Gasteizko Udalak tentsionatutako eremu izendatzeko eskaera 2025eko martxoan egitea espero du
Gasteizko Udalak aurreikusten du Eusko Jaurlaritzari 2025eko martxoan eskatzea tentsionatutako eremu izendatzea, deklarazioa indarrean egongo den hiru urteetan etxebizitzaren merkatuan aplikatu beharreko neurrien diagnostikoa eta egitasmo berezia egiteko lanak esleitu ondoren.
Hala azaldu du Borja Rodriguez Hirigintza eta Etxebizitza zinegotziak, EH Bilduk eta Elkarrekin Gasteizek egindako galderei erantzunez, gaur Gasteizko udaletxean egindako batzordean.
Rodriguezek jakinarazi du neurrien plan bereziak lehentasunak izango dituela eta estrategia eta ekintza batzuk definituko dituela, abiapuntu batekin: "joera demografikoak eta emantzipazio-mailak, eta Gasteizko familien azterketa sozioekonomikoa".
"Etxebizitzaren premia eta eskaria aztertuko ditu, baita azken urteotan izan duen bilakaera ere, baita etxebizitza eskaintzaren bilakaera eta ezaugarriak eta erosteko eta alokatzeko etxeen merkatuaren bilakaera ere", azpimarratu du.
Kontratuak "aipatutako agiriak 15 asteren buruan entregatzeko epea ezartzen du", eta, beraz, zinegotziak ziurtatu du "2025eko lehen hiruhilekoaren amaiera aldera" Eusko Jaurlaritzari eskatuko zaiola tentsionatutako eremuak izendatzea.
"Landa-eremuak izan ezik", Rodriguezek adierazi du "hiriko barruti guztiek betetzen dutela tentsionatutako eremu izendatzeko irizpideetako bat, gutxienez".
EH Bilduk eta Elkarrekin Gasteizek kritikatu dute Udal Gobernuak ez duela bete "emandako hitza eta osoko bilkuraren agindua"; izan ere, aurtengo urtarrilean, mozio bat onartu zuen, "PSE-EEk eta EAJk 2024an amaitu baino lehen" tentsionatutako eremu izendatzea eskatzeko konpromisoarekin.
Xabier Ruiz de Larramendi EH Bilduren zinegotziak salatu duenez, Udal Gobernuak "ez du ezer egin urtebetez halako arazo handi bati aurre egiteko, utzikeriagatik eta borondate faltagatik". "Arduragabekeria da hatz bakar bat ere mugitu ez izana, hilabetez hilabete prezioa nabarmen igotzen baita, Gasteizen 13.600 etxebizitza eskatzaile baino gehiago dauden bitartean", deitoratu du.
Elkarrekin Gasteizen zinegotzi Oscar Fernandezek ere kritikatu du Udal Gobernuak ez duela bete osoko bilkuran adostutakoa, eta "epeak gehiago zehaztea" eskatu du, baita eskaerarekin batera aurkeztu behar den plana ere, "1.000 eurotik gorako alokairuen prezio neurrigabeei muga jartzeko".
Zure interesekoa izan daiteke
Juanma Morenok Andaluziako presidente kargua hartu du hirugarrenez
Juanma Moreno Andaluziako Alderdi Popularreko buruak hirugarrenez hartu du Juntako presidente kargua. San Telmo Jauregian egin da ekitaldia eta bertan izan da Manuel Gavira presidenteordea, Voxen Andaluziako burua. Karguaren zina egin ostean Andaluziako presidentea "harro" agertu da. Aipamena egin die Andaluzian jaio zirenei eta baita "gaur egun kanpotik etorri eta berea den lurrarekin konpromisoa hartu dutenei" ere. Voxekin koalizioan abiatu duen legealdia "emankorra" eta "luzea" izatea espero duela gaineratu du.
Matutek, Sanchezen gobernuaren "egoera delikatuari" buruz: "Gobernatzea ez da eustea"
EH Bilduk Kongresuan duen diputatu eta bozeramaile ondokoak uste du gobernu bat zuzentzeari "helburu bat" eman behar zaiola, eta kasu honetan "eskubide sozial, demokratiko eta nazio anitzen agendan aurrera egitea" dela.
Ehunka lagun kalera atera dira Iruñean preso eta iheslaririk gabeko jaiak aldarrikatzeko
Sare taldeak adierazi duenez, presoak eta iheslariak Euskal Herrira itzultzeko prozesua "eskailerako azken mailan" dago, eta hori gainditzeko ohiko espetxe-legedia aplikatzeko eta mobilizazio sozialarekin jarraitzeko deia egin du, sanferminen hasierarekin bat eginez.
Transferentzien akordioa ez betetzea "errespetu falta onartezina" dela ohartarazi dio lehendakariak Sanchezi
"Beti 'ezetz' esaten duen eta proposamenik egiten ez duen horma baten aurka egin dugu talka", azaldu du Imanol Pradalesek, Jaurlaritzak asteon zenbait Ministeriorekin egindako bilerei buruz. Horregatik, aldeen arteko konfiantza "gero eta txikiagoa" dela ohartarazi dio Espainiako Gobernuko presidenteari.
EAJk berretsi egin du Bilboko Alkatetzarako Mikel Hidalgoren hautagaitza
Bilboko 33 urteko politikaria hautagai bakarra izan zen, eta aho batez babestu dute EAJren 13 udal batzarrek.
Albiste izango dira: Imanol Pradales lehendakaria Madrilen, beroa bueltan eta irteera operazioa
Gaurkoan Orain-en albiste izango direnen laburpena, bi hitzetan.
Lonjetan etxebizitzak eraikitzeko ordenantza amaitzear du Gasteizko Udalak, prezio mugatuekin eta espekulazioa saihesteko neurriekin
Maider Etxebarria alkateak politika orokorreko osoko bilkuraren lehen eguna aprobetxatu du, besteak beste, Udal gobernuaren hiru urteen balantzea egiteko, besteak beste, etxebizitza arloan. Osoko bilkurak oposizioaren erreplikekin jarraituko du ostiralean, baina hiru alderdiek, EH Bilduk, PPk eta Podemosek, dagoeneko adierazi dute euren atsekabea eta "etsipena".
Bi urte eta erdiko kartzela-zigorra Francisco Granados Madrilgo kontseilari ohiarentzat, Punica auzia dela eta
2007tik 2014ra, kontratu publikoen esleipenean Waiter Music jai-enpresari mesede egitea leporatu diote. Epai horrekin, Granadosek bigarren zigorra jaso du Punica auziaren harira. Aurretik, bi urte eta erdi igaro zituen behin-behineko espetxealdian.
Vox Andaluziako Gobernuan ere sartu da, presidenteorde mailako kontseilaritza batekin
Juan Manuel Moreno popularra Andaluziako Juntako presidente hautatu dute, bigarren bozketan. Akordioa ordu erdi lehenago iragarri dute PPk eta Voxek.
Sanfermines 78 eta Martxoak 3 kolektiboek 1976 eta 1978ko gertakarien erantzukizuna har dezala eskatu diote Espainiako Estatuari
Sanfermines 78 eta Martxoak 3 kolektiboek “Estatua erantzulea” ekimena bultzatu dute. Horren bidez, Espainiako Gobernuari eskatu nahi diote “Espainiako Estatuak martxoaren 3an Gasteizen eta 1978ko sanferminetan gertatutako krimenen erantzukizun nagusi eta zuzena berariaz aitor dezala”. Uztailaren 8an, gainera, German Rodriguez oroituko dute Iruñean, garai hartako festetan poliziek “eraso bortitz” batean hil zutelako.