ETAko 44 presoren askatasuna azkartuko duen erreforma errefusatu dute PPk eta Voxek, alde bozkatu zuten arren
ETAko 44 preso aske geratzea azkartuko ei duen lege-erreforma batek hautsak harrotu ditu astelehen honetan, Kongresuan irailaren 18an onartu zuten arren, PPren eta Voxen babesarekin, gainera.
Erreformak Europan du jatorria. Izan ere, Europar Batasunak ebatzi zuen preso batek ezin duela kondena bera bete bi herrialdetan, baina Mariano Rajoyren Gobernuak salbuespen bat onartu zuen 2014an, ETAko presoekin irizpide hori saihesteko.
Irailean, Kongresuaren Justizia Batzordeak Sumarren zuzenketa bat onartu zuen zigor aurrekarien trukerako legean, eskuineko alderdien babesarekin, salbuespen hori ezabatzeko.
Testuinguru horretan, baina, Terrorismoaren Biktimen Elkarteak (AVT) ohartarazi du ETAko 44 preso lehenago aterako direla espetxetik erreforma horren ondorioz, eta PPk eta Voxek atzera egin dute orain. Era berean, aurreratu dute erreformaren aurka egingo dutela asteartean Senatuan egitekoa den bozketan.
Nolanahi ere, lege aldaketa indarrean sartuko da Senatuak ezezkoa eman arren, alderdiek ez zutelako zuzenketarik aurkeztu Goi Ganberan. Astearteko bozketa, horrenbestez, sinbolikoa baino ez da izango.
PPek eta Voxek jarrera aldatu dute orain, baina Kongresuan baiezkoa eman zioten erreformari, eta Senatuan ez zuten zuzenketarik aurkeztu.
Erreakzioak
Felix Bolaños Presidentzia, Justizia eta Gorteekiko Harremanetarako ministroak ohartarazi du PPk eta Voxek erreforma babestu dutela, eta Parlamentuan egindako tramitazioa "erabat baketsua" izan dela.
Yolanda Diaz Gobernuko bigarren presidenteordeak azaldu du erreforma Europako zuzentarau baten "transposizioa" dela. "Aho batez onartu zuten, baita Espainiako eskuin muturrak ere Europan", gogorarazi du. "Oinarrizko eskubideekin du zerikusia, hau da, Gobernuak egin duena, zuzentaraua da, Europako zuzenbidearen iturria", nabarmendu du, "transposizioa" dela azpimarratzeko.
Bestalde, Mertxe Aizpurua EH Bilduko bozeramaileak ukatu egin du koalizioak erreforma Espainiako Gobernuarekin negoziatu izana: "Mozal Legeaz hitz egiten badugu, Mozal Legeaz hitz egiten dugu, aurrekontuez hitz egiten badugu, aurrekontuez hitz egiten dugu, eta horrela". "Aurrekontuez hitz egiten dugun bakoitzean, edukiz eduki goaz, presoen gaia ez da inoiz mahai gainean izan, inoiz ez, inola ere ez", errepikatu du Onda Vasca irratian egindako elkarrizketan.
Andoni Ortuzar EAJren EBBko presidenteak erreformaren alde dagoela berretsi du. Kazetariei egindako adierazpenetan, Ortuzarrek gogorarazi du preso moten artean "bereizketarik egiten ez duen" Europako araudi baten transposizioa egin nahi dutela, eta azpimarratu du dagoeneko ez dagoela "salbuespenezko erregimenik ez Estatu espainiarrean ez Europan".
"Europako araudiaren transposizioak pertsona guztiei berdin begiratu behar die, eta guk uste dugu izapidetzen ari den testua bat datorrela Europako Zuzenbidearekin eta Espainiako Zuzenbidearekin", esan du EBBko presidenteak. Hori dela eta, Kongresuan legearen erreformari "kontzienteki" baiezkoa eman ziotela ziurtatu du, eta asteartean Senatuan babestuko dutela berriro, baita "egiteke geratzen den tramitazioan zehar" ere.
PSOEk azpimarratu duenez, Sumarrek aurkeztutako zuzenketak hitzez hitz errepikatzen du Mariano Rajoyren Gobernuak bere garaian Gorteetara igorri zuen lege-proiektuaren idazketa, eta, gainera, Estatu Kontseiluak ezarritako irizpidea jasotzen du.
Enrique Santiago Sumarreko bozeramailearen ondokoak azaldu duenez, bere zuzenketak "diskriminazio bat zuzentzea" zuen helburu, espainiarrek berdintasunezko tratamendua izan dezaten Europako zuzenbidearen aplikazioan.
Borja Semper PPko bozeramaileak lege baten testuarekin "zerikusirik ez duten" zuzenketak sartzea deitoratu du, PPk egoera hori nola aurreikusi ez zuen galdetu diotenean.
Gaineratu duenez, "akats orokorra" gertatu zen Kongresu osoan, eta berretsi du Espainiako Gobernuaren "trikimailu" horren aurrean PPk bere esku dagoen guztia egingo duela ikuspuntu politiko eta juridikotik. "Guretzat gai kritikoa da, ez da horrela geratuko", ohartarazi du.
