Mikel Zabalzaren omenezko plaka jarri dute Intxaurrondoko kuartelaren atarian
Minutuko isilunearekin hasi da larunbat honetan Mikel Zabalaza oroitzeko ekitaldia, Intxaurrondoko kuartelaren atarian, Donostiako Udalak haren omenezko plaka jarri baitu larunbat honetan.
Plakan zera irakur daiteke: "Mikel Zabalza Garate, Poliziaren ekintzak eragindako biktima" eta 1985eko abenduaren 15eko data, Bidasoa ibaian eskuburdinak jarrita ziutela hilotz topatu zuten eguna, hain zuzen ere.
Zabalzaren senitartekoek arrosa zuriak jarri dituzte plaka berriaren bueltan, eta atzetik gauza bera egin dute inguruan bildutako herritar askok eta askok.
Mikel Zabalzaren arreba Idoia Zabalzak adierazi duenez, omenaldi honekin "urrats handi bat eman da memoriari dagokionez", eta "pozik" agertu da, "betiko geldituko delako idatzita, Mikel hemen, kuartel honetan hil zuten."
Zabalzarekin batera Intxaurrondon torturatuak izan zirela salatu zuten Idoia Aierbe eta Jon Arretxe ere oroitu dituzte herritarrek ekitaldian.
Donostiako Udalak plaka hau jarriko zuela iragarri zuenetik, kontra agertu dira Dignidad y Justicia (DyJ) eta AVT Terrorismoaren Biktimen Elkartea, eta Udalari atzera egiteko eskatu diote aste honetan zehar.
Mikel Zabalza Garate Orbaizetan (Nafarroa) jaioa eta Altzako bizilaguna, Donostiako Tranbiaren Konpainiako txoferra eta ELA sindikatuko afiliatua zen. Guardia Zibilak 1985eko azaroaren 26an atxilotu zuen, eta, Intxaurrondoko kuarteletik pasa ondoren, hilda aurkitu zuten Bidasoa ibaian abeduaren 19an. 33 urte zituen.
2022ko otsailean, Eusko Jaurlaritzak polizia-abusuen biktima gisa aitortu zuen, Guardia Zibilak atxilotu ondoren haren heriotzak "izaera bortitza" izan zuela eta "gerora desagertu ziren tortura-praktiken emaitza" izan zela ondorioztatu baitzuen. Familiari 135.000 euroko kalte-ordaina emango ziola jaso zuen Jaurlaritzaren irizpenak.
Jaurlaritzak bezala, poliziaren biktima gisa aitortu zuen Nafarroako Gobernuak ere eta aitortza horietan oinarrituta erantzun die hain zuzen ere Eneko Goia Donostiako alkateak biktimen elkarteek egindako kritikei.
Goiak hedabideei azaldu dienez, plaka berri honekin Donostiako Udalak "urrats berri bat" eman du "hirian bizia galdu zuten terrorismoaren eta motibazio politikoko indarkeriaren biktimen memoria eta ikusgarritasuna espazio publikoan berreskuratzeko".
Alkatearen hitzetan, plaka honekin "indarkeriaren biktima" den Mikel Zabalzaren oroimena "bizirik mantentzea" nahi da, Udalak "biktimentzat egia, justizia eta erreparazioa" bilatzeko duen helburutik abiatuta. Donostiako alkateak adierazi duenez, Zabalzaren familiak horrela gogoratzea nahi zuen, eta bere borondatea errespetatu dute.
Dozenaka herritarrekin batera parte hartu dute ekitaldian, Eneko Goia Donostiako alkateaz gain, Ana Lopez (EAJ), Iñaki Gabarain (PSE-EE) eta Juan Karlos Izagirre (EH Bildu) zinegotziek.
Horiez gain, Ana Ollo Nafarroako Gobernuko presidenteordea, Xabier Ezeizabarrena Gipuzkoako Batzar Nagusietako presidentea, Jagoba Alvarez Ereño Eusko Jaurlaritzako Giza Eskubideen, Biktimen eta Aniztasunaren zuzendaria, Zabalzaren bikotekide zen Idoia Aierberen senitartekoak ere bertan izan dira, baita Maixabel Lasa eta Gorka Landaburu ETAren biktimak, eta Pili Zabala Joxi Zabala GALen biktimaren arreba ere. PPk ez du parte hartu ekitaldian.
EH Bilduk ohar batean azpimarratu duenez, Guardia Zibilak Intxaurrondon duen kuartelaren ondoan poliziaren indarkeriaren biktima den "Mikel Zabalzaren aldeko" plaka bat jartzeak "herri honen oroimenean eragiten du" eta "urrats garrantzitsua eta beharrezkoa" dela ziurtatu du. Gainera, gogorarazi duenez, Zabalza bezala "torturen biktima diren milaka pertsona daude oraindik egiaren zain".
Fernando Buesa Fundazioak X sarean zabaldu duen mezu baten arabera, Zabalza familiak "justizia, egia eta memoria" behar ditu, eta azpimarratu du "tortura onartezina" dela "sistema demokratiko batean", eta "gaitzetsi eta jazarri egin behar dela".
