Jaurlaritzak larrialdi maila 2tik 1era jaitsi du: "Normaltasuna ez da erabatekoa, zuhurtzia eskatzen dugu"
"Agerian geratu da gizarte aurreratua izan arren, oso zaurgarriak garela. Segurtasuna modu integralean bermatu behar dugu, baita energiaren eta teknologiaren arloan ere". Hitzok erabili ditu Imanol Pradales lehendakariak Larrialdiei Aurre Egiteko Bidearen (LABI) bileraren ondoren egin duen agerraldiari ekiteko, eta, horiek esanda, hainbat mezu helarazi ditu.
Hasteko, jakinarazi du itzalaldia dela eta atzo aktibatutako larrialdi maila 2tik 1era jaistea erabaki duela mahai teknikoak, "egoera etengabe monitorizatu" eta "datuak aztertu" ostean. Horrek esan nahi du erakundeek bere gain hartuko dutela berriro bere baliabideen eta zerbitzuen kudeaketa, eta Jaurlaritzak koordinazio lanetan lagunduko duela. Lehendakariaren hitzetan, "Euskadi normaltasunera hurbiltzen" ari da eta "deseskalatze fasean" sartu da.
Atzokoak "ordu zailak" izan zirela aitortu arren, "ondorioak larriagoak" izan zitezkeela ere nabarmendu du. "Zorionez, kalte pertsonalik ez zen izan, baina bai materialak", eta zentzu horretan, Jaurlaritzaren "elkartasuna" helarazi die bereziki "elektro-indarrarekin lan egiten duten enpresei", prozesu guztiak "berrabiarazi behar izan dituztelako".
Itzalalditik 24 ordu igaro direnean, berretsi du ez dakitela zein izan den arrazoia, eta funtsezkoa iritzi dio kausak ezagutzeari, arazoei "errotik" heldu eta "neurriak hartzeko", berriro gerta ez dadin. Horregatik, "desinformazioa saihestu" eta "datu objektiboak" kontuan hartuta, "premiazko azterketa integrala egitea" eskatu du, "gardentasun osoz".
Egoerak erakutsi du, Pradalesen esanetan, larrialdi-egoerei erantzuteko prest egon arren, "hobetu" egin behar direla protokoloak. "Asko dugu ikasteko". Horregatik, LABIk erabaki du lan-ildoak berrikusi eta eguneratzea, "larrialdi sistema hobetzeko eta indartzeko". "41 urte daramatzagu gure larrialdi-sistema kudeatzen. Lasaitasuna eta segurtasuna ekarri dizkigu, baina hobetu egin behar dugu", erantsi du.
Azkenik, itzalaldiaren ondorengo egoerari aurre egiteko lan egin zuten behargin guztien ahalegina eskertu ondoren, lehendakariak ohartarazi du normaltasuna ez dela erabatekoa, eta "zuhurtziaz" jokatzea eskatu du.
Zure interesekoa izan daiteke
“Begirada aldaketa” eskatu du Bengoetxeak, “Gernika” “berme guztiekin” lekualdatzeko
Ibone Bengoetxea Eusko Jaurlaritzako lehendakariorde eta Kultura sailburuak adierazi duenez, Eusko Jaurlaritzak ez du oraindik "Gernika" lekuz aldatzeko eskaerari buruzko erantzunik jaso. Eusko Jaurlaritzak Picassoren obra Euskadira kontserbazio "berme guztiekin" eramateko baldintza egokiak ezagutzea baino ez duela eskatzen adierazi du. Bien bitartean, EAJk astearte honetan eramango du eztabaida Senatura, Kultura ministroari azalpenak eskatzeko.
Abalosen semeak ukatu egin du aitaren diru funtsak kudeatu izana: "Nik ez dut klabean hitz egiten; ez aitarekin, ez inorekin ere"
Astearte honetan hasi da garraio ministro ohiaren, haren aholkulari Koldo Garciaren eta Victor de Aldamaren aurkako epaiketa. Pandemiaren garaian, musukoak erosteko lehiaketa publikoen bidez eskupekoak jasotzea leporatuta, 24 urte arteko kartzela zigorrak eskatu ditu Fiskaltzak. Bi astez luzatuko da epaiketa, eta 80 lekukotik gora daude deklaratzera deituta.
