Euskal Kontzertu Ekonomikoaren inguruko azken akordioak onartu ditu Diputatuen Kongresuak
Kongresuaren osoko bilkurak Euskadiko Itun Ekonomikoa aldatzeko lege-proiektua onartu du ostegun honetan, Voxen kontrako botoak soilik jasota. Lege-proiektu horrek itun fiskaleko azken akordioak legedian txertatzen ditu, eta horren bidez 14 zergari buruz erabakitzeko gaitasun handiagoa aitortzen dio Euskadiri, besteak beste, BEZari buruz.
Lege-testuak gainditu egin du Voxek planteatutako osoko zuzenketa, eta ordenamendu juridikoan sartu ditu Estatuak eta Euskadik Kontzertu Ekonomikoaren azken hiru batzorde mistoetan lortutako akordioak; funtsean, lau gai zehatzen ingurukoak. Euskal kupoa eguneratze horretatik kanpo geratu da, 2022-2026 aldirako onartuta baitago.
Testuaren edukiari dagokionez, besteak beste, zergadunek zerga-egoitza duten lekuan ordaindu ahal izateko eragiketen bolumena urtean 10 milioi eurotik 12 milioi eurora igotzea onartu da. Horrek esan nahi du zergadun gehiago egongo direla Sozietateen gaineko Zerga eta BEZa Euskadin baino ordaintzen ez dutenak.
Gainera, Ez-egoiliarren Errentaren gaineko Zergari buruz erabakitzeko erabateko autonomia ematen dio Euskadiri; zerga hori erkidego horretan bizi ez diren baina autonomia-erkidegoan errentak kobratzen dituzten pertsonei aplikatzen zaie (adibidez, Euskadin kontzertu bat ematen duen kanpoko artista bati).
Sinatutako akordioak, halaber, Foru Aldundiek 14 zerga kudeatzeko betebehar formalen arloan duten araugintza-ahalmena handitzen du.
Zerga horien artean daude BEZa, kreditu-erakundeetako Gordailuen gaineko zergak, energia elektrikoaren ekoizpenaren Balioa, energia nukleoelektrikoa sortzearen ondoriozko erregai nuklear agortuaren eta hondakin erradioaktiboen Ekoizpena, erregai nuklear agortua eta hondakin erradioaktiboak instalazio zentralizatuetan Biltegiratzea, eta gasa, petrolioa eta kondentsatua erauzteko Balioa.
Akordio horien eraginpean daude, halaber, Ondare-eskualdaketen eta Egintza Juridiko Dokumentatuen gaineko zergak, Aseguru-Primak, zerga Bereziak, plastikozko ontzi berrerabilezinen gaineko zergak, gas fluordunak, Zerbitzu Digital jakin batzuk, hondakinak Zabortegietan uztea, hondakinen errausketa eta baterako errausketa, eta Joko-Jarduerak.
Taldeen erreakzioak eta balorazioak
Lege proiektuaren defentsan eta osoko zuzenketaren aurka, Maria Jesus Montero Espainiako Gobernuko presidenteorde eta Ogasun ministroak "sen ona" erabiltzearen alde egin eta ituna egungo errealitatera egokitu nahi duen aldaketa babestu du
Monterok esan du Vox-ek kontra egiten badu ez dela edukiarekin deseroso dagoelako, baizik eta Euskadi eta Espainia aurrez aurre jartzen saiatzen ari delako, "muturreko nazionalismo espainiar" batetik.
Carmelo Barrio PPko diputatuak adierazi duenez, lege proiektu hau "Konstituzioaren eta estatutuaren esparruan eta EBko ordenamendu juridikoan kokatzen da" eta "euskal foraltasunak ez dakar besteentzat bideabekeriarik".
Bestalde, Maria Luisa Garcia sozialistak azpimarratu duenez arau hori "agindu konstituzional bat betetzera" baino ez dator, eta Vox kritikatu du, "Konstituzioa jatetxe bateko kartarekin nahasteagatik, non gustuko duzuna hautatu dezakezun eta gainerakoa ez".
Mertxe Aizpurua EH Bilduko bozeramaileak "ontzat" jo ditu neurri fiskal berriak, baina aldi berean esan du oraindik "bide luzea" dagoela egiteko, eta Idoia Sagastizabal EAJko diputatuak argudiatu du euskal kontzertuaren sistemak eta Nafarroako hitzarmenarenak "autogobernu handiagoa" ahalbidetzen dutela eta "administrazioa herritarren zerbitzura" jartzen dutela.