Pepa Millan Vox ultraeskuineko alderdiak Kongresuan duen bozeramaileak onartu egin du bere talde parlamentarioak egindako "akatsa". Gainera, PPri Senatuko Osoko Bilkurak asteartean erreforma bozkatzea galarazteko eskatu dio.
Behe Ganberan emandako prentsaurreko batean, Millanek "barkamen zintzoena" eman du gertatutakoagatik, eta, akatsa onartu ostean, argi utzi nahi izan du erreformaren aurka bozkatuta ere ezin izango zutela aurrera egitea saihestu, gainerako talde politikoek babestu egin baitzuten.
Zure interesekoa izan daiteke
Bilbok 751 milioi euroko aurrekontua izango du 2026an, % 4,5 gehiago
Juan Mari Aburto Bilboko alkateak Udal Aurrekontuen Proiektua aurkeztu du, herritarren "beharrizanekin koherentea eta jasangarria" dela iritzita. Santutxuko ertzain-etxe berria, Deustuko suhiltzaile-parkea eta Emakumeen Etxea dira aurreikusten diren proiektu handienetako hiru. Gainera, Segurtasuna, Etxebizitza eta Zerbitzu Publikoak izango dira aurrekontuen ardatzak, Aburtoren hitzetan.
GOIDIaren biktimak kalera atera dira justizia eskatzeko, dimisioez haratago
GOIDIaren biktimak kalera atera dira berriro ere, dimisioez haratago, justizia eskatzeko. Euren ustez, berandu eta gaizki heldu da Carlos Mazonen dimisioa. Gainera, gaitzetsi egin dute presidentearen agerraldian kalte materialetan zentratu izana, bai eta bere burua kriminalizazioaren biktimatzat jo izana.
EH Bildu, Podemos eta ERC ez dira joango Kongresuan monarkiari buruz egingo den ekitaldira
'50 urte geroago: Koroa demokraziarako bidean' goiburua izango duen ekitaldia hartuko du Kongresuak azaroaren 21ean. Bertan izango dira Espainiako errege-erreginak eta haien alabak.
Torres ministroak hainbat ordainketa agindu zituela uste du UCOk, “Koldo Garciak beregan zuen eraginagatik”
Auzitegi Nazionalean Koldo Auzia ikertzen ari den epaileari bidalitako azken txostenean Koldoren eta Torresen arteko hainbat mezu jaso ditu Guardia Zibilak. Ministroaren taldeak, ordea, ukatu egin du deliturik egin zuenik eta haren aurkako “difamazioa” salatu du.
Mazonen dimisioa eta gero, zein da agertokia?
Buruzagi popularrak ez dio uko egingo diputatu-aktari, eta forudun izaten jarraituko du. Ez du iragarri hauteskundeak aurreratuko dituenik, eta haren ordezkoa aukeratzeko epea astelehen honetan bertan zabalduko da, dimisioa formalki aurkeztu eta gero. Azaroaren 19ra arteko epea izango dute taldeek hautagaiak aurkezteko.
Vilaplanak epaileari esan dionez, Mazonen jarrera "lasaia" zen GOIDIaren eguneko bazkarian, eta ez zuen presarik erakutsi
Kazetariak ezin izan dio epaileari bazkariaren eguneko parkineko txartela eman, ziurtatu duenez, ez daukalako. Halaber, Valentziako Generalitateko jarduneko presidentearekin izan zuen lan-bazkarian, hura komunikatuta egon zen eta "mugikorrari adi" zegoen, "telefonoz hitz egiten zuen eta idatzi ere egiten zuen".
Arabak "probintziako aita" titulua kendu die Franco diktadoreari eta Mola jeneralari, Vox ez beste talde guztien babesarekin
Batzar Nagusiek gaur goizean onartu dute 1936an Francisco Franco diktadoreari eta Emilio Mola militar kolpistari Arabako Foru Aldundiak emandako ohorezko izendapenak kentzea, Euskadiko Oroimen Historiko eta Demokratikoaren Legea betez.
Feijoo, Mazonen dimisioari buruz: "Erabaki zuzena da"
Batzorde Betearazle Nazionalean egindako hitzaldi batean, Feijook esan du gaur "ehiza politiko eta pertsonala" jasan duen eta "hiltzaile bat ez den" alderdiko "kide batek" dimisioa aurkeztu duela. "Akatsak egin zituen, bai, barkamena ere eskatu zuen, eta gaur bere gain hartu ditu azken ondorioetara arte", gaineratu du.
Bikitimek gezurretan aritzea leporatu diote Mazoni, eta Gobernuak dio "eskaera bakar bati ere ez" diola ezezkorik eman
Carlos Mazonek Valentziako Generalitateko preseidente kargua utzi izanak berehala eragin du erreakzio- eta erantzun-soka luzea, bai biktimena, bai arlo politikoko eragileena.
Lander Martinez: "2026rako Eusko Jaurlaritzaren aurrekontu-proiektuan gabeziak ikusten ditugu"
Lander Martinez Kongresuko Sumarren diputatuak adierazi duenez, Eusko Jaurlaritzak 2026rako aurkeztutako aurrekontu-proiektua "kontinuista" da. "Hori dela eta, badakigu abiapuntua zaila dela, baina horrek ez du saihestuko negoziazo-mahaian esertzea eta gure proposamenak ekartzea", gaineratu du Martinezek.