Ekainaren 7ra bidean, "erabakitzeko eskubidearen beharraren erakusle" den Trebiñun izan da Gure Esku
"Herri Libre Bat" lelopean, manifestazio jendetsua egin asmo du Gure Eskuk datorren ekainaren 7an Bilbon, eta giroa berotu nahian, ekitaldiak egiten ari dira asteotan han-hemenka.
Gaur Trebiñuri egokitu zaio txanda, Argantzonen egin du ekitaldia Gure Eskuk. Euskal Herriak bere etorkizuna erabakitzeko duen eskubidea aldarrikatu dute bertan.
Izan ere, Gure Eskuren ustez, Trebiñuk "ezin hobeto irudikatzen du herritarren nahia ez dela errespetatua". Hala azaldu dio Josu Etxaburu Gure Eskuren bozeramaileak Euskadi Irratiari: "Trebiñuk ezin hobe irudikatzen du herritarren eskubideak eta nahiak demokratikoki betetzeko ahalegina, eta, aldi berean, zoritxarrez, agintarien ukazioa. Trebiñuarrek behin baino gehiagotan erreferendum bitartez, eta bestela ere, administratiboki Araban sartzeko borondatea agertu dute".
Gure Eskuren ustez, gero eta beharrezkoagoa da erabakitzeko eskubidea, ez bakarrik Trebiñun, Euskal Herri osoan. Etxabururen esanetan: "inoiz baino beharrezkoagoa da erabakitzeko eskubidea gauzatzea, herritarren beharrei eta kezkei taxuzko soluzioak emateko".
Erabakitzeko eskubidearen aldeko mugimendu herritarrak Bilbon ekainaren 7an egingo duen manifestazioan parte hartzeko deia egin du bozeramaileak, "jendearen hauspotzea nahitaezkoa baita burujabetza osoaren bidean urratsak egiteko".
Egun horretan Bilbon munduari mezu argi bat zabalduko diotela azpimarratu du: "herri libre bat eraikitzeko borondate irmoa dugula euskal herritarrok".
Goizean Argantzonen dantza-saioa eta ekitaldi politikoa egin dituzte, eta bertso-poteoaren ostean, herri-bazkaria egin dute, eta Txalainak taldearen kontzertuarekin egun osoko egitarauari amaiera eman diote.
Albiste gehiago politika
UCO Ferrazen sartu da, epaileak aginduta, Santos Cerdanen posta klonatzeko
Ikerketako iturriek jakitera eman dutenez, agenteak PSOEren egoitzara, ADIFen instalazioetara eta Errepide Zuzendaritza Nagusira joan dira, Leopoldo Puente Auzitegi Goreneko epaileak eskatutako informazioa eskatzeko.
UCO Ferrazen sartu da, epailearen aginduz, Cerdanen posta klonatzeko
Ikerketako iturriek jakitera eman dutenez, agenteak PSOEren egoitzan, Adifen instalazioetan eta Errepide Zuzendaritza Nagusian sartu dira, Leopoldo Puente Auzitegi Goreneko epaileak eskatuta.
Cerdanek asteazkeneko bere deklarazioa bertan behera uzteko eta uztailera atzeratzeko eskatu dio epaileari
Auziaren konplexutasuna eta duen oihartzun soziala aipatu ditu idatzian buruzagi sozialista ohiaren abokatuak, data atzeratzea eskatzeko.
Eusko Jaurlaritzak azken hamar urteetako kontratu publikoak berrikusiko ditu
Imanol Pradales lehendakariak azaldu duenez, ez dute ustelkeria zantzurik edo susmorik aurkitu, ezta UCOren txostenean aipatzen diren enpresekin kontraturik ere.
Abalosek azpimarratu du Cerdan eta Garciaren ustelkeria “dinamika” Nafarroatik zetorrela eta “erabili” egin zutela
Garraio ministro ohiak Ser irrati kateari eskaini dion elkarrizketan azaldu duenez, Cerdanek eta Koldok ministerioan jarri zuten eta ondoren “presio” egin zioten kontratazio publikoetan "eragiteko".
PSNk gaur aukeratuko du Alzorrizen ordezkoa, azken horrek Cerdan auziagatik dimisioa eman ondoren
Atzo zabaldutako ohar batean, Servinabarrek ukatu egin zuen Santos Cerdanekin inolako loturarik duenik, eta nabarmendu zuen ikertzaileek ez dutela orain arte delitu zantzurik ikusi enpresaren jardunean.
Servinabarrek ukatu egin du Santos Cerdanekin inolako loturarik duela
Enpresa eraikitzaileak gogorarazi duenez, ez diote deliturik leporatu "ez UCOren txostenean", ezta ikerketa judizialean ere. Gainera, Antxon Alonso Egurrola administratzailearen eta Cerdanen arteko harremana "pertsonala" eta "bakoitzaren jarduera profesionaletatik kanpokoa" dela gaineratu du.
Zazpi ministro sozialisten eta PPko hainbat buruzagi ohiren datu pertsonalak argitaratu ditu ultraeskuineko Telegram talde batek
Mezu horiek agertu diren Telegram taldeak 92.000 jarraitzaile baino gehiago ditu, eta Alvise Perezen jarduera politikoarekin lotutako argitalpenak zabaltzeko erabiltzen dute erabiltzaileek, baita Espainiako Gobernuari eraso egiteko edo mezu xenofoboak zabaltzeko ere.
PSNk, Geroa Baik, Zurekin Nafarroak eta EH Bilduk ikerketa batzordea osatzea adostu dute
Cerdan auziko azken berriak ezagutu ondoren adostu dute neurria. Guardia Zibilak egindako txostenean agertzen diren enpresei egin zaizkien esleipenak aztertuko ditu batzordeak eta uda honetan bertan hasiko da lanean.
Sanchezek neurri "sendoak" ezarri behar dituela eta "ausardiaz" jokatu behar duela azpimarratu du EH Bilduk
Mertxe Aizpurua EH Bilduk Kongresuan duen bozeramaileak ostegun honetan Kongresuko osoko bilkurara heldu denean zehaztu duenez, Pedro Sanchez presidenteak ustelkeriaren aurkako neurri "sendoak" ezarri behar ditu, eta "ausardiaz" jokatu behar du, "EH Bilduren babesa izaten jarraitu nahi badu".