Zupiria: "Euskadin segurtasun sentsazioa areagotzea ere gure lana da"
Bingen Zupiria Eusko Jaurlaritzako Segurtasun sailburuak herritarren segurtasun faltari aurre egiteko lan egingo duela hitzeman du: "Euskadin segurtasun sentsazioa areagotzea ere gure lana da".
Segurtasun sailburuak agerraldia egin du Eusko Legebiltzarreko Erakunde, Gobernantza Publiko eta Segurtasunaren Batzordean, Sailak legealdi honetan dituen helburuak eta erronkak aurkezteko. Zupiriaren arabera, "Euskadi herri segurua da", nahiz eta onartu salatutako delituen kopuruak eta herritarren segurtasun faltak gora egin duela azken urteetan. Hori dela eta, uste du beharrezkoa dela "pertzepzio" horri erronka gisa aurre egitea.
Zupiriak azaldu duenez, Ertzaintzak konpromiso "sendoa" du delituen prebentzioarekin eta jazarpenarekin. Alde batetik, prebentzioaren garrantzia azpimarratu du, "askoz eraginkorragoa delako prebentzioa hobetzeko lan egitea, gertakariei aurre egitea baino". "Lan asistentzialaren, laguntzearen filosofiak egon behar du Ertzaintzaren DNAn. Aukera ezin hobea da herritarrei edonoiz, edonola eta edozertan laguntzeko prest gauzkatela erakusteko" gaineratu du. Halaber, Ertzaintzak "delituak egiten dituenaren zigorgabetasuna" saihesteko lan egiten duela aldarrikatu du.
Ertzaintzak etengabe eboluzionatu behar duela nabarmendu du Zupiriak: "Zerbitzua ematen dion gizartean gertatzen diren aldaketetara egokituta egin behar du aurrera".
Bestalde, segurtasun integrala eta interkonektatua lortzeko asmoz, Euskadiko polizia indarren arteko koordinazioa hobetzea eta Ertzaintzaren eta Udaltzaingoaren artean informazioa partekatzeko sistema bat ezartzea defendatu du.
Ertzaintzako gatazkari dagokionez, Zupiriak konpromisoa hartu du Ertzaintzaren Laneko Baldintzen Akordioari buruzko elkarrizketa eta ituna bultzatzeko eta "talanterik onenarekin eta dedikaziorik handienarekin" ekiteko.
Indarkeria matxista, zibersegurtasuna eta eskumenak
Sailburuak legegintzaldi honetarako aurreikusitako ekimenen artean, genero ikuspegia duen segurtasun sistema bat garatzea azpimarratu du. Horien artean, genero indarkeriaren aurkako EBA sistema (Etxekoen eta Emakumeen Babesa) eta Espainiako Barne Ministerioaren VioGen lotzea eta Udaltzaingoarekin Koordinazio Protokolo bat ezartzea aipatu ditu, genero indarkeriaren arloan erantzun bateratuak emateko.
Ziberdelituek gora egin duten honetan, zerbitzua egungo errealitatera egokitu behar dela uste du Zupiriak. Erronken artean nabarmendu ditu, besteak beste, Ertzaintzan ziberinteligentzia sustatzea, zibersegurtasunaren aldeko Euskal Ituna bultzatzea, eta Ertzaintzan zibersegurtasuna koordinatzeko buruzagitza bat sortzea.
Azkenik, Zupiriak Eusko Legebiltzarreko agerraldia baliatu du Espainiako Estatuak, besteak beste, "meteorologia zerbitzuak" eta "itsas salbamenduarekin" lotutako bitartekoak eta zerbitzuak eskualdatu behar dituela gogora ekartzeko.
Zure interesekoa izan daiteke
Pradales: "Europak ez badu meneko izan nahi, bere erabakiak hartu behar ditu"
Imanol Pradales lehendakariak adierazi duenez, Europak "ez badu beste lider batzuen interesen mendeko izan nahi, bere erabakiak hartu behar ditu eta aktore globala izan behar du".