Zure interesekoa izan daiteke
PSNk "erabateko errespetua" du Zapateroren errugabetasun presuntzioaren aurrean
Esther Iso PSNko Antolakuntza idazkariak adierazi duenez, presidente ohiarentzat "hitz onak" baino ez dituzte, "nafar guztiak gozatzen ari diren ondareagatik".
Nafarroako Gobernuak UPNren "noraeza" kritikatu du Athleticen elastikoarekin izandako polemikan
Alderdi politikoak LORAFNA (Nafarroako Autonomia Estatutua) eguneratzea eztabaidatzen ari ziren gaur Parlamentuko batzorde batean, eta klub zuri-gorriaren elastikoaren harira piztutako polemikaren inguruko iritziak emateko tartea ere hartu dute.
Lehendakariaren elkarrizketa, 10 titularretan
Imanol Pradales lehendakariak hainbat gai jorratu ditu Radio Euskadin, hala nola medikuen greba, etxebizitzaren arazoa edo autogobernuaren estatus berria.
Pello Otxandiano: "Etxebizitza politika honek huts egin badu, momentua da norabidez aldatzeko"
EH Bilduk etxebizitzaren inguruan egindako proposamenaren harira, "jarrera baikorra" izateko eskatu dio Pello Otxandianok Eusko Jaurlaritzari. "Proposamena hartu, aztertu eta egin dezagun eztabaida bat, ea soluziobideak hauek diren edo beste batzuk planteatzen dituzten", gaineratu du EH Bilduren Eusko Legebiltzarreko bozeramaileak ETB1eko "Egun on Euskadi" saioan egin dioten elkarrizketan.
Lehendakariaren ustez, "euskarak zubi gehiago eta harresi gutxiago behar ditu"
Imanol Pradales lehendakariari elkarrizketa egin diote Radio Euskadiko "Boulevard" saioan, eta bertan adierazi duenaren arabera, "ezin dugu beste alde batera begiratu segurtasun juridikorik eza dagoenean". Euskararen biziberritzeari dagokionez esan duenez, "fokua ez dago euskal administrazio publikoa euskalduntzean, hizkuntzaren erabilera sozialean baizik".
Lehendakariaren ustez, UPNk polemika artifiziala sortu nahi du Athleticen kamiseta berriaren inguruan
Imanol Pradales lehendakariak babesa eta elkartasuna adierazi dio Athletici, UPNk klubari elastikoetatik Euskal Herriko mapa kentzeko eskatu ostean. Kamiseta berria "oso polita" iruditzen zaiola esan du, eta gogorarazi du Nafarroako Gobernua bera ere ez dela auzian sartuko. Polemika artifiziala bilatzea egotzi dio lehendakariak UPNri, eta ohartarazi du oso arriskutsua dela sinboloekin eta identitateekin liskarra eta zatiketa bultzatzea.
Pradales: "FIFAren eskakizunak aztertzen ari gara; oso zorrotzak dira"
Imanol Pradales lehendakariak azpimarratu du egoeraren "azterketa lasaia" egin behar dela, sektore askori eragiten dielako. "FIFAk datorren urteko urtarrilean hartuko du erabakia, denbora dago", azpimarratu du.
Lehendakaria: “Tentsioa ezagutu gabeko mugetaraino areagotuko da; kezkatzen nau Madrilek arreta galtzea eta adostutako konpromisoei ez heltzea”
Imanol Pradales lehendakaria kezkatuta agertu da Radio Euskadiko "Boulevard" saioan Zapatero auziaren ondorioengatik.
Medikuen greba konpontzeko edo eskumenak transferitzeko eskatu dio lehendakariak Monica Garciari: "Arazo bat da"
Imanol Pradales lehendakariak uste du Monica Garcia Osasun ministroa "arazo bat" dela, "bi hilabete baino gehiago daramatzalako ezer jakin nahi izan gabe" estatutu markoa dela eta medikuak egiten ari diren grebari buruz. Hori dela eta, "gaian esku hartzeko" deia egin dio, eta, "arazoa konpontzeko gai ez bada edo ez badu nahi", Euskadiri eskumenak eskualdatzeko eskatu dio, "irtenbide bat bilatzeko". Radio Euskadin egindako elkarrizketa batean deitoratu duenez, Osakidetzaren batez besteko itxaron-zerrenden hobekuntzan "asko" aurreratu bada ere, estatutu markoaren aldeko medikuen grebak, "Osasun Ministerioaren erabaki batetik eratorritakoak", "iskanbila" eragin du. "Euskaditik eta eskumenen esparruaren barruan" aurrera egiten saiatzen ari direla erantsi du.
Albiste izango dira: Pradales lehendakariari elkarrizketa Radio Euskadin, abisu horia beroagatik eta errugbiko finalak Bilbon
Gaurkoan Orain-en albiste izango direnen laburpena, bi hitzetan.