Erreforma fiskalerako elkarrizketan aurrera egiteko deia egin die alderdi politikoei Itziar Agirrek
Itziar Agirre Gipuzkoako Ogasun diputatu berriak Jokin Peronaren bideari jarraitzeko borondatea agertu du, eta erreforma fiskalaren "elkarrizketaren bidean" aurrera jarraitzeko deia egin die Batzar Nagusietako talde politikoei, benera jasotzeko ekitaldian.
Eider Mendoza Gipuzkoako ahaldun nagusiak jarri dio diputatu gisa baieztatzen duen lepokoa Itziar Agirreri eta abuztuan istripuz hil zen Jokin Perona gogoan izan du. Mendozak ziurtatu du Peronaren "entrega, ikuspegia eta izaera positiboa" eredu "pertsonal" eta "profesional" gisa hartuko dutela Foru Gobernua osatzen dutenek.
Ahaldun nagusiak Ogasun Sailean lan egiten duten pertsona guztien lana goraipatu nahi izan du, "lurraldearen garapen ekonomiko eta sozialerako eta pertsonen ongizaterako funtsezko zerbitzua delako".
Itziar Agirrek, bere aldetik, Jokin Peronak "jarduera ekonomikoa eta gizarte-kohesioa sendotzeko neurrien garapenean, egungo erronkei eta epe luzera balioko zuten konponbideei begira" egiten zuela lan azpimarratu du.
Halaber, erreforma fiskala legegintzaldiko erronketako bat dela nabarmendu du. Gai horretan aurrera egiten jarraitzea espero du, "elkarrizketaren eta borondate onaren bidetik", batzarkide talde guztiek ponentzian identifikatutako 11 erronka sozio-ekonomikoei erantzuteko erakutsi duten moduan.
Agirre Eusko Jaurlaritzako Ogasun Sailburuordetzatik heldu da Gipuzkoako Ogasunera, 2017tik kargu horretan baitzegoen. Aurretik, Ekonomia eta Ogasun Saileko Zerga Administrazioko zuzendaria izan zen.
Albiste gehiago politika
Talgoren erosketa "oztopatzeari uzteko" eskatu dio EAJk Espainiako Gobernuari
EAJk Kongresuan duen bozeramaileak adierazi duenez, "operazioak porrot egiten badu, Espainiako Gobernuak azaldu beharko die euskal herritarrei porrot horren arrazoiak". Bestalde, Eusko Jaurlaritzak adierazi du "SEPIren esku" dagoela Talgoren egoera berriro bideratzea, eta Espainiako Gobernuari "ikuspegi zabala" eta "malgutasuna" eskatu dizkio.
Jaurlaritzak, UGTk eta CCOOk aurreakordioa itxi dute EAEko hiru espetxeetako beharginen lan-baldintzak arautzeko
Aurreakordioak gaur egun Euskal Autonomia Erkidegoko hiru espetxeetan lan egiten duten 550 pertsonak hartzen ditu, eta aurreikusten da langile kopurua 830 langilera arte handitzea.
Armengolek azaldu du Air Europako presidentearen aholkularia zelako elkartu zela Victor Aldamarekin
Kongresuko egungo presidente eta Balear Uharteetako presidente ohia denak agerraldia egin du Senatuko ikerketa batzordean, eta berretsi du ez duela Victor Aldamarekin mezurik trukatu.
Antxon Alonso enpresariak ukatu egin du Cerdan Servinabarren bazkide zela
Epailearen aurrean egindako deklarazioan, Alonsok aitortu du PSOEko antolakuntza idazkari ohiak Servinabarren bazkide izateko dokumentua sinatu egin zuela, baina bazkidetza ez zela inoiz gauzatu. Horrekin batera, onartu du Abalos ministro ohiaren fundazioari 4.500 euro eman zizkiola.
Sanchezek ustelkeriaren aurkako neurri sorta “handia” eramango du Kongresura, “konfiantza berreskuratzeko” asmoz
Horixe jakinarazi du Felix Bolaños Espainiako Presidentzia, Justizia eta Gorteekiko Harremanen ministroak, “milioika espainiar atsekabetuta, triste eta desengainatuta” sentitzea ulertzen duela azaldu aurretik.
Asensio “ziur” dago Cerdanen auziak ez duela PSE-EEko inor zipriztinduko
Miguel Angel Morales Antolakuntza idazkariaren izena UCOren txostenetan omen dagoela dioten informazioen aurrean, “urte hauetan Moralesek herriari egin dion zerbitzua” defendatu du Jose Ignacio Asensiok Euskadi Irratiko “Faktoria” saioan egindako elkarrizketan, eta ziur agertu da, "PSE-EEko inori buruz ez baita ezer aterako”.
Antxon Alonsok, Servinabar enpresan Cerdanen ustezko bazkideak, astelehen honetan deklaratuko du Auzitegi Gorenean
PSOEko Antolakuntza idazkari ohiaren eta EAJko eta EH Bilduko kargudunen artean bitartekari lanak egin zituen pertsona ere bada.
Otegi: "Ohore bat da, Euskal Herritik ez zarete pasatuko"
EH Bilduko idazkari nagusiak argi utzi du "ohorea" dela Alderdi Popularrak koalizioaren aurka "babes-hesia" ezartzea.