Bizkaiko Aldundiak atzeratu egin du zenbait plazatan euskara eskakizuna ezartzea, epaia irmoa izan arte
Bizkaiko Foru Aldundiak erabaki du lanpostu publiko batzuetan hizkuntza-eskakizunak oraingoz ez ezartzea, neurri "puntual eta behin-behineko" gisa, inpugnatutako prozesuetan aurkeztutako helegiteak ebatzi eta epai irmoa izan arte.
Ager Izagirre Herri Administrazio eta Erakunde Harremanetarako diputatuak azaldu duenez, helburua da hautaketa-prozesuetan segurtasun juridikoa bermatzea, epe luzeko hizkuntza-politika aldatu gabe.
EH Bilduk erabakia kritikatu du, eta Rakel Goñi alderdi horren ordezkariak "onartezintzat" jo du; izan ere, euskararen normalizazioari ekar liezazkiokeen ondorio "atzeraezinez" ohartarazi du.
Goñiren arabera, zenbait plazatan euskararen derrigortasuna atzeratzeak aukera eman lezake funtzionarioek euren karreran zehar ezagutza hori egiaztatu beharrik gabe lanpostuetara sartzeko, eta horrek galarazi lezake zerbitzua bi hizkuntza ofizialetan ematen dela bermatzea.
Izagirrek esan du neurriak plaza kopuru txiki bati eragingo diola, eta azpimarratu du ez dakarrela euskarari bazter egitea, aldi baterako doikuntza bat da eta, auziak ebatzi bitartean. Aldundiak azpimaratu du zerbitzuak bi hizkuntzetan ematea bermatzen jarraituko duela, eta adierazi du funtzionario hasiberrien hizkuntza-gaitasuna indartzeko barne mekanismoak jarriko dituela martxan.
Azkenik, Bizkaiko diputatuak erabakiak presaz hartzea saihestea eskatu du, eta ebazpen judizialaren zain egotearen alde egin du, araudian aldaketak egin aurretik. Aldundiak euskararekin duen konpromisoa berretsi du, eta aurreratu du, epaiak aldekoak ez badira, bide legezko bideak bilatuko dituztela administrazioan euskararen erabilera bultzatzen jarraitzeko.
Zure interesekoa izan daiteke
Lehendakariaren dekalogoa energia krisiaren kontrako neurrietan jaso izana baloratu du Eusko Jaurlaritzak
Familiek eta euskal industriak faktura elektrikoa murrizteko lagungarria izango dela uste du Jaurlaritzak, baina faltan botatzen du azken urte honetan shock bikoitza (arantzelarioa eta energetikoa) jasan duten industria-enpresentzako neurri espezifikoak hartzea.
EAJ "pozik" krisiaren aurkako neurriekin, baina EH Bilduren ustez, "ez da nahikoa"
Jeltzaleen arabera, neurri horiek "elektrizitatearen eta erregaien azken prezioa familientzat eta autonomoentzat eskuragarriagoa izaten lagunduko dute". Koalizio abertzaleak positibotzat jo du Sanchezi helarazitako hiru proposamen jaso izana, baina neurriek energia eta petrolio enpresa handien irabaziak handituko dituztela kritikatu du. Bestalde, PPk ez du bere babesa ziurtatu nahi, eta Podemosek salatu du krisiaren aurkako plana ez dela eraginkorra.
Espainiako Gobernuak elektrizitatearen, gasaren, gasolinaren eta gasolioaren BEZa % 10era jaitsi du
Ezohiko Ministroen Kontseiluak Ekialde Hurbileko gerraren ondorioak arintzeko lehen neurri sorta bat onartu du gaur. Neurri horiek 5.000 milioi euro mobilizatuko dituzte. Sanchezen arabera, "ez du eragotziko legez kanpoko gerra honen ondorioak Espainiara iristea, baina bai eramangarriagoak izatea".
Apirileko itzalaldi elektrikoa "hainbat faktorek" eragin zuten, Europako adituen arabera
Txostenak ondorioztatu du "oso azkar hedatu" zela Espainiako hegoaldean izandako "arazo lokal bat". Horrek gaintentsioagatiko deskonexio orokorrak eragin zituen, eta, azkenik, sistema iberikoa Europako gainerako lurraldeetatik bereizi zen.
PSOEk eta Sumarrek bi dekretu adostu dituzte, krisiari aurre egiteko neurriak eta etxebizitzaren ingurukoak jasotzeko
Irango gerraren ondorioak leuntzeko lege dekretua onartzeko Ministroen Kontseilua bi ordu pasako atzerapenarekin hasi da, Sumarreko kideek uko egin baitiote bileran sartzeari alokairuko kontratuen luzapena eta enpresen marjinak kontrolatzeko neurriak kanpoan uzten ziren bitartean. Azkenik, gobernukideak akordio batera iritsi dira.
Euskadik, Gaztela-Mantxak eta Kanariek bitartekotza independentea proposatu diote Osasun ministroari, greba medikoa desblokeatzeko
Euskadiko, Gaztela-Mantxako eta Kanarietako osasun-arduradunek gutun bat bidali diote Monica Garcia Osasun ministroari. Bertan, Pazienteen Erakundeen Plataformaren bitartekaritza independentea proposatu dute, greba-batzordearen eta Ministerioaren arteko elkarrizketa errazteko eta greba desblokeatzeko.
Ministroen Kontseiluak neurri ekonomikoak adostuko ditu gaur, Ekialde Hurbileko gerraren eragina arintzeko
Lege-dekretua datorren ostegunean onartu beharko dute Kongresuan. Lau arlotan egituratutako plan zehatza jarriko dute mahai gainean: egiturazko neurriak, zerga-paketea, sektore kaltetuentzako berariazko laguntzak eta pertsona zaurgarrientzako laguntzak biltzen dituena.
Sanchezek aurrekontuen aurkezpena baztertu du uneotan, gerrari erantzuteko
Ez du baztertu aurrekontuak aurrerago aurkeztea, horietan lan egingo dutela adierazi baitu, baina argi utzi du ez dela hilabete honetan izango, "politika, bizitza bezala, ez delako aurreikusi daitezkeen planen araberakoa", eta inork ez zuelako Ekialde Hurbileko gerra aurreikusten.
Rufian eta Montero elkarrekin, ezkerraren etorkizunari buruzko ekitaldi publiko batean
Ezkerreko alderdiek ongietorria eman diote apirilaren 9an Bartzelonan izango den ekimenari. Sumarrek eta PSOEk begi onez ikusten dituzte ezkerreko fronte bat eraikitzen lagunduko duten ekintzak eta elkarrizketak.
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.