Ortuzarrek iragarri du Alderdi Egunean ekingo zaiola alderdia berritzeko sei hilabeteko prozesuari
Andoni Ortuzar EAJren EBBko presidenteak asteazken honetan iragarri du irailaren 29an ospatuko den Alderdi Egunean ekingo zaiola jeltzaileen barne organuak berritzeko sei hilabeteko prozesuari. Euskadi Buru Batzarra Forondan bilduko da eta alderdikide guztien aurrean batzar nagusirako egunak eta ildo nagusiak jakinaraziko ditu.
Batzar horrekin alderdia "suspertu" nahi dute jeltzaleek, baita euskal gizartearekiko "lotura" berritu, eta alderdi jeltzalea "etorkizunerako bidaia" horretara eramango duten pertsonak aukeratu.
Bilbon, San Inazio Egunaren baitan Bilboko Albia lorategietan egindako ekitaldian esan ditu hitzok jeltzaleen buruzagiak onartu du, espero baino zailtasun handiagoarekin lortu dituztela helburu politikoak. "Sentsazio gazi-gozoarekin", etorkizunari begira, gogor lan egiteko unea dela adierazi du, alderdia suspertzeko.
Nolanahi ere, datorren irailaren 29an Forondako zelaietan ospatuko den Alderdi Egunean, Euzkadi Buru Batzarrak (EBB) eta EAJren Batzar Nazionalak Batzar Nagusiaren datak eta ildo nagusiak jakinaraziko dizkiete bere afiliazioari. Batzar Nagusiaren aurreko lanak sei hilabetez luzatuko dira, egun horretatik aurrera, eta Batzorde Nazionalaren berritzearekin amaituko.
Ortuzarrek ez du argitu alderdia zuzentzen jarraituko ote duen. Nolanahi ere, barne organoak berrituta, Euskadiren "autogobernu eta burujabetza osoa" lortzeko bidean "urrats berriak" emateko moduan izango direla adierazi du. EAJk Euskadiko "lider politikoa" izaten jarraitzea du helburu, herri osoari erantzun berri bat emateko.
EAJren estatutuen arabera, alderdiaren Batzar Orokorra lau urtean behin egin behar da, eta sei hilabete lehenago deitu behar da, udal-erakundeek prestaketak egin ahal izan ditzaten.
Zure interesekoa izan daiteke
PSNk "erabateko errespetua" du Zapateroren errugabetasun presuntzioaren aurrean
Esther Iso PSNko Antolakuntza idazkariak adierazi duenez, presidente ohiarentzat "hitz onak" baino ez dituzte, "nafar guztiak gozatzen ari diren ondareagatik".
Nafarroako Gobernuak UPNren "noraeza" kritikatu du Athleticen elastikoarekin izandako polemikan
Alderdi politikoak LORAFNA (Nafarroako Autonomia Estatutua) eguneratzea eztabaidatzen ari ziren gaur Parlamentuko batzorde batean, eta klub zuri-gorriaren elastikoaren harira piztutako polemikaren inguruko iritziak emateko tartea ere hartu dute.
Lehendakariaren elkarrizketa, 10 titularretan
Imanol Pradales lehendakariak hainbat gai jorratu ditu Radio Euskadin, hala nola medikuen greba, etxebizitzaren arazoa edo autogobernuaren estatus berria.
Pello Otxandiano: "Etxebizitza politika honek huts egin badu, momentua da norabidez aldatzeko"
EH Bilduk etxebizitzaren inguruan egindako proposamenaren harira, "jarrera baikorra" izateko eskatu dio Pello Otxandianok Eusko Jaurlaritzari. "Proposamena hartu, aztertu eta egin dezagun eztabaida bat, ea soluziobideak hauek diren edo beste batzuk planteatzen dituzten", gaineratu du EH Bilduren Eusko Legebiltzarreko bozeramaileak ETB1eko "Egun on Euskadi" saioan egin dioten elkarrizketan.
Lehendakariaren ustez, "euskarak zubi gehiago eta harresi gutxiago behar ditu"
Imanol Pradales lehendakariari elkarrizketa egin diote Radio Euskadiko "Boulevard" saioan, eta bertan adierazi duenaren arabera, "ezin dugu beste alde batera begiratu segurtasun juridikorik eza dagoenean". Euskararen biziberritzeari dagokionez esan duenez, "fokua ez dago euskal administrazio publikoa euskalduntzean, hizkuntzaren erabilera sozialean baizik".
Lehendakariaren ustez, UPNk polemika artifiziala sortu nahi du Athleticen kamiseta berriaren inguruan
Imanol Pradales lehendakariak babesa eta elkartasuna adierazi dio Athletici, UPNk klubari elastikoetatik Euskal Herriko mapa kentzeko eskatu ostean. Kamiseta berria "oso polita" iruditzen zaiola esan du, eta gogorarazi du Nafarroako Gobernua bera ere ez dela auzian sartuko. Polemika artifiziala bilatzea egotzi dio lehendakariak UPNri, eta ohartarazi du oso arriskutsua dela sinboloekin eta identitateekin liskarra eta zatiketa bultzatzea.
Pradales: "FIFAren eskakizunak aztertzen ari gara; oso zorrotzak dira"
Imanol Pradales lehendakariak azpimarratu du egoeraren "azterketa lasaia" egin behar dela, sektore askori eragiten dielako. "FIFAk datorren urteko urtarrilean hartuko du erabakia, denbora dago", azpimarratu du.
Lehendakaria: “Tentsioa ezagutu gabeko mugetaraino areagotuko da; kezkatzen nau Madrilek arreta galtzea eta adostutako konpromisoei ez heltzea”
Imanol Pradales lehendakaria kezkatuta agertu da Radio Euskadiko "Boulevard" saioan Zapatero auziaren ondorioengatik.
Medikuen greba konpontzeko edo eskumenak transferitzeko eskatu dio lehendakariak Monica Garciari: "Arazo bat da"
Imanol Pradales lehendakariak uste du Monica Garcia Osasun ministroa "arazo bat" dela, "bi hilabete baino gehiago daramatzalako ezer jakin nahi izan gabe" estatutu markoa dela eta medikuak egiten ari diren grebari buruz. Hori dela eta, "gaian esku hartzeko" deia egin dio, eta, "arazoa konpontzeko gai ez bada edo ez badu nahi", Euskadiri eskumenak eskualdatzeko eskatu dio, "irtenbide bat bilatzeko". Radio Euskadin egindako elkarrizketa batean deitoratu duenez, Osakidetzaren batez besteko itxaron-zerrenden hobekuntzan "asko" aurreratu bada ere, estatutu markoaren aldeko medikuen grebak, "Osasun Ministerioaren erabaki batetik eratorritakoak", "iskanbila" eragin du. "Euskaditik eta eskumenen esparruaren barruan" aurrera egiten saiatzen ari direla erantsi du.
Albiste izango dira: Pradales lehendakariari elkarrizketa Radio Euskadin, abisu horia beroagatik eta errugbiko finalak Bilbon
Gaurkoan Orain-en albiste izango direnen laburpena, bi hitzetan.