Botere Judizialaren Kontseilu Nagusiak presidente berria hautatuko du gaur, bost urteko blokeoaren ondotik
Botere Judizialaren Kontseilu Nagusiak (BJKN) presidente berria hautatuko du gaur, bost urteko blokeoaren ondotik. Zazpi dira hautagaiak —bost emakume eta bi gizonezko—, guztiak Auzitegi Goreneko magistratuak. Hainbat iturriren arabera, hiru dira faboritoak: Pilar Teso 2013an ere hautagai izan zen progresista moderatua; Pablo Lucas sektore kontserbadoreak proposatutako magistratu progresista moderatua; eta Ana Ferrer progresista, besteak beste, 'proces' auziko epaimahaikide izandakoa. Angeles Huet, Antonio del Moral, Esperanza Cordoba eta Carmen Lamela dira beste laurak, denak kontserbadoreak. Azken hori, 'Altsasu' auziko epaile instruktorea izan zen.
Hautagaitza guztiak BJKN osatzen duten 20 kide berriek —erdiak Alderdi Popularrak proposatutakoak eta beste erdiak PSOEK— joan den astean aurkeztutakoak dira. 2018tik dago berritu gabe epaileen organo gorena.
Halaber, 2022an Carlos Lesmesek dimisioa aurkeztu eta Goreneko eta BJKNko presidentetza utzi zuenetik, bi erakunde horien presidentetza bitan banatuta dago. Ez ziren ados jarri bietarako presidente bakarra izendatzeko. Beraz, gaurko bozketarekin, atzera berriz bi organoak presidente bakarra izatera igaroko dira.
Araudiaren arabera, presidente aukeratzeko hiru bosten babesa behar da, gutxienez; hau da, gutxienez 20 bokaletatik 13k egin behar dute hautagai beraren alde. BJKNko orain arteko presidente guztiak gizonezkoak izan dira.
BJKNko presidentziarako hautagai izateko hainbat baldintza bete behar dira: Auzitegi Goreneko magistratua izatea, edo 25 urte baino gehiagoko eskarmentua izatea legelari moduan.
Albiste gehiago politika
Sanchezek neurri "sendoak" ezarri behar dituela eta "ausardiaz" jokatu behar duela azpimarratu du EH Bilduk
Mertxe Aizpurua EH Bilduk Kongresuan duen bozeramaileak ostegun honetan Kongresuko osoko bilkurara heldu denean zehaztu duenez, Pedro Sanchez presidenteak ustelkeriaren aurkako neurri "sendoak" ezarri behar ditu, eta "ausardiaz" jokatu behar du, "EH Bilduren babesa izaten jarraitu nahi badu".
Eneko Andueza konbentzituta dago 'Koldo auziak' ez duela PSE-EEn eraginik izango
PSOE eta Nafarroak Alderdi Sozialista astintzen ari den ustezko ustelkeria kasuaren aurrean, Eneko Andueza PSE-EEko idazkari nagusia konbentzituta dago ez duela eraginik izango Euskadiko Alderdi Sozialistan. Halaber, sozialistak kritikatzen ari direnei zuhur jokatzeko gomendioa egin die. Izan ere, horren esanetan, orain fokoa sozialisten gainean badago ere, litekeena da auzia beste alderdi batzuengana ere zabaltzea.
Maria Chivite: "Erortzen dena erortzen dela esan nuen, eta betetzen ari naiz"
Ramon Alzorriz PSNren idazkariorde nagusi eta Parlamentuko bozeramailearen dimisioaren ostean, Maria Chivite Nafarroako Gobernuko presidenteak agerraldia egin du hedabideen aurrean, eta adierazi du berak ez duela "dimititzeko argudiorik".
Chivite, Alzorrizen dimisioa dela eta: "Erortzen dena erortzen dela esan nuen, eta betetzen ari naiz"
Maria Chivite Nafarroako presidenteak ez du dimisioa emango eta nabarmendu du ez dagoela ez bera, ez Nafarroako Gobernua eta ezta PSN alderdia ere ustelkeria kasuekin lotzen duen ezer.
Semper: "EAJ jabetzen hasi da PSOEk halako batean botata utzi egingo duela"
PPren bozeramailearen arabera, "Euskadin etorkizunerako aukera aritmetikoa PSE Bildurekin joatea da, EAJ albo batera utzita".
Lehendakariak baztertu egin du 'Cerdan auzia'k EAJ/PSE-EE gobernuari kalte egingo dionik: "Egonkortasuna zaintzea garrantzitsua da"
"Zorionez, Euskadin bestelako giro politikoa dugu. Ez gaude madrildarren lokaztian", adierazi du lehendakariak 'Cerdan auzia'k Euskadin izan ditzakeen ondorioez galdetuta.
"Sanchezek irmoago, gardenago eta azkarrago jardun behar du"
Lehendakariaren ustez, Espainiako Gobernua "beste fase batean sartu da", azken egunetan ezagutu diren ustezko ustelkeria kasuen ostean. "Egoera oso larria da, eta zapaldu ezin daitekeen ildo etiko bat dago jokoan", gaineratu du Pradalesek.
Imanol Pradales: 'Akordio batzuk zabalagoak izatea gustatuko litzaidake'
Lehendakari izan den lehen urtean zer ez den ondo egin galdetu diotenean, Imanol Pradalesek esan du gustatuko litzaiokeela "akordio batzuk zabalagoak izatea, batez ere aurrekontuen arloan". Gainera, lehendakariak kritikatu du zenbait unetan gobernukideek desadostasun puntuak jendaurrera eramatea. "Aldez aurretik sukaldeko lana eginda saihestu genitzakeen", gaineratu du.
Alzorrizek dimisioa eman du PSNko idazkariorde nagusi gisa, bere bikotekideak Servinabarren lan egin zuela onartu ondoren
Alzorrizek ere dimisioa eman du Nafarroako Parlamentuko PSNren bozeramaile gisa, baina parlamentari bezala jarraituko du. Prentsaurrekoan jakinarazi duenez, bere bikotekideak Belateko tuneletako eraikuntzan parte hartu zuen Servinabar enpresan lan egin du. UCOk adierazi du Cerdan enpresa horren % 45en jabe zela.
Berdintasun ministroak prostituzioa debekatzeko lege proposamena eramango du irailean Ministroen Kontseilura
Ana Redondo ministroaren esanetan, "Espainiako gizartea eraldatuko duen legea izango da", eta "prostituzioa eta matxismoa desagerrarazteko bidean" lagunduko du.