Illaren inbestidura airean, Puigdemont atxilotzen badute
Kataluniatik kanpo sei urte baino gehiago igaro ondoren, Carles Puigdemonten itzulera gertu dagoela dirudi. Kataluniako presidente ohiak inbestidura saioan egon nahi du, baina erabaki horrek arriskuan jartzen du buruzagiak, hura atxilotzeko berehala agindua baitago. Testuinguru horretan astearte honetan, Jordi Turull JxCateko idazkari nagusiak TV3n aurreratu duenez, bere alderdiak Salvador Illaren inbestidura saioa bertan behera uzteko eskatuko du, baldin eta Generalitateko presidente ohia Kataluniara itzultzean atxilotzen badute.
Turullek aditzera eman duenez, Puigdemont datozen egunetan itzuliko da Kataluniara, itzuleraren "ordua eta lekua" zehaztu gabe; izan ere, "inozo izatea litzateke bere planei buruzko xehetasunak ematea hura atxilotu dezaten", esan du. Auzitegi Gorenak amnistia legea aplikatzen ez dionez, buruzagia atxilotzeko aginduak bere horretan dirau.
Gauzak horrela, JxCatek aurreratu du "inbestidura bertan behera uzteko" eskatuko diola Josep Rull Kataluniako Parlamentuko presidenteari, inbestidura "baldintza normaletan" ezin izango litzatekeelako egin, diputatu batek ezingo lukeelako parte hartu.
Uztailaren amaieran, Carles Puigdemont Generalitateko presidente ohiak berretsi egin zuen Kataluniara itzultzeko eta Kataluniako Parlamentuko inbestidura saiora joateko erabakia: "Nire betebeharra Parlamentura joatea da, inbestidura eztabaida baldin badago. Ni Parlamentuan egongo naiz. Eta estatu-kolpe batek bakarrik eragotziko dit han egotea".
Marta Vilalta ERCko idazkari nagusiaren albokoa eta bozeramailea osoko bilkura bertan behera uztea edo atzeratzea onartzeko prest agertu da, baina "ahalik eta lasterren" egitearen alde egin du.
Vilaltaren arabera, egun horretarako aurreikusita dagoen osoko bilkura bertan behera uzten bada, inbestidura saioa "ahalik eta azkarren" egin beharko da, Kataluniako erakundeak ezin direlako "Auzitegi Gorenaren denboren menpe geratu".
Halaber, Juntsetik ERCren aurka "batzuk elikatzen ari diren haserre-giroa" salatu du, Puigdemonten balizko atxiloketa baten "errua" leporatzen saiatzen ari direlako. "Hau onartezina da. Zuzenketa bat egiteko eta barkamena eskatzeko eskatzen diogu Juntsi, hori onartezina baita ", azpimarratu du.
Josep Rull Kataluniako Parlamentuko presidenteak Salvador Illaren inbestidura ostegunean egitea porposatu du, alderdiekin bildu ostean. Nabarmendu behar da azken orduetan, ERCko militantziak eta alderdiko gazteriak ere hautagai sozialistaren aldeko botoa eman dutela.
Albiste gehiago politika
Eneko Andueza konbentzituta dago 'Koldo auziak' ez duela PSE-EEn eraginik izango
PSOE eta Nafarroak Alderdi Sozialista astintzen ari den ustezko ustelkeria kasuaren aurrean, Eneko Andueza PSE-EEko idazkari nagusia konbentzituta dago ez duela eraginik izango Euskadiko Alderdi Sozialistan. Halaber, sozialistak kritikatzen ari direnei zuhur jokatzeko gomendioa egin die. Izan ere, horren esanetan, orain fokoa sozialisten gainean badago ere, litekeena da auzia beste alderdi batzuengana ere zabaltzea.
Semper: "EAJ jabetzen hasi da PSOEk halako batean botata utzi egingo duela"
PPren bozeramailearen arabera, "Euskadin etorkizunerako aukera aritmetikoa PSE Bildurekin joatea da, EAJ albo batera utzita".
Lehendakariak baztertu egin du 'Cerdan auzia'k EAJ/PSE-EE gobernuari kalte egingo dionik: "Egonkortasuna zaintzea garrantzitsua da"
"Zorionez, Euskadin bestelako giro politikoa dugu. Ez gaude madrildarren lokaztian", adierazi du lehendakariak 'Cerdan auzia'k Euskadin izan ditzakeen ondorioez galdetuta.
"Sanchezek irmoago, gardenago eta azkarrago jardun behar du"
Lehendakariaren ustez, Espainiako Gobernua "beste fase batean sartu da", azken egunetan ezagutu diren ustezko ustelkeria kasuen ostean. "Egoera oso larria da, eta zapaldu ezin daitekeen ildo etiko bat dago jokoan", gaineratu du Pradalesek.
Imanol Pradales: 'Akordio batzuk zabalagoak izatea gustatuko litzaidake'
Lehendakari izan den lehen urtean zer ez den ondo egin galdetu diotenean, Imanol Pradalesek esan du gustatuko litzaiokeela "akordio batzuk zabalagoak izatea, batez ere aurrekontuen arloan". Gainera, lehendakariak kritikatu du zenbait unetan gobernukideek desadostasun puntuak jendaurrera eramatea. "Aldez aurretik sukaldeko lana eginda saihestu genitzakeen", gaineratu du.
Alzorrizek dimisioa eman du PSNko idazkariorde nagusi gisa, bere bikotekideak Servinabarren lan egin zuela onartu ondoren
Alzorrizek ere dimisioa eman du Nafarroako Parlamentuko PSNren bozeramaile gisa, baina parlamentari bezala jarraituko du. Prentsaurrekoan jakinarazi duenez, bere bikotekideak Belateko tuneletako eraikuntzan parte hartu zuen Servinabar enpresan lan egin du. UCOk adierazi du Cerdan enpresa horren % 45en jabe zela.
Berdintasun ministroak prostituzioa debekatzeko lege proposamena eramango du irailean Ministroen Kontseilura
Ana Redondo ministroaren esanetan, "Espainiako gizartea eraldatuko duen legea izango da", eta "prostituzioa eta matxismoa desagerrarazteko bide horretan" lagunduko du.
EAJk eta EH Bilduk ustelkeriaren aurka irmotasun handiagoz jardutea eta itunak betetzea eskatu diote Sanchezi
Bi euskal alderdiak Espainiako Gobernuko presidentearekin bildu dira asteazken honetan, Moncloan, 'Cerdan auzia'k irekitako krisiaren harira. Biek ala biek erregenerazio demokratikoa eta erantzukizuna eskatu diote Sanchezi, baina ñabardura ezberdinak izan dituzte, tonuari eta eskakizunei dagokienez.
Chivitek dio ez duela Cerdanen eta Servinabarren loturaren berririk eta PSNren kontuen auditoria iragarri du
Horrez gainera, “politikari eta pertsona gisa traizionatua” sentitzen dela esan du Nafarroako Gobernuko presidenteak.