Otegi: "Ez dut ikusten PSE-EE estatus berriaz ituna lortzen, baina esan beharko digu zein den alternatiba"
Arnaldo Otegi EH Bilduko koordinatzaile nagusiaren iritzian, erabakitzeko eskubidearen eta Euskal Herriaren nazio aitortzaren inguruan "eztabaida sakon bat" egin behar da legegintzaldi honetan "Espainiako Estatuan dagoen kontestu historikoa" baliatuta. Horren ildoan, EAEren estatus politiko berria adostu beharra dagoela adierazi du, "lehenik eta behin, abertzaleen artean, edo behintzat Euskal Herria nazio gisa onartzen dugunon artean" —ezker konfederala tarteko egon daitekeela aipatu du—. Itun horretan ez omen du PSE-EE ikusten, baina, ohartarazi duenez, "esan beharko digu zein den bere alternatiba".
Hain justu, Euskadiko sozialistekin oso kritiko azaldu da gaur EH Bilduko buruzagia Euskadi Irratiko "Faktoria" saioan. Gai honetan "tranpak" egitea egotzi die, arazoa autodeterminazio eskubidean dagoela argudiatuta. "Horrek esan nahi du nazio aitortzarako prest daudela? Horrek esan nahi du euskal selekzioa jokatuko duela hurrengo Eurokopa? Horrek esan nahi du Gizarte Segurantza hemen egongo dela? Epaile batek erabaki euskaraz hitz egin dezakegun edo hori ere ez?", galdetu du.
Otegiren irudiko, PSE-EE "posizio erreakzionarioekin" dabil hainbat gairen inguruan, eta memoriaren alorrean "errelato partziala"ren alde duten jarrera aipatu du. Horren harira, EH Bilduko buruzagia "harrituta" azaldu da EAJk Gogora Institutua sozialisten esku utzi duelako, eta ohartarazi duenez, "badakigu EAJko sektore batzuk ere ez daudela oso pozik horrekin". "Herri honek merezi du memoria bat egia osoa kontatzen duena, eta ez bakarrik parte bat. Errelato partzial batetik ezin da eraiki elkarbizitza", gaineratu du.
Atzo Espainiako selekzioak Eurokopan lortutako garaipenaz galdetuta, Otegik esan du ez zuela partida ikusi, ez duelako bere burua ordezkatuta ikusten. "Euskal jokalariek ezin dute euskal selekzioarekin jokatu, ukatu egiten dietelako eskubide hori; debeku baten aurrean gaude", nabarmendu du.
Hala, adierazi du Euskal Herrian "desnazionalizazio prozesu galopante baten aurrean" dagoela, eta horri aurre egiteko gogoeta eskatu du "abertzaleon, eta euskal demokraton guztien" partetik.
Azkenik, gaur Pello Otxandianok Imanol Pradales lehendakariarekin duen bileraz galdetuta, erantzun du "etapa berri bat ireki" dela eta "akordioaren apologia" egin behar dela defendatu. "EH Bilduren prestutasuna erabatekoa da", gehitu du. Otegiren ustez, lehendakari berriak "orain arteko musika aldatu" eta "gauzak batzuk zuzendu ditu", besteak beste, Osakidetza "ondo ez dagoela" onartzea. Izan ere, gogorarazi duenez, Urkulluk "konspirazioa" aipatzen zuen, eta EH Bilduri Jaurlaritza "higatzen saiatzea" egozten zion. Ildo horretan, EAJ eta PSE-EEren aurreko gobernuak eta ezarritako "politika neoliberalak" egin ditu egungo egoeraren erantzule.
Albiste gehiago politika
Sare eta Etxerat elkarteek Bizkaiko eta Gipuzkoako 11 hondartzatan egin dute mobilizazioa
Urteroko ekimena izan dute gaur, Sare eta Etxerat elkarteek deituta, Gipuzkoako eta Bizkaiko 11 hondartzatan. Elkarbizitzarako jauzia egin ahal izateko, ETAko preso, iheslari eta deportatuen auziari behin betiko konponbidea ematea ezinbestekotzat jotzen dute. Biktimek horrenbeste merezi eta behar duten egia, aitortza eta erreparazioaren garrantzia ere azpimarratu dute.
