San Jose: "Presoei behin eta berriro eskatuko diet egindako mina aitortzeko eta Justiziari laguntzeko"
Eusko Jaurlaritzako Justizia eta Giza Eskubideen sailburu Maria Jesus San Jose Radio Euskadiko "Boulevard" saioan izan da gaur, ostiralarekin. Bertan, aurrekontuak zertara bideratuko dituzten aurreratu du solasaldi hasieran. "Zerbitzu publikoa indartzea, espetxeen kudeaketa eta biktimen arreta hobetzea eta memoria oso bat garatzea dira gure helburuak", esan du. ETAko presoei eskainitako hirugarren graduei buruz adierazi du "legeari jarraikiz" eman dituztela.
Memoriaren afera ere hartu du hizketagai, eta horren inguruan aurreratu du bere sailak "hausnarketarako memoria kritiko bat" eraikitzeko bitartekoak dituela. Horretarako, beharrezkotzat jo du Gogora Memoriaren, Bizikidetzaren eta Giza Eskubideen Institutuaren erritmoa arintzea, eta ikerketarekin eta hedapenarekin zerikusia duten gaiak aztertzea.
EH Bilduk eta PPk, elkarrekin, Memoriaren Egunean parte hartzea posible izango litzatekeen galdetuta, nabarmendu du ekitaldian nornahik parte har zezakeela, baina "alderdi batzuek aitzakiak jarri zituzten".
Biktimak eta biktimarioak
Justizia sailburuaren iritziz, oso garrantzitsua da biktimak eta "gaizkileak" ikastetxeetan egotea, gazteek Euskal Herrian gertatutakoaren berri izan dezaten.
"Inoiz ez naiz nekatuko egindako mina aitor dezatela eskatzeaz, ez eta Justiziari lagun diezaiotela exijitzeaz ere", esan du. "Askok eta askok pauso hori eman behar dute oraindik", azpimarratu du.
Indarkeria matxistaren biktimak
Gaia erabat aldatuta, San Josek iritzi dio epaitegietan ere formakuntza landu beharra dagoela, bertara jotzen duten emakumeak babestuta senti daitezen.
Doako justizia indartzea ere izango du helburu bere sailak, eta biktima erdigunean kokatzen duen justizia berreraikitzailea bultzatzea.
Azkenik, Euskadin gazteen artean aplikatzen den justizia ereduaz nabarmendu du "eredugarria" dela.
Albiste gehiago politika
Sanchezek neurri "sendoak" ezarri behar dituela eta "ausardiaz" jokatu behar duela azpimarratu du EH Bilduk
Mertxe Aizpurua EH Bilduk Kongresuan duen bozeramaileak ostegun honetan Kongresuko osoko bilkurara heldu denean zehaztu duenez, Pedro Sanchez presidenteak ustelkeriaren aurkako neurri "sendoak" ezarri behar ditu, eta "ausardiaz" jokatu behar du, "EH Bilduren babesa izaten jarraitu nahi badu".
Eneko Andueza konbentzituta dago 'Koldo auziak' ez duela PSE-EEn eraginik izango
PSOE eta Nafarroak Alderdi Sozialista astintzen ari den ustezko ustelkeria kasuaren aurrean, Eneko Andueza PSE-EEko idazkari nagusia konbentzituta dago ez duela eraginik izango Euskadiko Alderdi Sozialistan. Halaber, sozialistak kritikatzen ari direnei zuhur jokatzeko gomendioa egin die. Izan ere, horren esanetan, orain fokoa sozialisten gainean badago ere, litekeena da auzia beste alderdi batzuengana ere zabaltzea.
Maria Chivite: "Erortzen dena erortzen dela esan nuen, eta betetzen ari naiz"
Ramon Alzorriz PSNren idazkariorde nagusi eta Parlamentuko bozeramailearen dimisioaren ostean, Maria Chivite Nafarroako Gobernuko presidenteak agerraldia egin du hedabideen aurrean, eta adierazi du berak ez duela "dimititzeko argudiorik".
Chivite, Alzorrizen dimisioa dela eta: "Erortzen dena erortzen dela esan nuen, eta betetzen ari naiz"
Maria Chivite Nafarroako presidenteak ez du dimisioa emango eta nabarmendu du ez dagoela ez bera, ez Nafarroako Gobernua eta ezta PSN alderdia ere ustelkeria kasuekin lotzen duen ezer.
Semper: "EAJ jabetzen hasi da PSOEk halako batean botata utzi egingo duela"
PPren bozeramailearen arabera, "Euskadin etorkizunerako aukera aritmetikoa PSE Bildurekin joatea da, EAJ albo batera utzita".
Lehendakariak baztertu egin du 'Cerdan auzia'k EAJ/PSE-EE gobernuari kalte egingo dionik: "Egonkortasuna zaintzea garrantzitsua da"
"Zorionez, Euskadin bestelako giro politikoa dugu. Ez gaude madrildarren lokaztian", adierazi du lehendakariak 'Cerdan auzia'k Euskadin izan ditzakeen ondorioez galdetuta.
"Sanchezek irmoago, gardenago eta azkarrago jardun behar du"
Lehendakariaren ustez, Espainiako Gobernua "beste fase batean sartu da", azken egunetan ezagutu diren ustezko ustelkeria kasuen ostean. "Egoera oso larria da, eta zapaldu ezin daitekeen ildo etiko bat dago jokoan", gaineratu du Pradalesek.
Imanol Pradales: 'Akordio batzuk zabalagoak izatea gustatuko litzaidake'
Lehendakari izan den lehen urtean zer ez den ondo egin galdetu diotenean, Imanol Pradalesek esan du gustatuko litzaiokeela "akordio batzuk zabalagoak izatea, batez ere aurrekontuen arloan". Gainera, lehendakariak kritikatu du zenbait unetan gobernukideek desadostasun puntuak jendaurrera eramatea. "Aldez aurretik sukaldeko lana eginda saihestu genitzakeen", gaineratu du.
Alzorrizek dimisioa eman du PSNko idazkariorde nagusi gisa, bere bikotekideak Servinabarren lan egin zuela onartu ondoren
Alzorrizek ere dimisioa eman du Nafarroako Parlamentuko PSNren bozeramaile gisa, baina parlamentari bezala jarraituko du. Prentsaurrekoan jakinarazi duenez, bere bikotekideak Belateko tuneletako eraikuntzan parte hartu zuen Servinabar enpresan lan egin du. UCOk adierazi du Cerdan enpresa horren % 45en jabe zela.
Berdintasun ministroak prostituzioa debekatzeko lege proposamena eramango du irailean Ministroen Kontseilura
Ana Redondo ministroaren esanetan, "Espainiako gizartea eraldatuko duen legea izango da", eta "prostituzioa eta matxismoa desagerrarazteko bidean" lagunduko du.