Izquierda Unidak planteatu du Sumar Espainiako Gobernutik ateratzea, Israeli armak erosteagatik
Sumarrek PSOE gobernuko kidearekin duen ezinegona gero eta nabarmenagoa da defentsa politikan hartutako erabakiengatik, baina Yolanda Diaz bigarren presidenteordeak zuhur diharduen bitartean, Izquierda Unida haratago joan da krisiaz hitz egitean, eta Sumar koalizio gobernutik ateratzea planteatu du.
Defentsa arloan PSOEren eta Sumarren arteko desadostasunak aspalditik datoz, eta asteartean Ministroen Kontseiluan are ageriago ikusi ziren, Yolanda Diazek eta Sumarren gainerako ordezkariek Pedro Sanchezek iragarritako 10.471 milioi euroko partida defentsara bideratzeko egitasmoa atzera bota baitzuten.
Urak gainezka egiteko falta zen tanta Barne Ministerioak Israeli armak erosteko sinatu duen kontratua izan da; izan ere, asteazken honetan formalizatu da, duela hilabete batzuk Espainiako Gobernuak bertan behera utzi zuela jakitera eman ondoren.
Barne Ministerioak, azkenean, 15 milioi bala baino gehiago erostea erabaki du, Guardia Zibilarentzat, Estatuko Abokatutzak kontratua bertan behera ez uztea gomendatu ostean, hori egitea kostu handia lekarkeela argudiatuta. Baina azalpen horiek ez dituzte sumarzaleak baretu.
Izquierda Unidako (IU) buruzagiak, Antonio Maillok, PSOEri leporatu dio Sumarrekin koalizio gobernuan "krisirik handiena" irekitzea, defentsa arloan hartutako erabakiengatik, eta azpimarratu du bere alderdiak, Exekutiboko kide denak, ez dituela horrelako politikak onartuko. "Ez da nahikoa azalpenak eskatzea, guk argi ikusten dugu ez diogula bide horri jarraituko ezta urratuko", ziurtatu du.
Sumar taldeko eta IUko diputatu Enrique Santiagok ez du agertokirik baztertzen, Sumar Gobernutik ateratzeko aukera planteatzeraino, erantsi egin du, ordea, hautu politiko hori modu kolektiboan hartu beharko litzatekeela, eta, horregatik, premiazko batzar bat eskatu du egoera horri heltzeko.
Gainera, Santiagok, Espainiako Alderdi Komunistaren buruak, presio handiagoa sartu dio PSOEri, Margarita Robles eta Fernando Grande-Marlaska Defentsa eta Barne ministroen dimisioa eskatu baitu, Israelekin duen armamentu kontratua bertan behera utzi ezean.
IUren beste presio neurri bat Sira Rego Gazteria eta Haurtzaro ministroak Marlaskari bidalitako gutuna izan da. Gutun horretan, aipatutako kontratua bertan behera uzteko eta Estatu sionistarekin beste kontratu edo merkataritza harreman batzuk argitzeko ikuskaritza bat zabaldu dezala eskatu dio Marlaskari.
Yolanda Diazen Sumar mugimenduak eta talde parlamentarioa oso-osorik eskatu dute kontratua berehala bertan behera utzi dezatela, eta Marlaska jendaurrean ager dadila ere eskatu dute, Kongresuko osoko bilkuran azalpenak eman ditzan.
Yolanda Diazek berak Bartzelonan esan duenez, armak erostea hori "akordioen urraketa nabarmena da" Espainiako Gobernuaren baitan, baina ez du hausturarik planteatu.
Gobernuko alde sozialista, Pilar Alegria, tentsioa murrizten saiatu da, Sumarrekin izandako "desadostasunez haratago" defentsaren arloan "jarrera bateratua" dagoela adierazi baitu.
Podemosek eta ERCk, biak Sanchezen inbestidurarako bazkide parlamentarioak, bat egin dute Marlaskak Israelekin duen kontratua azaltzeko egindako eskaerarekin.
Zure interesekoa izan daiteke
Iruñeko aire-trafikoa "hobetzeko prest" agertu da Espainiako Gobernua
Maria Caballero UPNko senatariak egindako galdera bati erantzunez, Oscar Puente Espainiako Gobernuko Garraio eta Mugikortasun Jasangarriko ministroak Iruñeko aireportuaren egungo eredua defendatu du, aire-trafikoa "hobetu" daitekeela aitortu arren. Haren hitzetan, Iruñekoa da 2018tik bidaiarien kopurua gehien hazi den aireportuetako bat da, % 40.