Maider Etxebarria Gasteizko alkatea: "Asko poztuko ninduke jaien amaieran zero erasoren balantzea egin ahal izateak"
2025eko Andre Maria Zuriaren jaien atarian, festak "bizikidetzatik eta errespetutik, alaitasun eta ilusio handiz bizitzeko" deia egin die Gasteizko alkateak herritarrei eta bisitariei.
EAEko Justizia Auzitegi Nagusiko presidentea: "Zenbait sektorek ez diote modu argi batean indarkeria politikoari zilegitasunik kendu"
Hainbat gazteen eta ertzainen artean azken asteetan izandako istiluei buruz, Iñaki Subijana EAEKo Justizia Auzitegi Nagusiko presidenteak adierazi du "lehia bat" dagoela "Zuzenbide-Estatuaren eta Estatu beraren artean". "Biktima-justiziaren esparruan ezartzen ari garen neurrien inguruko hausnarketa egitera behartzen gaituzte", ondorioztatu du.
Bertan behera geratu da Puyko jaitsiera, bigarren urtez jarraian
Txosnek jai-eremu tradizionala aldarrikatu dute jaitsieraren kalean, udalaren debekuaren aurrean: "Jaiak herriarenak dira". Gogoratu beharra dago Udalak bigarren urtez jarraian debekatu duela hirigunean txosnen jai-esparrua jartzea, kanpoaldera mugituz.
AEBko Euskal Etxeetan euskararen irakaskuntza indartzeko hitzarmena sinatu dute
Etxepare Euskal Institutuak eta NABOk (North American Basque Organizations) sinatu dute lankidetza hitzarmena. Pradalesek adierazi duenez, "akordio hau konpromiso pedagogikoa baino gehiago da, urrats estrategikoa da euskararen nazioartekotzean".
Dobaranek eta Angulok Arkauti utziko dute urtebete eskas bete ondoren
Agur gutun batean, akademiaren eraldaketarako faseak abian jarri dituztela azaldu dute, baina ez dute irteeraren arrazoia zehaztu.
Eusko Jaurlaritzak Diasporaren Lege berri bat sustatuko du 2026an, egungo erronketara egokitzeko
Euskal herritarrek atzerrian duten presentzia aprobetxatzea da helburua, eta "Euskadi Globala" estrategian eragile diplomatiko gisa interesgarriak izan daitezkeen pertsona guztiak sare horretan sartzea.
Aukera berriak aprobetxatzeko AEBrekin harremanak estutzearen alde agertu da lehendakaria Boisen
Imanol Pradalesek esan du beharrezkoa dela zarata gainditzea eta AEBren eta EAEren arteko lankidetza "zubiak eraikitzen jarraitzea", enpresa aukera berriak aprobetxatzeko. "Ez gara hutsetik hasi. Bilera honekin jarraipena ematen diogu Estatu Batuen eta Euskadiren arteko harreman transatlantikoak sendotzeko helburuari", gaineratu du.
Cerdanen koinatu batek igeltsero gisa lan egin zuen Servinabar enpresan, eta 61.000 euro baino gehiago kobratu zituen
Antonio Muñoz Canok, zehazki, 3.363,36 euro jaso zituen 2019an, 16.255 euro 2020an, 21.233 euro 2021ean eta 20.818 euro 2022an. Igeltseroak bi alditan lan egin zuen eraikuntza konpainian, eta 61.669 euro jaso zituen guztira.
Ramiro González: "Talgoren egoitza sozialaren itzulera oso albiste ona da, sinbolismoz betea"
Ramiro Gonzalez Arabako ahaldun nagusiak Talgo enpresaren egoitza soziala Arabara itzultzea goraipatu du. Radio Euskadiko Boulevard saioan egindako elkarrizketan, Talgo erosteko operazioaren azken berriak izan ditu hizpide. Zalantzarik gabe esan du "oso albiste ona dela euskal industriarentzat eta bereziki Arabako industriarentzat", eta nabarmendu du Talgo aktibo garrantzitsua dela lurraldeko jarduera industriala berreskuratzeko.