Lege-proiektuaren aurka, Voxeko Pablo Saezek testuaren "formari, edukiari eta mamiari" egindako osoko zuzenketa babestu du, eta kontzertu ekonomikoa leialtasun kontzeptu batean oinarrituta egon beharko litzatekeela esan du,"EAJk ez daukana" bere ustez.
Zure interesekoa izan daiteke
Ollo: "Demokraziaren aldeko borrokan ari zen alderdi karlista baten jarraitzaileak zituzten helburu"
Lizarrako Udaleko Memoria Batzordeak ekitaldia egin du 1976an Montejurran izan ziren gertakarien 50. urteurrenaren kariaz, eta bertan izan da Nafarroako Gobernuko bigarren lehendakariorde eta Memoria eta Bizikidetzako kontseilari Ana Ollo.
Gaur amaitu da Ernairen IV. kongresua
Ezker abertzaleko gazte antolakundeak, Ernaik, gaur amaitu du laugarren kongresua, Bergaran. Bi konpromiso berretsi dituzte bertan: gazteriarekiko konpromisoa eta Euskal Herriarekiko konpromisoa. Horren harian, gazteriaren behar eta kezkak politizatu eta askapen prozesuan txertatzeko ardura hartu dute.
Berdintasuna "betebehar demokratikoa" dela defendatu du EAJk emakume jeltzaleen lana omentzeko ekitaldian
Euzko Alderdi Jeltzaleak emakume jeltzaleen lana goraipatzeko ekitaldia egin du 1922an sortutako Emakume Abertzale Batzaren urteurrenean. Bertan azpimarratu duenez, berdintasuna "ez da aukera politikoa, betebehar demokratikoa baizik".
José Luis López de Lacalle kazetaria omendu dute haren hilketaren 26. urteurrenean
Andoaingo PSE-EEk antolatutako ekitaldian, frankismoaren aurkako militante sozialista historikoa omendu dute. Jose Luis Lopez de Lacalle 2000. urtean tirokatu zuen ETAk, etxeko atarian, egunkariak erostetik zetorrenean.
Pradalesek autoritarismoaren gorakadaz ohartarazi, eta Europa "arinago eta kohesionatuago" baten alde egin du
Lehendakariaren esanetan, nazioarteko zuzenbidea eta demokrazia liberalak mehatxupean daude mundu mailako populismoaren eta autoritarismoaren gorakadaren ondorioz. Euskadik Europa federal batean ahots propioa izatea aldarrikatu du.
50 urte Montejurrako gertakarietatik: karlisten arteko talka, italiar neofaxistak eta… Estatuaren konplizitatea?
Karlismoaren barne-gatazka bat ez ezik, Montejurrako hilketen atzean botere postfrankistek bultzatutako konspirazio izan zen, eskuin-muturreko beste elementu batzuekin batera.
Gurutze Gorriak 3.121 pertsona migratzaile artatu zituen Irunen 2025ean, aurreko urtean artatutakoen erdiak
Euskadik "iparraldeko muga" dela aldarrikatu du, eta "ziurtasuna" eskatu du Europako Migrazio eta Asilo Itunaren aurrean.
Maskaren epaiketa amaituta, epaiak argitu beharko ditu zalantzak
Jose Luis Abalosek, Koldo Garciak eta Victor de Aldamak pandemia garaian maskarak erosteko bi kontratu enpresa jakin bati eta akordio "itxi eta pribilegiatu" batekin esleitzeko erakunde kriminala osatu ote zuten argitu beharko du Auzitegi Gorenak. Zalantza hori eta beste batzuk argitzeko eperik ez du izango.
Polemikak gorabehera, Lander Martinezek ez du arriskuan ikusten EAJren eta PSE-EEren arteko koalizio gobernua
Lander Martinez Sumarreko diputatuak antzerkitzat jo du EAJren eta PSE-EEren arteko azken krisia. Horren arabera, jeltzaleek erabaki dute Moncloarekin harremana tenkatzea Eusko Jaurlaritzako edo aldundietako koalizio gobernuak zalantzan jarri beharrean. "Ez dute interesik gehiengo hori galtzeko", gaineratu du.
EAJk, PSE-EEk eta EH Bilduk zibersegurtasunari buruzko akordioa lortu dute, eta aliantzak PP haserrearazi du
Euskal Polizia modernizatzeko eskatu dio Eusko Legebiltzarrak Jaurlaritzari, ziberdelituen egungo hazkundeari eta ziberkrimenek etorkizunean ekarriko dituzten erronkei aurre egiteko.