ERCko gazteek Illaren inbestidura babestea erabaki dute
Jovent Republicako (ERCko gaztediaren kontseilua) zuzendaritza batzordeak Salvador Illa hautagai sozialistaren inbestidura babestea erabaki du gaur. "Baietz kritikoa" izan da gazte errepublikanoen hautua. Horrela, Illak 68 eserlekuko gehiengo absolutua ziurtatu du.
Iragan astean, botoa emateko eskubidea zuten ERCko militanteen % 77k (6.349 pertsona) parte hartu zuten alderdiaren kontsulta telematikoan, eta % 53,5ek (3.397) PSCrekin adostutako akordioa eta Salvador Illa sozialistaren inbestidura babestu zituzten.
Jovent Republicak, ERCrekin lotutako gazte erakundeak, aldiz, ez du gaur arte bermatu Mar Besses diputatuak inbestidura babestuko duela.
ERCko militanteek babes estua eman zioten alderdiaren egungo zuzendaritzari, Marta Rovira buru duenari, PSCrekin lortutako aurreakordioa defendatu duelako.
ERCk PSCrekin 25 orrialdeko dokumentu batean jasotako akordioak "finantzaketa berezia" aurreikusten du Kataluniarentzat, baita administrazio publikotik kultura katalana indartzeko edo gatazka politikoaren konponbidean aurrera egiteko neurriak ere.
Jovent Repubilcak uste du PSCrekin egindako akordioak "osagai positibo batzuk" dituela, neurri batean sozialisten jarrera "eskuindarrenak" zuzentzen dituelako, baina horrek ez du eragozten erakundeak "mesfidantza argia" izatea hitzartutakoa betetzearen inguruan.
Horrela, Bessesek oposizio "gogor, argi eta sendoa" egingo du, eta "akordioa betetzeko benetako berme" gisa kokatu nahi du bere burua.
Bessesek berak horrela baloratu du gazte errepublikarren erabakia bileraren ostean: "Konfiantzazko botoa ematen diogu lortutako akordio onari. Baina Illa jaunak argi izan behar du: ez gara berataz fidatzen. Ituna ez betetzeak ondorioak izango ditu", adierazi du X sare sozialean. "Eta, beti bezala, Jovent Republicaren militantziaren lezioa: konpromisoa, heldutasuna eta adimena", erantsi du.
Jovent Republicak Kataluniako ganberan dituen ordezkariek ERCko gainerako talde parlamentarioetatik bereizita bozkatu dute iraganean, baina inoiz ez dute egin inbestidura baten testuinguruan.
Jovent Republicaren oniritziarekin, eta ERCko militanteen baiezkoaren ostean, Illak gertuago ikusten du Generalitateko presidentetza, baina oraindik ere oztopo bat gainditu beharko du; izan ere, Carles Puigdemont presidente ohiak hitzeman du Kataluniara itzuliko dela inbestidura saiorako, atxilotua izateko arriskua izan arren, eta horrek agertoki politikoa alda dezakeela.
Zure interesekoa izan daiteke
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.
Enplegu Publikoaren Legeari zuzenketak egiteko epea bukatuta, jarrerek elkarrengandik oso aldenduta jarraitzen dute
Azken orduetan, zuzenketak erregistratu eta beren jarrerak azaldu dituzte talde parlamentarioek, eta agerian geratu da zein urrun dagoen administrazioan euskararen etorkizunerako funtsezkotzat jotzen den legea erreformatzeko akordioa.
PPren ustez PSE-EE "plantak egiten dabil", eta kritikatu du euskara arloko politiketan "konplizea" dela
Laura Garridok EAJren eta EH Bilduren hizkuntza politikak babestea leporatu dio PSEri, eta enplegu publikoan euskarari buruz egindako erreformak kritikatu ditu.