Baldintzapeko askatasuna eman diote Luis Barcenas PPren diruzain ohiari
Auzitegi Goreneko espetxe-zaintzako epaitegiak baldintzapeko askatasuna eman dio Luis Barcenas Alderdi Popularraren diruzain ohiari. 'Gurtel' auziko hainbat kontutan nahastuta egoteagatik espetxeratu zuten. Epaileak arguaditu duenez, espetxe-zigorraren bi heren bete ditu Barcenasek, isunak ordaindu ditu, egindakoaz damututa dago eta delitu ekonomikoengatik kartzela betetzen ari diren presoentzako hainbat programatan parte hartu du.
Martxotik hirugarren graduan zegoen Barcenas, eta, epai honekin, ez du kartzelara itzuli beharko. Nolanahi ere, bere bizilekuaren helbidearekin izandako edozein aldaketaren berri eman beharko du, eta baita beste auziren batean zigortuko balute ere.
Jose Luis Castro epaileak auto bidez azaldu du Victoria Kent gizarteratze zentroaren Tratamendu Batzordeak Barcenasi baldintzapeko askatasuna ematea proposatu zuela, eta Fiskaltzak ez zuela horren aurka egin, joan den irailaren 20an zigorraren bi herenak bete zituelako eta zigorra betetzeko azken maila lortzeko beharrezko elementuak beteta zituelako.
Magistratuaren arabera, proposamenak legeak eskatzen dituen baldintzak betetzen ditu. Hala, gogorarazi du ezarri zitzaion erantzukizun zibil osoa ordaindu duela —4.535.254,92 euro guztira— eta adierazi du zigorraren hiru laurdenak datorren urteko irailean beteko dituela.
Zure interesekoa izan daiteke
Osakidetza hobetzeko proposamenei "oztoporik ez" jartzeko eskatu dio Pradalesek Osasun Ministerioari
Imanol Pradales lehendakariak Espainiako Gobernuko Osasun Ministerioari eskatu dio Eusko Jaurlaritza Osakidetzaren egoera hobetzeko egiten ari den proposamenak, "entzuteko" eta "gutxienez, oztoporik ez jartzeko". "Osasun Ministerioari exijitu nahi diot entzun dezala eta egiten utzi dezala", esan du.
Podemos prest dago Sumarrekin, IUrekin eta EH Bilduren aliantzak egiteko, Kongresuan hala erabakitzen badute
Gainera, Richar Vaquero Podemos Euskadiren koordinatzaile nagusiak adierazi duenez, "aurrera egingo dute" Gasteizko aurrekontuarekin, EAJrekin eta PSE-EErekin negoziatzen ari diren bitartean proposamen "interesgarriak" egiten bazaizkie.
Donostiako Udaltzaingoa taser pistolak erabiltzen hasiko da 2026an
Udaltzaingoak bost taser pistola izango ditu guztira, bat txanda bakoitzeko, eta bost agente gailu horiek erabiltzeko prestakuntza jasotzen ari dira.
Pradalesek Osasun Ministerioari eskatu dio ez dezala "harririk jarri euskal osasun sistemaren hobekuntza oztopatzeko"
2025-2032 planak ospitaleetako "osasun zentro txikienetik puntako teknologiara" doazen inbertsioak aurreikusten dituela defendatu du.
Fiskaltzak ez du Errejonentzat zigorrik eskatuko Mouliaak salatutako sexu-erasoengatik, eta auzia artxibatzearen alde egin du
Adolfo Carretero epaileak Sumarren bozeramaile ohia Mouliaa aktorearen aurkako sexu-eraso delituagatik auzipetu ostean, Fiskaltzaren esanetan ez dago zantzu nahikorik haren kontrako karguak aurkezteko.
Lander Martinez: "Gobernu honek merezi du"
Asteazken honetan Euskadi Irratian egin dioten elkarrizketan, Espainiako Gobernuak bultzada bat behar duela esan du. Ekin diezaion eskatu dio, Gobernua birmoldatuta eta herritarrei haren lanaren balioa helarazteko estrategia argia zabalduta.
Santos Cerdanek dio "Inkisizioaren pareko" jazarpena jasaten ari dela
Buruzagi ohi sozialistak adierazi du Belateko tunela bikoizteko obraren esleipena, Nafarroan, "garbia eta gardena" izan zela, eta berak ez zuela inolako loturarik izan kontratazio publiko horrekin.
Eusko Jaurlaritzak 1.600 milioi inbertituko ditu 2032ra bitartean Osakidetzako azpiegituretan eta ekipamenduan
Azpiegitura eta Ekipamendu Sanitarioen Programa (2025-2032) “asmo handiko” proiektu gisa aurkeztu du Jaurlaritzak eta helburu du “kalitatea, segurtasuna eta hurbiltasuna” bermatzea osasun-arretan, “bai pazienteak bai osasun-arloko profesionalak ahalik eta ondoen” egon daitezen. Osasun-zentro eta ospitaleak eraiki, handitu edo eraberrituko dira eta ekipamendu eta teknologian inbertsio mardulak egingo dira.
Albiste izango dira: Santos Cerdan Senatuko ikerketa batzordean, BBK fundazioko presidente berria eta Guggenheim Urdaibai proiektuaren amaiera
Gaurkoan Orain-en albiste izango direnen laburpena, bi hitzetan.
Cerdan Senatuan izango da gaur, baina ez dago argi deklaratuko duen ala ez
Santos Cerdan, PSOEko Antolakuntza idazkari ohia eta judizialki ikertua, Senatuko ikerketa batzordera joango da gaur: galderei erantzuteko edo ez erantzuteko eskubidea du.