Atzerritarrentzako lan baimenen transferentzia zehaztuko dute gaur Espainiako Gobernuak eta Jaurlaritzak
Espainiako Gobernuak eta Eusko Jaurlaritzak bilera teknikoa egingo dute ostegun honetan atzerritarrei lan-baimenak emateko Euskadik bere gain hartuko duen eskumen berriaren xehetasunak zehazteko.
Euskadin 20.000 atzerritar daude modu irregularrean. Eskualdatzeari esker, Eusko Jaurlaritza arduratuko da atzerritarrei hasierako lan-baimenak emateaz eta baimen horien izapidetzea eta ebazpena kudeatzeaz. Oraindik data zehatzik ez dagoen arren, Jaurlaritzak nahik luke 2025an ematea lehen baimenak. Eskumen beriarei esker baimenak emateko epeak arintzea espero da.
Hilaren 16ko Transferentzien Batzorde Mistoan parte hartu zuten Angel Victor Torres Lurralde Politikako ministroak eta Maria Ubarretxena Gobernantzako sailburuak, eta horretan berretsi egin zituzten itsasertza antolatzeko eta kudeatzeko eskumenak eta jarduera zinematografikoa eta ikus-entzunezkoa Euskadiri eskualdatzeko akordioak.
Transferentzien Batzorde Misto horren aurretik, Erakundeak Koordinatzeko eta Bultzatzeko Azpibatzordea egin zuten, egiteke dauden 27 transferentziei ekiteko, eta hurrengo asteetan atzerritarrei lan egiteko baimenen eskualdaketa ixtea erabaki zen.
Lan-foro hori Pedro Sanchez Gobernuko presidenteak eta Imanol Pradales lehendakariak adostu zuten joan den hilean Moncloan egindako Aldebiko Lankidetza Iraunkorreko Batzordean, eta bertan adostu zuten aurtengo lehen blokearen (Atzerritarrentzako Lan Baimenak, Itsas Salbamendua, Meteorologia eta Barakaldoko Makineria Egiaztatzeko Zentro Nazionala) lau transferentziak ixteaz arduratuko den lantaldea arintzea.
Albiste gehiago politika
PSNk, Geroa Baik, Zurekin Nafarroak eta EH Bilduk ikerketa batzordea osatzea adostu dute
Cerdan auziko azken berriak ezagutu ondoren adostu dute neurria. Guardia Zibilak egindako txostenean agertzen diren enpresei egin zaizkien esleipenak aztertuko ditu batzordeak eta uda honetan bertan hasiko da lanean.
Sanchezek neurri "sendoak" ezarri behar dituela eta "ausardiaz" jokatu behar duela azpimarratu du EH Bilduk
Mertxe Aizpurua EH Bilduk Kongresuan duen bozeramaileak ostegun honetan Kongresuko osoko bilkurara heldu denean zehaztu duenez, Pedro Sanchez presidenteak ustelkeriaren aurkako neurri "sendoak" ezarri behar ditu, eta "ausardiaz" jokatu behar du, "EH Bilduren babesa izaten jarraitu nahi badu".
Eneko Andueza konbentzituta dago 'Koldo auziak' ez duela PSE-EEn eraginik izango
PSOE eta Nafarroak Alderdi Sozialista astintzen ari den ustezko ustelkeria kasuaren aurrean, Eneko Andueza PSE-EEko idazkari nagusia konbentzituta dago ez duela eraginik izango Euskadiko Alderdi Sozialistan. Halaber, sozialistak kritikatzen ari direnei zuhur jokatzeko gomendioa egin die. Izan ere, horren esanetan, orain fokoa sozialisten gainean badago ere, litekeena da auzia beste alderdi batzuengana ere zabaltzea.
Maria Chivite: "Erortzen dena erortzen dela esan nuen, eta betetzen ari naiz"
Ramon Alzorriz PSNren idazkariorde nagusi eta Parlamentuko bozeramailearen dimisioaren ostean, Maria Chivite Nafarroako Gobernuko presidenteak agerraldia egin du hedabideen aurrean, eta adierazi du berak ez duela "dimititzeko argudiorik".
Chivite, Alzorrizen dimisioa dela eta: "Erortzen dena erortzen dela esan nuen, eta betetzen ari naiz"
Maria Chivite Nafarroako presidenteak ez du dimisioa emango eta nabarmendu du ez dagoela ez bera, ez Nafarroako Gobernua eta ezta PSN alderdia ere ustelkeria kasuekin lotzen duen ezer.
Semper: "EAJ jabetzen hasi da PSOEk halako batean botata utzi egingo duela"
PPren bozeramailearen arabera, "Euskadin etorkizunerako aukera aritmetikoa PSE Bildurekin joatea da, EAJ albo batera utzita".
Lehendakariak baztertu egin du 'Cerdan auzia'k EAJ/PSE-EE gobernuari kalte egingo dionik: "Egonkortasuna zaintzea garrantzitsua da"
"Zorionez, Euskadin bestelako giro politikoa dugu. Ez gaude madrildarren lokaztian", adierazi du lehendakariak 'Cerdan auzia'k Euskadin izan ditzakeen ondorioez galdetuta.
"Sanchezek irmoago, gardenago eta azkarrago jardun behar du"
Lehendakariaren ustez, Espainiako Gobernua "beste fase batean sartu da", azken egunetan ezagutu diren ustezko ustelkeria kasuen ostean. "Egoera oso larria da, eta zapaldu ezin daitekeen ildo etiko bat dago jokoan", gaineratu du Pradalesek.
Imanol Pradales: 'Akordio batzuk zabalagoak izatea gustatuko litzaidake'
Lehendakari izan den lehen urtean zer ez den ondo egin galdetu diotenean, Imanol Pradalesek esan du gustatuko litzaiokeela "akordio batzuk zabalagoak izatea, batez ere aurrekontuen arloan". Gainera, lehendakariak kritikatu du zenbait unetan gobernukideek desadostasun puntuak jendaurrera eramatea. "Aldez aurretik sukaldeko lana eginda saihestu genitzakeen", gaineratu du.
Alzorrizek dimisioa eman du PSNko idazkariorde nagusi gisa, bere bikotekideak Servinabarren lan egin zuela onartu ondoren
Alzorrizek ere dimisioa eman du Nafarroako Parlamentuko PSNren bozeramaile gisa, baina parlamentari bezala jarraituko du. Prentsaurrekoan jakinarazi duenez, bere bikotekideak Belateko tuneletako eraikuntzan parte hartu zuen Servinabar enpresan lan egin du. UCOk adierazi du Cerdan enpresa horren % 45en jabe zela.