Pradasek ezin izan zuen Mazonekin kontaktatu GOIDIaren eguneko une larrienetan, deien errejistroaren arabera
Salome Pradas Valentziako Erkidegoko Justizia eta Barne kontseilari ohiak ezin izan zuen Carlos Mazon presidentearekin harremanetan jarri goi-geruzetako depresio isolatuaren (GOIDI) unerik larrienetan, haren telefonoko urriaren 29ko deien zerrendak erakusten duenez. Hain zuzen ere, egun horretan elkarrekin hitz egin zuten lehen aldia 17:37an izan zen, Ekintzak Koordinatzeko Zentro Integratuaren (Cecopi) bilera hasi eta ordu erdi baino gehiago pasa zenean. Ondoren, bien arteko komunikaziorik gabeko ordu eta laurdeneko beste denbora-tarte bat egon zen, alerta herritarrei bidali aurretik.
Kontseilari ohiaren legezko ordezkaritzak 118 orrialdeko zerrenda eman dio auziaren instrukzioa egiten ari den Catarrojako epaileari. Horren arabera, guztira 12 dei izan zituen Mazon presidentearekin, horietako zazpitan hitz egin zuten eta beste bost dei-galduak izan ziren.
Zerrendan agertzen diren bien arteko lehen deiak, 12:52an eta 16:29an izan ziren. Biak dei galduak izan ziren. Lehen aldiz 17:37an hitz egin zuten, bi minutuz, Mazonek egindako dei batean. Ondoren, hiru dei trukatu zituzten 18:30ak arte: 18:16an (7 minutuz), 18:25ean (43 segundoz) eta 18:30ean (33 segundoz). Hortik aurrera, Pradasek Mazoni egindako bi dei galdu daude (19:10ean eta 19:36an), eta 19:43an berriz ere hitz egin zuten, 48 segundoz. 20:10ean minutu bat iraun zuen beste dei bat izan zen. Herritarren mugikorretara bideratutako alerta-mezua 20:11n bidali zen.
Telefono-deien erregistroaren arabera, Pradasek dozenaka pertsonarekin hitz egin zuen egun hartan, besteak beste, auzi honetan ikertzen ari diren Emilio Argüeso Larrialdietako idazkari autonomikoarekin, Generalitateko Komunikazioko idazkariarekin eta Kabineteko buruarekin, Valentziako alkate Maria Jose Catalarekin, eta Valentziako Diputazioko presidente Vicent Momporekin.
Pilar Bernabe Gobernuak Valentzian duen ordezkariarekin ere hitz egin zuen behin baino gehiagotan. 14 dei agertzen dira zerrendan, horietako hiru galduak. Lehenengo deia 12:23an izan zen, bost minutukoa.
Deien erregistroa argitaratu ondoren, Generalitateko iturriek adierazi dute "Mazon ez zela inoiz inkomunikatuta egon frogatzen" dutela. Haien hitzetan, arratsaldean bi dei egin zituen, bat "Cecopiko bileraren berri eman zion Azpiegitura idazkariari eta bestea Presidentetzako idazkariari".
Carlos Mazon bera Algemesin izan da asteazken honetan. Kazetarien galderei erantzun die "egun osoan zehar" aritu zela Pradas sailburuarekin hizketan, eta "oso ondo komunikatuta" egon zela "deitu nahi izan zidan ororekin eta nik deitu ahal izan nion ororekin hitz egin nuen".
Albiste gehiago politika
Semper: "EAJ jabetzen hasi da PSOEk botata utziko duela edozein unetan"
PPko bozeramailearen arabera, "Euskadin etorkizunerako aukera, aritmetikoa, PSE Bildurekin joatea da, EAJren aukera albo batera utzita".
Lehendakariak baztertu egin du 'Cerdan auzia'k EAJ/PSE-EE gobernuari kalte egingo dionik: "Egonkortasuna zaintzea garrantzitsua da"
"Zorionez, Euskadin bestelako giro politikoa dugu. Ez gaude madrildarren lokaztian", adierazi du lehendakariak 'Cerdan auzia'k Euskadin izan ditzakeen ondorioez galdetuta.
"Sanchezek irmoago, gardenago eta azkarrago jardun behar du"
Lehendakariaren ustez, Espainiako Gobernua "beste fase batean sartu da", azken egunetan ezagutu diren ustezko ustelkeria kasuen ostean. "Egoera oso larria da, eta zapaldu ezin daitekeen ildo etiko bat dago jokoan", gaineratu du Pradalesek.
Imanol Pradales: 'Akordio batzuk zabalagoak izatea gustatuko litzaidake'
Lehendakari izan den lehen urtean zer ez den ondo egin galdetu diotenean, Imanol Pradalesek esan du gustatuko litzaiokeela "akordio batzuk zabalagoak izatea, batez ere aurrekontuen arloan". Gainera, lehendakariak kritikatu du zenbait unetan gobernukideek desadostasun puntuak jendaurrera eramatea. "Aldez aurretik sukaldeko lana eginda saihestu genitzakeen", gaineratu du.
Alzorrizek dimisioa eman du PSNko idazkariorde nagusi gisa, bere bikotekideak Servinabarren lan egin zuela onartu ondoren
Alzorrizek ere dimisioa eman du Nafarroako Parlamentuko PSNren bozeramaile gisa, baina parlamentari bezala jarraituko du. Prentsaurrekoan jakinarazi duenez, bere bikotekideak Belateko tuneletako eraikuntzan parte hartu zuen Servinabar enpresan lan egin du. UCOk adierazi du Cerdan enpresa horren % 45en jabe zela.
Berdintasun ministroak prostituzioa debekatzeko lege proposamena eramango du irailean Ministroen Kontseilura
Ana Redondo ministroaren esanetan, "Espainiako gizartea eraldatuko duen legea izango da", eta "prostituzioa eta matxismoa desagerrarazteko bide horretan" lagunduko du.
EAJk eta EH Bilduk ustelkeriaren aurka irmotasun handiagoz jardutea eta itunak betetzea eskatu diote Sanchezi
Bi euskal alderdiak Espainiako Gobernuko presidentearekin bildu dira asteazken honetan, Moncloan, 'Cerdan auzia'k irekitako krisiaren harira. Biek ala biek erregenerazio demokratikoa eta erantzukizuna eskatu diote Sanchezi, baina ñabardura ezberdinak izan dituzte, tonuari eta eskakizunei dagokienez.
Chivitek dio ez duela Cerdanen eta Servinabarren loturaren berririk eta PSNren kontuen auditoria iragarri du
Horrez gainera, “politikari eta pertsona gisa traizionatua” sentitzen dela esan du Nafarroako Gobernuko presidenteak.
Ibarrolaren ustez Chivitek dimisioa eman beharko luke "Belateko lanak Cerdanen enpresari esleitu bazaizkio"
Cristina Ibarrola UPNren presidentearen iritziz, "agerikoa da Chivite presidentea gero eta inguratuago dagoela". "Nafarroan esleitutako obra publiko handiena Cerdanen % 45eko parte-hartzea duen enpresa bati" esleitzea "eskandalua" dela esan du.