Koldo Garciak “tentel” deitu dio Aldamari, eta epaiketa “lehertuko” duten frogak aurkeztuko dituela esan du
Jose Luis Abalosen aholkulari ohiak audio bat bidali du Telecincora, eta bertan adierazi du “erabat errugabeak” direla frogatuko dutela.
Abalos, Koldo Garcia eta Aldamaren aurkako epaiketa hasi da, maskarak iruzurrez erostea egotzita
Fiskaltzak eskatu du ministro ohiari 24 urteko espetxe-zigorra ezartzea; 19 urte, Garciari, eta 7 urte, Aldamari. 70 lekuko baino gehiago agertuko dira Auzitegi Gorenean.
Ikerketa batzordeak bertan behera utzi du Cerdanen emaztearen agerraldia, osasun arazoengatik deklaratzeari uko egin baitio
Erabaki hori gorabehera, txostenak "zalantzak sortu dizkie", batzordeko presidenteak esan duenez, baina "kontuz ibiltzeko moduko gai bat" dela iritzita, deklarazioa bertan behera uztea erabaki dute, bai eta Cerdanen emazteak aurkeztutako agiriari buruzko txosten "juridikoak" eta beste mediku batzuren "osasun txostenak" biltzea ere.
Epaiketa bertan behera uztea eskatu dute Kitchen auziko akusatuen abokatuek, intrukzioan akatsak izan direla argudiatuta
Lehen saioan, aurretiko gaiei helduta, hamar akusatuen abokatuek galdegin dute bertan behera utz dezatela Mariano Rajoyren Gobernuaren garaiko Barne Ministerioaren buruzagitzaren aurkako epaiketa.
PPk kritikatu du "biktimismoan" eta euskal herritarren errealitatetik urrun bizi dela EAJ
Laura Garridok (PP) hedabideen aurrean adierazi duenez, Aberri Egunean "betiko diskurtsoa" izan zuen EAJk. "Jauzi kualitatibo bati buruz hitz egin zuten, eta jauzi horrek euskal herritarrei mesede egingo ote dien galdetu nahi diet, kontuan izanda independentzia ez dagoela euskal herritarren lehen kezken artean", esan du.
Eibar Memoria Demokratikorako Leku da, ofizialki, gaurtik
Estatuko Aldizkari Ofizialean argitaratutako ebazpenak jasotzen duenez, "Eibarko hiriak Memoria Demokratikoaren Leku gisa aitortzeko oinarriak biltzen ditu, errepublikaren legezkotasunaren defentsa aktiboaren nahiz nazioarteko zuzenbide humanitarioaren urraketa larrien agertoki izan baita".
Arkaitz Rodriguez: "EH Bildu ez da hurrengo hauteskundeetan pentsatzen ari, hurrengo belaunaldietan baizik"
Koalizio subiranistako Ekintza Politikoko idazkariak EAJri erreferentzia eginez esan duenez, "penatuta entzuten ditugu hainbat adierazpen, ezin dugu ulertu nola dagoen kezkatuago dagoenik oraindik urtebete luze barru izango diren hauteskundeekin, herritarren arazoei konponbideak ematearekin baino".
Rajoyren Gobernuko Barne Ministerioko buruzagitza akusatuen aulkian eseriko da gaurtik aurrera, Kitchen auziagatik
Fernandez Diaz Barne Ministerioaren buru zen, Fiskaltzaren arabera, 2013an Gurtel auziko frogak lortzeko Luis Barcenas PPko diruzain ohiaren esku "legez kontrako inteligentzia operazio bat" egitea pentsatu zutenean, eta, horrela, epailearen esku geratzea "saihesteko".