Sare: "Esparru politikoak eta judizialak behin betiko konponbidearen eskaera entzun beharra daukate"
Milaka lagunek kartzeletako eta biktima guztien arazoari "bidezko irtenbide bat" emateko eskatu eta biharamunean, Sare herritar sarearen bozeramaileek adierazi dute "esparru politikoak eta judizialak" entzun egin beharko lieketela "behin betiko konponbidea" eskatu zuten milaka herritarrei, eta "legea bihurritzeari utzi". Gainera, "ausardia" eskatu diote EAEko Espetxe Administrazioari, "erregimen irekiko neurriak" bultza ditzan.
Joseba Azkarraga eta Bego Atxa Sareko bozeramaileek "Behin Betiko konponbidea, elkarbizitza, bakea" lelopean Sarek deitutako martxaren balorazioa egin dute igande honetan Bilbon.
Hedabideei egindako adierazpenetan, Azkarragak esan du 67.000 eta 70.000 pertsona artean izan zirela manifestazioan parte hartu zutenak, eta "kopuru ikaragarri" hori "esparru politikoan eta judizialean" kontuan hartu beharko litzatekeela gaineratu du, "euskal gizartearen zati handi batek hamarkadatan zehar iraun duen eta gure herriari sufrimendu handia eragin dion gatazkaren ondorioei behin betiko konponbidea eman behar zaiela" erakusten duelako.
"Gatazka horren ondorioak zigilatu" behar direla berretsi ostean, helburu hori lortzeko "biktimen mina manipulatzeari utzi behar" zaiola gaineratu du, eta "biktimei babesa eman eta minaren aitortza egin behar" zaiela.
Azkarragak nabarmendu duenez, "indarkeria guztien biktima guztientzat" izan behar du aitortzak; izan ere, "sufrimendu berdinaren aurrean, justiziaren jarrera eta haren neurtzeko moduak ezin du desberdina izan".
Gainera, ETAko presoen auziari "behin betiko konponbidea" bilatzeko eskatu du, "legea bihurritu gabe" eta "Estatuko kartzeletan dauden milaka eta milaka presoei" aplikatzen zaien espetxe-araudi bera aplikatuz.
Ausardia eskatu dio EAEko Espetxe Administrazioari
Sareko bozeramailea konbentzituta agertu da "konponbidea Espetxe Administrazioaren esku ere" badagoela, eta "ausardia" eskatu dio estamentu horri, "eskuinak edo eskuin muturrak esaten duenari soilik begiratu gabe" lan egin dezan, "Eusko Legebiltzarrak aspaldi onartu zuen euskal espetxe-eredua" kontuan hartuta.
"Eredu horrek, funtsean, espetxe zigor luzeak bete dituztenentzat erregimen irekiko neurrien aldeko apustua egiten du; izan ere, presoen kolektiboan gehiengoak 20 urte baino gehiago egin ditu lehen graduan, eta badaude 34 urteko espetxealdia beteta dutenak ere. Beraz, horiei euskal espetxe-eredua aplikatu beharko litzaieke, erregimen irekian, legeak eta espetxe-araudiak horretarako aukera ematen baitute", adierazi du.
Bego Atxak ere ildo beretik hitz egin du, eta 2025a "behin betiko konponbidearen urtea" izatea nahi dutela berretsi du. ''Alderdiei eskatu nahi diegu hurrengo urtea bakerako benetako urtea izan daitela'', esan du.
Albiste gehiago politika
Eneko Andueza konbentzituta dago 'Koldo auziak' ez duela PSE-EEn eraginik izango
PSOE eta Nafarroak Alderdi Sozialista astintzen ari den ustezko ustelkeria kasuaren aurrean, Eneko Andueza PSE-EEko idazkari nagusia konbentzituta dago ez duela eraginik izango Euskadiko Alderdi Sozialistan. Halaber, sozialistak kritikatzen ari direnei zuhur jokatzeko gomendioa egin die. Izan ere, horren esanetan, orain fokoa sozialisten gainean badago ere, litekeena da auzia beste alderdi batzuengana ere zabaltzea.
Semper: "EAJ jabetzen hasi da PSOEk halako batean botata utzi egingo duela"
PPren bozeramailearen arabera, "Euskadin etorkizunerako aukera aritmetikoa PSE Bildurekin joatea da, EAJ albo batera utzita".
Lehendakariak baztertu egin du 'Cerdan auzia'k EAJ/PSE-EE gobernuari kalte egingo dionik: "Egonkortasuna zaintzea garrantzitsua da"
"Zorionez, Euskadin bestelako giro politikoa dugu. Ez gaude madrildarren lokaztian", adierazi du lehendakariak 'Cerdan auzia'k Euskadin izan ditzakeen ondorioez galdetuta.
"Sanchezek irmoago, gardenago eta azkarrago jardun behar du"
Lehendakariaren ustez, Espainiako Gobernua "beste fase batean sartu da", azken egunetan ezagutu diren ustezko ustelkeria kasuen ostean. "Egoera oso larria da, eta zapaldu ezin daitekeen ildo etiko bat dago jokoan", gaineratu du Pradalesek.
Imanol Pradales: 'Akordio batzuk zabalagoak izatea gustatuko litzaidake'
Lehendakari izan den lehen urtean zer ez den ondo egin galdetu diotenean, Imanol Pradalesek esan du gustatuko litzaiokeela "akordio batzuk zabalagoak izatea, batez ere aurrekontuen arloan". Gainera, lehendakariak kritikatu du zenbait unetan gobernukideek desadostasun puntuak jendaurrera eramatea. "Aldez aurretik sukaldeko lana eginda saihestu genitzakeen", gaineratu du.
Alzorrizek dimisioa eman du PSNko idazkariorde nagusi gisa, bere bikotekideak Servinabarren lan egin zuela onartu ondoren
Alzorrizek ere dimisioa eman du Nafarroako Parlamentuko PSNren bozeramaile gisa, baina parlamentari bezala jarraituko du. Prentsaurrekoan jakinarazi duenez, bere bikotekideak Belateko tuneletako eraikuntzan parte hartu zuen Servinabar enpresan lan egin du. UCOk adierazi du Cerdan enpresa horren % 45en jabe zela.
Berdintasun ministroak prostituzioa debekatzeko lege proposamena eramango du irailean Ministroen Kontseilura
Ana Redondo ministroaren esanetan, "Espainiako gizartea eraldatuko duen legea izango da", eta "prostituzioa eta matxismoa desagerrarazteko bide horretan" lagunduko du.
EAJk eta EH Bilduk ustelkeriaren aurka irmotasun handiagoz jardutea eta itunak betetzea eskatu diote Sanchezi
Bi euskal alderdiak Espainiako Gobernuko presidentearekin bildu dira asteazken honetan, Moncloan, 'Cerdan auzia'k irekitako krisiaren harira. Biek ala biek erregenerazio demokratikoa eta erantzukizuna eskatu diote Sanchezi, baina ñabardura ezberdinak izan dituzte, tonuari eta eskakizunei dagokienez.
Chivitek dio ez duela Cerdanen eta Servinabarren loturaren berririk eta PSNren kontuen auditoria iragarri du
Horrez gainera, “politikari eta pertsona gisa traizionatua” sentitzen dela esan du Nafarroako Gobernuko presidenteak.