bihurtzeko unea da, eta osasun pribatuaren gainetik jarri behar dugu", azpimarratu du.
Etxebizitza-politikari dagokionez, zehaztasun gehiago eskatuko dizkio lehendakariari, gai horretan dituen asmoak zehatz-mehatz ezagutzeko. Eusko Jaurlaritzak alokairuaren prezioak mugatzearen aldeko apustua egingo duen jakin nahi du Sumarrek, besteak beste.
Zure interesekoa izan daiteke
Pradalesek Agirreren ondarea aldarrikatu du haren heriotzaren urteurrenean: "Bake gizona, letra larriz"
Lehendakariak Jose Antonio Agirre ekarri du gogora, haren heriotzaren 66. urteurrenean, eta haren balioek nazioarteko egungo testuinguruan duten indarra azpimarratu du.
Abian da udal hauteskundeen bigarren itzulia Ipar Euskal Herriko 11 herritan
Baionan eta Biarritzen aliantzak lortu dituzte aste honetan bigarren itzulirako txartela lortu duten zerrendetako batzuek. Kanbon, Donibane Lohizunen, Hendaian, Urruñan, Maulen, Bokalen, Beskoitzen eta Azkainen, ordea, ez dute adostasunik lortu, eta hautagaitza bakoitzak bere bidea egingo du.
Ione Belarrak "zitala" deitu dio Josu Jon Imazi
Irango gerraren harira, deigarria izan da gaur Ione Belarra Podemoseko idazkari nagusiak Josu Jon Imaz Repsoleko kontseilari delegatuaren kontra erabili dituen hitzak: "Gerra hau Josu Jon Imazek ordaindu dezala, zitalki joan zen-eta Donald Trumpengana".
PSNko zinegotzi batek eraman du Korrikako lekukoa Milagron, eta ikusleen artean Santos Cerdan izan da
Erriberan ibili da larunbat honetan Korrika eta Milagron, PSNko zinegotzi sozialista batek eraman du lekukoa Udalaren izenean (UPNk eta PSNk osatzen dute udalbatza). Euskadin ez bezala, alderdi sozialista normaltasunez ari da Korrikan parte hartzen Nafarroan. Milagro, bestalde, Santos Cerdan PSOEren antolakuntzako idazkari ohiaren herria da eta ETBk jaso duenez, terraza batean harrapatu du Korrika. Handik, irribarretsu agurtu ditu korrikalariak.
ETAk hil zuen Juan Priede Orioko zinegotzi sozialista gogoratu dute
Jose Ignacio Asensiok esan du apartheid politikoa gauzatzea ekidin zutela Priede bezalako pertsonek. Urte gogor haietan askatasunaren alde pauso bat eman zutela nabarmendu du, eta haien memoria politikoki ez erabiltzeko eskatu dio eskuinari eta ultraeskuinari.
Soledad Iparragirre ETAko buruzagi ohiari erdi-askatasuna eman diote, eta espetxetik atera ahalko da astelehenetik ostiralera
Espetxe-araudiaren 100.2 artikulua aplikatu zaio, eta, hala, lanegunetan Martuteneko kartzelatik atera ahalko da, lo egitera itzuli beharko bada ere.
Lehendakariaren dekalogoa energia krisiari aurre egiteko neurrien artean jaso izana ondo hartu du Eusko Jaurlaritzak
Familiek eta euskal industriak faktura elektrikoa murrizteko lagungarria izango dela uste du Jaurlaritzak, baina faltan botatzen du azken urte honetan shock bikoitza (muga-zergek eta erregaien garestitzeak eragindakoa) jasan duten industria-enpresentzat neurriak hartzea.
EAJ "pozik" dago krisiaren aurkako neurriekin, baina "ez da nahikoa", EH Bilduren ustez
Jeltzaleen arabera, neurri horiek "elektrizitatearen eta erregaien azken prezioa familientzat eta autonomoentzat eskuragarriagoa izaten lagunduko dute". Koalizio abertzaleak positibotzat jo du Sanchezi helarazitako hiru proposamen jaso izana, baina neurriek energia eta petrolio enpresa handien irabaziak handituko dituztela kritikatu du. Bestalde, PPk ez du bere babesa ziurtatu, eta Podemosek esan du krisiaren aurkako plana ez dela eraginkorra.
Espainiako Gobernuak elektrizitatearen, gasaren, gasolinaren eta gasolioaren BEZa % 10era jaitsi du
Ezohiko Ministroen Kontseiluak Ekialde Hurbileko gerraren ondorioak arintzeko lehen neurri sorta bat onartu du gaur. Neurri horiek 5.000 milioi euro mobilizatuko dituzte. Sanchezen arabera, "ez du eragotziko legez kanpoko gerra honen ondorioak Espainiara iristea, baina bai eramangarriagoak izatea".
Apirileko itzalaldi elektrikoa "hainbat faktorek" eragin zuten, Europako adituen arabera
Txostenak ondorioztatu du "oso azkar hedatu" zela Espainiako hegoaldean izandako "arazo lokal bat". Horrek gaintentsioagatiko deskonexio orokorrak eragin zituen, eta, azkenik, sistema iberikoa Europako gainerako lurraldeetatik bereizi zen.