Zupiriak: "Toki jakin batzuetan segurtasun ezarekiko kezka areagotu egin da, eta horri erantzun behar diogu"
Ardura berrira "egokitzen" ari dela onartuz eta "segurtasunaren inguruko herri politikak kudeatzea ardura handia" dela esanez abiatu du elkarrizketa Euskadi Irratian Bingen Zupiria Eusko Jaurlaritzako Segurtasun sailburuak, kargua hartu zuenetik eskaini duen aurrenekoa eskainita.
Herri eta hirietako festa garai betean, kezka agertu du segurtasunarekiko ezinegona areagotzen ari delako. "Euskadi da munduan dagoen tokirik seguruenetakoa, baina gero eta gehiago dira segurtasunarekiko kezka agertzen duten herritarrak. Egia da kezka bat dagoela eta horri erantzun behar zaiola", esan du.
Nolanahi ere, zehaztu du ezinegona ez dela orokorra, eta "leku jakin batzuetan" kokatzen dela, "jende gehien bizi den tokietan, hirietako leku jakin batzuetan". Horren harian, "delinkuentzia mota berriak" aipatu ditu, "gizartean nagusitzen" ari baitira, bere hitzetan. Hiru delitu mota zehaztu ditu: ziberdelituak, arma zuriz egindako delituak eta emakumeen kontrako sexu-indarkeriarekin lotutakoak. "Ez gaude ohituta", baina "goraka" doazen delituak direla azaldu du. Horiei guztiei aurre egiteko, besteak beste, Udaltzaingoaren eta Ertzaintzaren arteko elkarlana indartzea ezinbestekoa ikusten du.
Pablo Gonzalez atzo aske geratu zen errusiar jatorriko euskal kazetariari buruz galdetuta, sailburuak esan du hedabideen bidez jaso zuela horren berri. Gaiari buruz azaldu du "azken bi urteotan bezala" Eusko Jaurlaritzak ez duela baloraziorik egingo "atxiloketaren bueltan egon daitezkeen arrazoien inguruan". "Guk gure esku zegoena egin dugu beti Pabloren egoera argitzeko. Harrigarria dena da EBko herrialde bateko pertsona bat bi urtez preso egotea, akusaziorik eta epaiketarik gabe. Hori gertatu da Europaren bihotzean", gehitu du.
Azkenik, PSC eta ERC alderdiek Kataluniarako itxitako aurreakordioak finantzaketa ekonomikoarekin inguruan piztu duen eztabaidaz ere mintzatu da. Hainbat ahotsek besteak beste esan dute Kontzertu Ekonomikoa sistema "insolidarioa" dela; horren aurrean, Zupiriak adierazi du EAEren finantzaketa ereduak oinarri sendoak dituela, eta Gernikako Estatutuan, Espainiako Konstituzioan eta Europako erakundeen aitortza duela.
Zure interesekoa izan daiteke
Espainiako Gobernuak guztiz gezurtatu du AEBko Armadarekin lankidetza adostu izana
Karoline Leavitt Etxe Zuriko bozeramaileak arratsaldean adierazi duenez, Espainiako Gobernua prest dago AEBko Armadarekin lan egiteko.
Lehendakariak esan du Belgika Euskadirentzat hainbat alorretan "aliatu bat" dela
Bart De Wever Belgikako lehen ministroarekin bildu da gaur Imanol Pradales lehendakaria Bruselan, eta hainbat alorretan bi herrialdeen arteko lankidetza aukerak ikusten ditu. Besteak beste, industria, euskararen ofizialtasuna eta Makroeskualde Atlantikoa aipatu ditu.
Abalosen eta Koldoren aurkako musukoen auziko epaiketa apirilaren 7an hasiko da, Auzitegi Gorenean
Funtzionario-eroskeria, eragimen-trafikoa, baliabideak bidegabe eralgitzea, erakunde kriminala, lehen eskuko informazioaz baliatzea, faltsukeria eta prebarikazio delituengatik epaituko dituzte.
Estatuak 1976ko Gasteizko sarraskian izan zuen papera aitortzea baztertu du Senatuak, eztabaida gogor batean
Tentsioa areagotu egin da Josu Estarrona EH Bilduren senatariak, PPren aulkiari begira eta ukabila gora zuela, hau esan duenean: "Hil ezin izan zenituzten langileen bilobak gara!". Javier Arenasek (PP) Estarronaren esaldia kentzeko eskatu dio presidenteari, eta Javier Maroto Senatuaren presidenteordeak onartu egin du eskaera.
AEBren eta Iranen arteko gatazka baretzeko "batasunetik" lan egiteko eskatu dio Pradalesek EBri
Imanol Pradales lehendakariak AEBren eta Iranen arteko gatazka baretzeko "batasunetik eta ahots bakarrarekin" lan egiteko eskatu dio Europar Batasunari, eta aldez aurretik estatuek bat egin beharko dute, "Europan zatiketa ez delako positiboa".
Feijoo Aitor Estebanekin bildu da: "Niri Gernikako Estatutua bere horretan gustatzen zait"
PPren presidenteak adierazi du kezkaturik dagoela “Bilduk sinatuko” omen duen erreforma dela eta. EAJko iturriek, bestalde, bi buruek bilera izan dutela baieztatu diote EITBri. "Alderdi demokratiko guztiekin" egin ohi dituela bilerak adierazi dute, eta ez dute edukiari buruzko zehaztasunik eman.
Sanchezen agerraldia, bost titularretan
Pedro Sanchezek 2003an Iraken inbasioarekin ezagun egin zen "gerrari ez" leloa berreskuratu du Ekialde Hurbileko gatazkaren aurrean, eta ohartarazi du Espainia ez dela izango munduarentzat txarra den zerbaiten konplize, bakarren baten errepresalien beldur, Donald Trumpi erreferentzia eginez.
Sanchezek "gerrari ez" leloa defendatu du, eta adierazi du ez dela Trumpen "errepresalien beldur"
AEBk eta Israelek Irani egindako erasoaren harira egindako adierazpen instituzional batean, Pedro Sanchez Espainiako Gobernuko presidenteak azpimarratu du Espainiaren jarrera argia dela: nazioarteko zuzenbidea ez errespetatzea arbuiatzea eta iraganeko akatsetan erortzea saihestea. Ohartarazi duenez, Espainia "ez da munduarentzat txarra den zerbaiten konplize izango, baten baten errepresalien beldurragatik soilik".
Jauregik uste du Trumpek "oztopoak" izango lituzkeela Espainiarekiko merkataritza harremanak eteteko, Europa "merkatu bakarra" delako
Mikel Jauregi Eusko Jaurlaritzako Industria, Trantsizio Energetiko eta Jasangarritasun sailburuak Euskadi Irratian esan du Trumpek "zail" izango lukeela Espainiaren kontrako merkataritza blokeoa aplikatzeko, Europa "merkatu bakarra" delako. Europaren indarra "batasunean" dagoela nabarmendu du. Hala ere, adierazi du AEBko Gobernuak "neurri indibidualekin min egin dezakeela".
Pradales lehendakariak hainbat gai ekarri ditu Bruselara
Lehendakaria Bruselara egiten ari den bidaia ofizialaren gakoak eman dizkigu Garazi Ayestak. Arratsaldean, Belgikako lehen ministroarekin bilduko da, eta euskara Europako erakundeetan ofizial izatea mahai gainean jartzea espero da.