Beasainek aho batez izendatu du Pepe Mujica Uruguaiko presidente ohia herriko seme kutun
Pepe Mujica Uruguaiko presidente ohia joan den maiatzaren 13an hil zen, eta ostegun honetatik aurrera Beasaingo seme kutuna da. Mujicaren arbasoak bertako Muxika baserrian bizi izan ziren.
Pepe Mujicak bi aldiz bisitatu zuen Euskal Herria iragan hamarkadan, bere arbasoen jatorria ezagutzeko. Lehen aldian, 2013an, Muxikara (Bizkaia) joan zen, herri horretatik abiatu zirela uste baitzuen, eta bi urte geroago, Beasaingo Astigarreta auzoan ezagutu zuen bertako baserria.
Udalean ordezkaritza duten indar politiko gutziek, EAJk, EH Bilduk, PSE-EEk eta Podemosek, aho batez onartu dute azken alderdi horretako zinegotziak aurkeztutako proposamena, Mujicak Beasainekin dituen "lotura familiarrak" eta "behartsuenen eta justizia sozial, elkartasun eta duintasunaren balio unibertsalen zerbitzura egindako ibilbide politiko eta humanoa" aitortzeko.
Aritz Corsitto Elkarrekin Podemoseko bozeramaileak osoko bilkurak emandako baietza ospatu du, eta Richar Vaquero Podemos Euskadiko koordinatzaile nagusia bertaratu da, "ekimen garrantzitsu honetan" bere zinegotziari babesa adierazteko.
Indar moreak bere proposamena erregistratzean azpimarratu duenez, "diskurtso autoritarioen gorakadak eta politikaren deshumanizazioak markatutako unean", Jose Mujica bezalako figurak aitortzeak "Beasainek herri gisa proiektatu nahi dituen balioak berrestea dakar: elkartasuna, justizia soziala, ahulenen defentsa eta giza duintasunarekiko konpromisoa".
"Mujicaren agintaldiak -esan du gaur Corsittok- eskubide sozialen, askatasun zibilen eta guztion onerako politikaren defentsa irmoak markatu zuen Uruguain, soiltasunean eta austeritate pertsonalean oinarrituta, bizitzaren filosofia gisa. Bere lidergo estiloa, pribilegioetatik urrun eta herritarrengandik gertu dagoena, mundu mailako miresmena sortu du", nabarmendu du.
Gaur onartutako mozioaren arabera, Udalbatzaren erabakia Mujicaren senide eta lagunei eta dagozkion erakundeei jakinaraziko zaie, eta, gainera, seme kutun gisa aitortzeko egin beharreko izapide administratibo eta zeremonialak abiatuko dira.
Zure interesekoa izan daiteke
Ministroen Kontseiluak neurri ekonomikoak adostuko ditu gaur, Ekialde Hurbileko gerraren eragina arintzeko
Lege-dekretua datorren ostegunean onartu beharko dute Kongresuan. Lau arlotan egituratutako plan zehatza jarriko dute mahai gainean: egiturazko neurriak, zerga-paketea, sektore kaltetuentzako berariazko laguntzak eta pertsona zaurgarrientzako laguntzak biltzen dituena.
Sanchezek aurrekontuen aurkezpena baztertu du uneotan, gerrari erantzuteko
Ez du baztertu aurrekontuak aurrerago aurkeztea, horietan lan egingo dutela adierazi baitu, baina argi utzi du ez dela hilabete honetan izango, "politika, bizitza bezala, ez delako aurreikusi daitezkeen planen araberakoa", eta inork ez zuelako Ekialde Hurbileko gerra aurreikusten.
Rufian eta Montero elkarrekin, ezkerraren etorkizunari buruzko ekitaldi publiko batean
Ezkerreko alderdiek ongietorria eman diote apirilaren 9an Bartzelonan izango den ekimenari. Sumarrek eta PSOEk begi onez ikusten dituzte ezkerreko fronte bat eraikitzen lagunduko duten ekintzak eta elkarrizketak.
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.