Abortua Konstituzioan blindatzea onartu du Ministroen Kontseiluak, "dinamika atzerakoien aurrean"
Konstituzioaren erreforma honek hiru bosteneko gehiengoa behar du Kongresuan eta Senatuan, eta, beraz, gobernukideak oposizioko alderdiekin adostasunera iristen saiatu beharko dira.
Urtasun: "Teknikoei entzun behar zaie beti, eta ez dute batere gomendatzen lekualdatzea"
Kultura ministroak Eusko Jaurlaritzak 'Gernika' behin behinean, bonbardaketaren 90. urteurrenagatik, lekualdatzeko eskaerari balioa eman eta errespetua helarazi dio, baina aukera baztertu du. Igotz Lopez EAJko senatariak gogorarazi dio txosten teknikoa eskaera egin eta bi egunera egin zela, eta Madrilgo museoaren bideragarritasuna margolanarekin lotzen zuela.
“Begirada aldaketa” eskatu du Bengoetxeak, “Gernika” “berme guztiekin” lekualdatzeko
Ibone Bengoetxea Eusko Jaurlaritzako lehendakariorde eta Kultura sailburuak adierazi duenez, Eusko Jaurlaritzak ez du oraindik "Gernika" lekuz aldatzeko eskaerari buruzko erantzunik jaso. Eusko Jaurlaritzak Picassoren obra Euskadira kontserbazio "berme guztiekin" eramateko baldintza egokiak ezagutzea baino ez duela eskatzen adierazi du. Bien bitartean, EAJk astearte honetan eramango du eztabaida Senatura, Kultura ministroari azalpenak eskatzeko.
Abalosen semeak ukatu egin du aitaren diru funtsak kudeatu izana: "Nik ez dut klabean hitz egiten; ez aitarekin, ez inorekin ere"
Astearte honetan hasi da garraio ministro ohiaren, haren aholkulari Koldo Garciaren eta Victor de Aldamaren aurkako epaiketa. Pandemiaren garaian, musukoak erosteko lehiaketa publikoen bidez eskupekoak jasotzea leporatuta, 24 urte arteko kartzela zigorrak eskatu ditu Fiskaltzak. Bi astez luzatuko da epaiketa, eta 80 lekukotik gora daude deklaratzera deituta.
Koldo Garciak “tentel” deitu dio Aldamari, eta epaiketa “lehertuko” duten frogak aurkeztuko dituela esan du
Jose Luis Abalosen aholkulari ohiak audio bat bidali du Telecincora, eta bertan adierazi du “erabat errugabeak” direla frogatuko dutela.
Abalos, Koldo Garcia eta Aldamaren aurkako epaiketa hasi da, maskarak iruzurrez erostea egotzita
Fiskaltzak eskatu du ministro ohiari 24 urteko espetxe-zigorra ezartzea; 19 urte, Garciari, eta 7 urte, Aldamari. 70 lekuko baino gehiago agertuko dira Auzitegi Gorenean.
Ikerketa batzordeak bertan behera utzi du Cerdanen emaztearen agerraldia, osasun arazoengatik deklaratzeari uko egin baitio
Erabaki hori gorabehera, txostenak "zalantzak sortu dizkie", batzordeko presidenteak esan duenez, baina "kontuz ibiltzeko moduko gai bat" dela iritzita, deklarazioa bertan behera uztea erabaki dute, bai eta Cerdanen emazteak aurkeztutako agiriari buruzko txosten "juridikoak" eta beste mediku batzuren "osasun txostenak" biltzea ere.
Epaiketa bertan behera uztea eskatu dute Kitchen auziko akusatuen abokatuek, intrukzioan akatsak izan direla argudiatuta
Lehen saioan, aurretiko gaiei helduta, hamar akusatuen abokatuek galdegin dute bertan behera utz dezatela Mariano Rajoyren Gobernuaren garaiko Barne Ministerioaren buruzagitzaren aurkako epaiketa.
PPk kritikatu du "biktimismoan" eta euskal herritarren errealitatetik urrun bizi dela EAJ
Laura Garridok (PP) hedabideen aurrean adierazi duenez, Aberri Egunean "betiko diskurtsoa" izan zuen EAJk. "Jauzi kualitatibo bati buruz hitz egin zuten, eta jauzi horrek euskal herritarrei mesede egingo ote dien galdetu nahi diet, kontuan izanda independentzia ez dagoela euskal herritarren lehen kezken artean", esan du.