Gasteizko aurrekontuen onarpenean hauteskunde interesen arabera jokatzea egotzi diote elkarri EAJk eta EH Bilduk
Gasteizko aurrekontuen onarpena ika-mika iturri izaten ari da EAJren eta EH Bilduren artean. Batak besteari leporatzen diote hauteskunde interesak bultzatuta jokatu izana. Jone Berriozabal Arabako jeltzaleen buruaren arabera, EH Bilduk "argazki bat nahi zuen". Pello Otxandiano EH Bilduko ordezkariaren hitzetan, berriz, EAJk "hautu politikoa" egina du, koalizioarekin akordiorik ez ixteko.
Pradales lehendakariaren jardunaldi bizia Davosko Foroan
Gaur, Imanol Pradales lehendakariak, besteak beste, Bill Gates, Jens Stoltenberg, Paschal Donohoe eta Justin Trudeaurekin hitz egiteko aukera izan du. "Garrantzitsua zen Euskadi erakusleiho honetan egotea, harremanak egitea, epe luzera biltzeko orain ereitea", azpimarratu du lehendakariak.
"Pozik gaude erabakiarekin, eta orain errespetua eskatzen dugu"
Joxemari Mitxelenak, Euskadiko Pilota Federazioaren presidenteak, "federazio independente gisa" errespetatzea nahi dutela azpimarratu du, Espainiakoa, Frantziakoa, Argentinakoa edo Mexikokoa bezala. "Bakoitzak bere etxeko lanak ondo egin ditzala. Gu saiatuko gara gureak ondo egiten", gaineratu du Mitxelenak.
Nazioarteko Euskal Pilota Federazioaren arabera, Kirola Arbitratzeko Auzitegiaren erabakiak "11 hilabeteko kalumniak itxi ditu"
FIPVk ohar batean adierazi duenez, "Euskal Pilotaren mundu mailako garapen eta batasunaren alde lan egiten jarraituko dugu, erakundeekiko errespetutik eta gure erakundea arautzen duen araudi-esparrutik abiatuta".
Pradales lehendakariak Davoseko Forora egindako bisitaren gakoak
Imanol Pradales lehendakariak Euskadi herrialde egonkor eta erakargarri gisa aurkeztu du munduko ekonomia eta finantza-foro handienean. Lehendakaria Davosera joan da, lehen aldiz Munduko Ekonomia Foroan parte hartzeko. Bertan, munduko lehen mailako ordezkari ekonomiko eta politikoak izango dira.
Zupiria: "Prozesu judizialak atzeratu egiten dira, eta, bitartean, delituak egiten dituztenenek arau-hausteak egiten jarraitzen dute"
Bingen Zupiria Segurtasun sailburuaren iritziz, "Poliziak eta Justiziak azkar erantzungo balute, modu eraginkorragoan helduko liokete arazoari, eta horrek eragiten duen segurtasun-gabezia sentsazioari". "Horregatik da garrantzitsua Espainiako Gobernuak aintzat hartzea Eusko Jaurlaritzak eta eremu judizialak planteatzen dituzten eskaerak, kasu horiei aurre egin behar dieten epaileen kopurua handitzeko, eta lege-aldaketak egitea, beldur handiena sortzen duten delituei dagozkien zigorrak gogortzeko", nabarmendu du.
Pradales: “Etorkizuna irabazteko Davoseko foroan egon beharra daukagu”
Mundua blokeka banarazi nahi duten horien aurrean, "Europara eta Euskadira demokrazia eta askatasunak ekarri zituen gizarte eradua defendatzeko" asmoz hartuko du parte lehendakariak Suitzan egiten ari diren foro ekonomikoan.
KAAk atzera bota du Euskadiko Euskal Pilota Federazioaren ofizialtasunaren aurka Espainiak jarritako helegitea
Kirola Arbitratzeko Auzitegiak erabaki du ez duela eskumenik Euskadiko Federazioa Euskal Pilotaren Nazioarteko Federazioan sartzearen aurka Espainiako Pilota Federazioak aurkeztutako errekurtsoa ebazteko. Ebazpen horren kontra ezin da helegiterik jarri, eta, beraz, auzia bere horretan geratuko da; alegia, euskal pilota federazioak ofiziala izaten jarraituko du.
Accionaren presidentea ez da joan Nafarroako Parlamentuko Ikerketa Batzordera, eta berriro deitu dute
Otsailaren 9an aurkeztu beharko da. Hala ez balitz, delitu bat egin lezakeela gogorarazi du Batzordearen presidenteak.