EH Bilduk deituta, Euskal Herriaren estatus politikoan jauzia ematea aldarrikatu dute milaka lagunek Bilbon
17:30 jota abiatu da Casilla plazatik EH Bilduk "Nazioa gara" lelopean Euskal Herriaren "izaera nazionala" errespeta dadila exijitzeko deitutako mobilizazio nazionala.
Milaka eta milaka lagunek hartu dute parte manifestazioan (12.000, Udaltzaingoaren arabera), "nazioa gara" aldarrikatzeko, protesta amaitu denean koalizio abertzalearen koordinatzaile nagusi Arnaldo Otegik esan duenez. "Beste edozein plan egin zenezaketen, baina hemen egotea aukeratu duzue militante zaretelako. Ezinezkoa da gizarte alternatibo bat eratzea, talde lanik gabe", adierazi du.
EH Bilduko Mahai Politikoa buru zuela, Autonomia kale hasieratik amaierara egin du martxak, Casilla eta Zabalburu banatzen dituzten 700 metroak jendez lepo zirela.
Ikurrinak nonahi, isilik eman dituzte pausoak manifestariek, independentziaren aldeko oihuren bat edo beste tarteko, eta Arnaldo Otegiren hitzekin amaitu dute hitzordua.
Eskerrak eman dizkie burujabetzaren, askatasunaren eta berdintasunaren alde borrokan ari diren herrialde guztiei, batez ere Gazari eta Zisjordaniari, Irlandako mugimendu errepublikanoari eta Uruguaiko Nazio Askapenerako Mugimenduari.
Otegiren hitzetan, hiru arrazoirengatik atera dira gaur kalera. Batetik, "Euskal Herria nazio bat dela eta nazio horren parte izateak harrotzen gaituela aldarrikatzea" zuten helburu. "Beste behin ere, EH Bilduk bere printzipioak eta baloreak defendatu nahi izan ditu, euskal politika aldatzera etorri baikara", azaldu duenez.
Bigarren arrazoia, horren esanetan, "konpromiso zehatz bat hartzea da, Euskal Herriak bere luze-zabalean estatus politikoaren eztabaida burutuko duelako, eta gure konpromisoa izan behar delako bide hori urratsez urrats egikaritzea". Horretarako, "lehen pausoa da mundu osoak Euskal Herria nazio gisa aitortzea, hor hasiko baitugu bidea", erantsi du.
Azkenik, "azken urtean lortutako aurrerapausoak ospatzeko unea" dela esan du, "gure lanaren eta konpromisoaren fruitu izan baita".
Hizketaldia ixteko, "Sarri, Sarri" abestera eta dantzatzera gonbidatu ditu parte-hartzaileak Otegik. Asteon aurrez aurre jarri ditu Fermin Muguruza eta Eusko Jaurlaritza kantu horrek, kantari iruindarrak Martutenen abesti hori kantatu ostean Justizia sailburu Maria Jesus San Josek esan baitzuen "ETAko biktimentzat iraingarria" izan zela.
Albiste gehiago politika
Servinabarrek ukatu egin du Santos Cerdanekin inolako loturarik duela
Enpresa eraikitzaileak gogorarazi duenez, ez diote deliturik leporatu "ez UCOren txostenean", ezta ikerketa judizialean ere. Gainera, Antxon Alonso Egurrola administratzailearen eta Cerdanen arteko harremana "pertsonala" eta "bakoitzaren jarduera profesionaletatik kanpokoa" dela gaineratu du.
Zazpi ministro sozialisten eta PPko hainbat buruzagi ohiren datu pertsonalak argitaratu ditu ultraeskuineko Telegram talde batek
Mezu horiek agertu diren Telegram taldeak 92.000 jarraitzaile baino gehiago ditu, eta Alvise Perezen jarduera politikoarekin lotutako argitalpenak zabaltzeko erabiltzen dute erabiltzaileek, baita Espainiako Gobernuari eraso egiteko edo mezu xenofoboak zabaltzeko ere.
PSNk, Geroa Baik, Zurekin Nafarroak eta EH Bilduk ikerketa batzordea osatzea adostu dute
Cerdan auziko azken berriak ezagutu ondoren adostu dute neurria. Guardia Zibilak egindako txostenean agertzen diren enpresei egin zaizkien esleipenak aztertuko ditu batzordeak eta uda honetan bertan hasiko da lanean.
Sanchezek neurri "sendoak" ezarri behar dituela eta "ausardiaz" jokatu behar duela azpimarratu du EH Bilduk
Mertxe Aizpurua EH Bilduk Kongresuan duen bozeramaileak ostegun honetan Kongresuko osoko bilkurara heldu denean zehaztu duenez, Pedro Sanchez presidenteak ustelkeriaren aurkako neurri "sendoak" ezarri behar ditu, eta "ausardiaz" jokatu behar du, "EH Bilduren babesa izaten jarraitu nahi badu".
Eneko Andueza konbentzituta dago 'Koldo auziak' ez duela PSE-EEn eraginik izango
PSOE eta Nafarroak Alderdi Sozialista astintzen ari den ustezko ustelkeria kasuaren aurrean, Eneko Andueza PSE-EEko idazkari nagusia konbentzituta dago ez duela eraginik izango Euskadiko Alderdi Sozialistan. Halaber, sozialistak kritikatzen ari direnei zuhur jokatzeko gomendioa egin die. Izan ere, horren esanetan, orain fokoa sozialisten gainean badago ere, litekeena da auzia beste alderdi batzuengana ere zabaltzea.
Maria Chivite: "Erortzen dena erortzen dela esan nuen, eta betetzen ari naiz"
Ramon Alzorriz PSNren idazkariorde nagusi eta Parlamentuko bozeramailearen dimisioaren ostean, Maria Chivite Nafarroako Gobernuko presidenteak agerraldia egin du hedabideen aurrean, eta adierazi du berak ez duela "dimititzeko argudiorik".
Chivite, Alzorrizen dimisioa dela eta: "Erortzen dena erortzen dela esan nuen, eta betetzen ari naiz"
Maria Chivite Nafarroako presidenteak ez du dimisioa emango eta nabarmendu du ez dagoela ez bera, ez Nafarroako Gobernua eta ezta PSN alderdia ere ustelkeria kasuekin lotzen duen ezer.
Semper: "EAJ jabetzen hasi da PSOEk halako batean botata utzi egingo duela"
PPren bozeramailearen arabera, "Euskadin etorkizunerako aukera aritmetikoa PSE Bildurekin joatea da, EAJ albo batera utzita".
Lehendakariak baztertu egin du 'Cerdan auzia'k EAJ/PSE-EE gobernuari kalte egingo dionik: "Egonkortasuna zaintzea garrantzitsua da"
"Zorionez, Euskadin bestelako giro politikoa dugu. Ez gaude madrildarren lokaztian", adierazi du lehendakariak 'Cerdan auzia'k Euskadin izan ditzakeen ondorioez galdetuta.
"Sanchezek irmoago, gardenago eta azkarrago jardun behar du"
Lehendakariaren ustez, Espainiako Gobernua "beste fase batean sartu da", azken egunetan ezagutu diren ustezko ustelkeria kasuen ostean. "Egoera oso larria da, eta zapaldu ezin daitekeen ildo etiko bat dago jokoan", gaineratu du Pradalesek.