Ertzaintzan lan eskaintzak egiteko egutegia eskatu diote Jaurlaritzari EAJk, PSE-EEk eta PPk
Miguel Tellado PPko bozeramaile parlamentarioak Kongresuan ETAko biktimen argazkia erakutsi izanak aurrez aurre jarri ditu PSOE eta PP. Legebiltzarrean ere horren kontura mokoka ibili badira ere, akordiorako tartea izan dute PSE-EEk eta EAEko PPk beste gai baten inguruan. Izan ere, EAJk, sozialistek eta popularrek botoak batu dituzte Ertzaintzan lan eskaintza publikoak egiteko egutegia eskatzeko.
Zehazki, 2025eko martxoa baino lehen, Ertzaintzaren 8.000 lanpostuak betetzeko egitasmoa aurkezteko eskaera egin diote hiru taldeek Bingen Zupiria Segurtasun sailburuari. Argudiatu dutenez, agente ugarik erretiroa hartuko dute hurrengo urteotan, eta 2027rako 8.000 ertzainen langa erdietsi beharko luke Euskal Polizia Autonomikoak.
PPk eta Voxek Ertzaintzaren langileen inguruko mozio bana aurkeztu dituzte gaurko osoko bilkuran. Biak elkarrekin eztabaidatu badira ere, azkenean Alderdi Popularrarena bakarrik onartu du ganberak, EAJrekin eta PSE-EErekin akordioa eginda.
Ainhoa Domaica PPko legebiltzarkideak ekimenaren defendatzeko hitzartean gogora ekarri duenez, gaur-gaurkoz 7.412 ertzain daude, eta hortaz, "600 agenteren defizita" dago. Horri kontrajarriz, "une honetan delituen kopuruak marka guztiak hautsi ditu, eta delinkuentzia etengabe doa goraka". Jon Andoni Atutxa (EAJ) eta Miren Gallastegui (PSE-EE) pozik agertu dira adostasuna lortu dutelako eta eskerrak eman dizkiote elkarri alde guztiek erakutsitako "borondate onagatik". Hiruren hitzetan, itunak Euskadiren "segurtasuna hobetuko du".
EH Bildu eta Sumar, aldiz, abstenitu egin dira. Julen Arzuaga koalizio subiranistaren legebiltzarkideak azaldu duenez, 8.000 agenteen langa "Segurtasun Batzordeak ezarritako muga da, baina ez da derrigorrezkoa hura erdiestea". "Totem bat dirudi, zenbaki magiko bat, 8.000 ertzain izanda gure arazo guztiak konponduko balira bezala", bota du, ironiaz. Hain justu, kritikatu du hori dela eskuinak eta eskuin muturrak duten estrategia: "Beldurra sorrarazi nahi dute, alarma egoera bat sortu, eta polizia eta baliabide gehiago eskatzen dituzte, eta eskubide eta askatasun gutxiago". Jon Hernandez Sumarreko legebiltzarkideak ez du eztabaidan parte hartu.
Zure interesekoa izan daiteke
Eskuinaren garaia amaitzen ari dela eta Bartzelonan aro berria hasi dela aldarrikatu du Sanchezek
Espainiako presidenteak eta Lula da Silva Brasilgo presidenteak New Yorkeko alkatearen eta Tim Walz gobernadorearen babesarekin itxi dute 'Global Progressive Mobilisation' topaketa.
Trebiñu Arabaren parte izan dadila aldarrikatu dute Argantzunen, Trebiñu Egunaren ospakizunean
EAJren presidente Aitor Estebanek ziurtatu du bere esku dagoen guztia egiten jarraituko duela Trebiñuko herritarrei "ahotsa emateko", eta Araban sartzeko duten "nahia" bete dadin.
Korrikak dirulaguntzak jasotzeko baldintzak betetzen ote dituen aztertuko du Gasteizko Udalak
Euskararen aldeko lasterketan ETAko presoen argazkiak erakutsi zirela eta, finantzazio publikoa etetea eskatu du gaur, mozio bidez, Alderdi Popularrak. Mozioa atzera bota du Udalbatzak, baina Maria Nanclares zinegotzi sozialistak iragarri du kasua aztertuko dutela, udal ordenantzaren araberakoa ote den jakiteko.
