Begoña Arregi hil da, Juan Jose Ibarretxe lehendakariaren emaztea
Begoña Arregi, Juan Jose Ibarretxe lehendakariaren emaztea, hil da gaur, igandea, 66 urte zituela, EITBk jakin duenez.
Laudion jaio zen, Ibarretxeren jaioterrian, 1958an, eta bi alaba zituen. Emakume zuhurra eta isila zen.
Albistearen berri izan eta berehala, dolumin mezuak zabaldu dira sare sozialetan. Sareko bozeramaile Joseba Azkarraga (Ibarretxeren gobernuan Justizia sailburu izan zen), EH Bilduko koordinatzaile nagusi Arnaldo Otegi eta PPren Euskadiko presidente ohi Carlos Iturgaiz izan dira doluminak eman dituzten politikarietako batzuk, baita Ibarretxeren zenbait alderdikide ere, Ramiro Gonzalez Arabako ahaldun nagusia, adibidez.
Imanol Pradales lehendakariak argitaratutako mezuan, berriz, "dolumin bihotzekoena" eman dio Begoña Arregiren familiari, "une mingarri eta triste honetan". Osasun sailburu ohi Jon Darponek, bestalde, besarkada estua bidali dio Ibarretxeri.
Joseba Azkarraga izan da atsekabea erakusten lehena.
EH Bilduko koordinatzaile nagusi Arnaldo Otegik Begoña Arregi estimu handitan zuela idatzi du X sare sozialean.
Carlos Iturgaizek ere sare sozial berean idatzi du bere dolumin mezua.
Junts-eko presidente Carles Puigdemontek ere doluminak eman dizkio Ibarretxeri, eta Kataluniatik atsekabe mezu gehiago ere heldu zaizkie Arregiren senitarteko eta lagunei.
Zure interesekoa izan daiteke
Eusko Jaurlaritzak eta EHUk 2027-2030 unibertsitate-plan berriaren oinarriak adostu dituzte
Lehen bilera horretan Unibertsitate Sistemaren Planean jaso nahi diren bost ardatz nagusiak finkatu dituzte. Datozen hilabeteotan ekintzak eta azpiegitura egokiak bermatzeko plangintza zehaztuko dira.
Euskadik ordezkari bana izango du Unescon eta Munduko Turismo Erakundean
Euskadirentzat aukera da interes berezia duten arloetan (kulturan, hizkuntzan, ondarean, hezkuntzan, zientzian, turismoan eta jasangarritasunean) solaskide izateko eta eragina izateko gaitasuna handitzeko.
Hauteskundeen eraginez ezin dituela presidenteak bildu esan die Espainiako Gobernuak Pradalesi eta Clavijori
Angel Victor Torres Lurralde Politikako ministroak azaldu duenez, "Presidenteen Biltzarrak arau bat du: presidente guztiek egon behar dute, eta ez dira baldintzak betetzen". Izan ere, igande honetan hauteskundeak egingo dituzte Gaztela eta Leonen, eta inbestiduraren zain daude Extremaduran eta Aragoin.
Jaurlaritzak eta Espainiako Gobernuak gaur sinatuko dute Euskadik Unescon eta Turismoaren Mundu Erakundean parte hartzeko akordioa
Estaturik gabeko nazioak diren Flandria, Quebeceko edo Katalunia bezala, Euskadi Unescoren eta Turismoaren Mundu Erakundearen (UNWTO) kide elkartu izango da aurrerantzean.
Muskizko EAJk alkatearen kontakizun "partziala eta lerratua" salatu du, bentzeno isuriaren egunean
Jeltzaleen arabera, lehendabiziko orduetan "tentsio eta nahasmen uneak" izan ziren, "osasun-agintarien informazio eguneratuaren zain zeuden bitartean".
Eusko Legebiltzarreko talde gehienek bat egin dute euskararen doako irakaskuntza lortzeko bidean
Talde gehienek, PPk eta Voxek izan ezik, euskararen doako irakaskuntza apurka aurrera egitearen alde egin dute. Halere, EH Bildu, EAJ eta PSE ez datoz bat egutegiari dagokionez, eta sektore pribatuan ikaskuntza nola bultzatu behar den ere ez datoz bat.
Pradalesek hamar neurri proposatu dizkio Sanchezi, gerrak enpresetan eta etxeetan eragingo duen kaltea arintzeko
Lehendakariak elektrizitatearen BEZa % 5era jaistea, elektrizitatea sortzeko zerga kentzea eta enpresek ordaintzen dituzten garraioko bidesariak murriztea proposatu du, besteak beste. Iragarri du, gainera, Eusko Jaurlaritzak neurri propioen lehen sorta onartuko duela laster.
Denis Itxaso: "Eneko Goiarekin burua altxatu genuen; orain, zain gaude"
Eusko Jaurlaritzako Etxebizitza eta Hiri Agenda sailburuak Radio Euskadin esan duenez, "udala operazioetako batzuei buruz hausnartzen ari da". Denis Itxasok adierazi du "epeak arindu" behar direla, Donostian ezin delako "gehiago itxaron".
Bi gizon atxilotu dituzte Ione Belarrari mehatxu mezuak bidali eta ziberjazarpena egiteagatik
Ikerketako iturrien arabera, atxilotuetako batek 300 mezu baino gehiago bidali dizkio Instagram bidez Podemosen idazkari nagusiari, mehatxuak eginez eta irainduz.
Euskara profilen aurkako “estrategia antolatua” eta "praktika sasimafiosoak" arbuiatu ditu Otxandianok
EH Bilduk Eusko Legebiltzarrean duen bozeramaile Peio Otxandianok dio euskararen hizkuntza eskakizunen aurkako errekurtso judizialen jarioaren atzean “antolatutako bultzada bat” dagoela. Erabaki judizial horien argitan, EAJri eta PSE-EEri eskatu die Enplegu Publikoaren Legearen erreforma bat negoziatzera eser daitezela, sistema blindatzeko, eta, salatu duenez, bi alderdiek uko egin diote erreforma hori egiteari.