Sanchezek eta Lulak, "gerrari ezetz" esanez, olatu erreakzionarioari aurre egitea eskatu dute
Pedro Sanchez Espainiako presidenteak eta Luiz Inacio Lula da Silva Brasilgo presidenteak argi utzi dute bat datozela egungo une geopolitikoaren aurrean, "gerrari ezetz" esanez. Sanchezek adierazi du bi herrialdeen arteko harremana aldebikoa baino askoz haratago doala, eta azpimarratu du munduaren ikuspegi bera dutela.
Pradalesek ukatu egin du Euskadik "etengabeko tentsio-giroa" bizi duela, eta "moderazioa" eskatu dio PPri
Imanol Pradales lehendakariak ukatu egin du Euskadik "etengabeko tentsio-giroa" bizi duela, Javier de Andres Euskadiko PPko presidenteak horrela ziurtatu ondoren. Lehendakariak "introspekzioa, moderazioa eta neurria" izatea gomendatu dizkio Javier de Andresi. PPk "erradikaltasuna, mehatxuak eta larderia bultzatzea" egotzi dio EAJri.
Pradalesek "herri akordioak" ez babestea leporatu dio EH Bilduri, eta "bustitzeko" eskatu dio
Imanol Pradales lehendakariak EH Bilduri aurpegiratu dio legegintzaldiaren bi urte hauetan "herri mailako" akordio handi bakar bat ere babestu ez izana, eta "bustitzeko" eskatu dio. Otxandianok, bestalde, ohartarazi du Eusko Jaurlaritzan bazkide diren bi alderdien arteko "desadostasunak", euskara bezalako gaietan, "oztopo" direla aurrera egiteko.
Etxebizitza finkatu da euskal gizartearen arazo nagusi gisa: burbuilaren garaiko mailara iritsi da kezka
Eusko Jaurlaritzaren azken Soziometroak agerian utzi du gora egin duela prekaritatearekiko eta arazo ekonomikoekiko kezka. Delinkuentziaren inguruko kezka, berriz, apaldu egin da.
Armengolek Koldoren bitartez hitz egiten zuen Abalosekin, eta haur-maskarei buruz galdetu zion: "Konponduko dizut"
Ikertzaileen arabera, Koldo bitartekari gisa ari zen Abalosekiko hurbiltasunari esker, Balearretako Gobernuaren eta ikertutako gaizkile-sarearekin lotutako interesen arteko komunikazioa erraztuz. Besteak beste, PCR testekin, haur-maskarekin edo pandemian egindako inbertsioekin lotuta zeuden kudeaketa horiek.
PPk eta Voxek akordioa lortu dute Guardiola Extremadurako presidente izendatzeko
Asmoa da inbestidura saioa datorren asteartean, hilaren 21ean, eta asteazkenean, hilaren 22an, egitea, eta Maria Guardiola Extremadurako presidente izendatzea berriro apirilaren 24an. Akordioak 61 puntu eta 74 neurri ditu, eta bi aldeek jarrerak hurbildu dituzte, "egon daitezkeen ezberdintasun ideologikoetatik harago".
Aenak ziurtatu du aireportuen kudeaketa partekatua bateraezina dela indarrean dagoen lege-esparruarekin
Aenako presidente eta kontseilari delegatu Maurici Lucenak Akziodunen Batzarrean defendatu duenez, interes orokorreko Espainiako aireportuak 18/2014 Legean jasotako araubide juridiko espezifiko baten mende daude. Lege hori Konstituzioak babesten du; Estatuak azpiegitura horien gainean duen eskumen esklusiboa deklaratzen du, eta jabetza pribatua eta enpresa-askatasuna babesten ditu. Hala ere, positibotzat jo du autonomia-erkidegoekiko lankidetza eta koordinazioa, betiere Konstituzioaren mugak errespetatzen badira eta Aenaren kudeaketa-autonomia eta sare-egitura aldatzen ez badira.