Kanarietara iritsitako adingabeen ardura hartu ezean Espainiako Gobernua zigortuko duela adierazi du Gorenak
Auzitegi Gorenak Espainiako Gobernuari agindu dio Kanaria Uharteetara bakarrik iritsi diren milatik gora adin txikiko migratzaileen ardura "lehenbailehen" har dezala. Nabarmendu du neurria bete ezean, eta entzungor egiten jarraitzen badu, isunak ere ezarri diezazkiokeela.
Martxo amaieran egin zion Gorenak Sanchezen Gobernuari lehen ohartarazpena, gogorarazteko hil hasierako —hau da, Kanarietako 1.000 adingabe migratzaileren ardura hartzeko— agindua ez zela betetzen ari.
Orain, auto baten bidez, Espainiako Gobernuari gogora ekarri dio denbora tarte honetan ez duela neurririk hartu, eta, hortaz ez duela martxoan adostutakoa bete. Gauzak horrela, ultimatuma eman dio: Espainiako Gobernuak 30 egun ditu asilo eskariak kudeatzen dituzten bulegoen esku baliabide gehiago jartzeko. Autoak zehazten duenez, gainera, adin txikiko batek babesa eskatzen duenetik sei eguneko epean prozesua martxan jarri beharko da.
Halaber, 15 egun izango ditu Espainiako Gobernuak mekanismoak hobetzeko, Kanaria Uharteetako Gobernuarekin elkarlanean.
150 eta 1.500 euro arteko isunak
Horrela izan ezean, Gorenak esan du legeak isunak ezartzea aurreikusten duela, 150 eurotik 1.500 eurorainokoak, "epaitegiaren eskakizunak betetzen ez dituzten agintari, funtzionario eta agenteei". Hori bakarrik ez, jakinarazi du erantzuleak epailearen aurrera eramateko aukera ere badagoela.
Neurriak Kanaria Uharteetara iritsi ostean, nazioarteko babesa eskatu duten edo eskatzeko asmoa agertu duten adin txikikoei eragiten die: 1.200 inguru dira. Gorenak azpimarratzen du Gobernuaren ardura dela haur eta gazte horiek hartatzen dituztela bermatzea.
Presidenteen Biltzarra: Pradales lehendakariak migrazio kudeaketarako egitasmo integrala proposatuko du
Bartzelonan bihar egingo duten Presidenteen Biltzarrean Euskadik eta Kanaria Uharteek Migrazio Politiken Egiturazko plan integrala lantzeko eskatuko diote Espainiako Gobernuari.
Imanol Pradales lehendakariak eta Fernando Clavijo Kanarietako presidenteak defendatuko dute migrazioak erantzun koordinatu humanitario eta jasangarria behar duela, eta aldi baterako konponketak baztertu eta plan oso bat lantzeko garaia dela.
Aurreko presidenteen konferentziara ere eraman zuten proposamena elkarrekin Euskadik eta Kanariak, kasu horretan adin txikikoak nola banatu adosteko.
Albiste gehiago politika
Sare eta Etxerat elkarteek Bizkaiko eta Gipuzkoako 11 hondartzatan egin dute mobilizazioa
Urteroko ekimena izan dute gaur, Sare eta Etxerat elkarteek deituta, Gipuzkoako eta Bizkaiko 11 hondartzatan. Elkarbizitzarako jauzia egin ahal izateko, ETAko preso, iheslari eta deportatuen auziari behin betiko konponbidea ematea ezinbestekotzat jotzen dute. Biktimek horrenbeste merezi eta behar duten egia, aitortza eta erreparazioaren garrantzia ere azpimarratu dute.
Maider Etxebarria Gasteizko alkatea: "Asko poztuko ninduke jaien amaieran zero erasoren balantzea egin ahal izateak"
2025eko Andre Maria Zuriaren jaien atarian, festak "bizikidetzatik eta errespetutik, alaitasun eta ilusio handiz bizitzeko" deia egin die Gasteizko alkateak herritarrei eta bisitariei.
EAEko Justizia Auzitegi Nagusiko presidentea: "Zenbait sektorek ez diote modu argi batean indarkeria politikoari zilegitasunik kendu"
Hainbat gazteen eta ertzainen artean azken asteetan izandako istiluei buruz, Iñaki Subijana EAEKo Justizia Auzitegi Nagusiko presidenteak adierazi du "lehia bat" dagoela "Zuzenbide-Estatuaren eta Estatu beraren artean". "Biktima-justiziaren esparruan ezartzen ari garen neurrien inguruko hausnarketa egitera behartzen gaituzte", ondorioztatu du.
Bertan behera geratu da Puyko jaitsiera, bigarren urtez jarraian
Txosnek jai-eremu tradizionala aldarrikatu dute jaitsieraren kalean, udalaren debekuaren aurrean: "Jaiak herriarenak dira". Gogoratu beharra dago Udalak bigarren urtez jarraian debekatu duela hirigunean txosnen jai-esparrua jartzea, kanpoaldera mugituz.
AEBko Euskal Etxeetan euskararen irakaskuntza indartzeko hitzarmena sinatu dute
Etxepare Euskal Institutuak eta NABOk (North American Basque Organizations) sinatu dute lankidetza hitzarmena. Pradalesek adierazi duenez, "akordio hau konpromiso pedagogikoa baino gehiago da, urrats estrategikoa da euskararen nazioartekotzean".
Dobaranek eta Angulok Arkauti utziko dute urtebete eskas bete ondoren
Agur gutun batean, akademiaren eraldaketarako faseak abian jarri dituztela azaldu dute, baina ez dute irteeraren arrazoia zehaztu.
Eusko Jaurlaritzak Diasporaren Lege berri bat sustatuko du 2026an, egungo erronketara egokitzeko
Euskal herritarrek atzerrian duten presentzia aprobetxatzea da helburua, eta "Euskadi Globala" estrategian eragile diplomatiko gisa interesgarriak izan daitezkeen pertsona guztiak sare horretan sartzea.
Aukera berriak aprobetxatzeko AEBrekin harremanak estutzearen alde agertu da lehendakaria Boisen
Imanol Pradalesek esan du beharrezkoa dela zarata gainditzea eta AEBren eta EAEren arteko lankidetza "zubiak eraikitzen jarraitzea", enpresa aukera berriak aprobetxatzeko. "Ez gara hutsetik hasi. Bilera honekin jarraipena ematen diogu Estatu Batuen eta Euskadiren arteko harreman transatlantikoak sendotzeko helburuari", gaineratu du.
Cerdanen koinatu batek igeltsero gisa lan egin zuen Servinabar enpresan, eta 61.000 euro baino gehiago kobratu zituen
Antonio Muñoz Canok, zehazki, 3.363,36 euro jaso zituen 2019an, 16.255 euro 2020an, 21.233 euro 2021ean eta 20.818 euro 2022an. Igeltseroak bi alditan lan egin zuen eraikuntza konpainian, eta 61.669 euro jaso zituen guztira.
Ramiro González: "Talgoren egoitza sozialaren itzulera oso albiste ona da, sinbolismoz betea"
Ramiro Gonzalez Arabako ahaldun nagusiak Talgo enpresaren egoitza soziala Arabara itzultzea goraipatu du. Radio Euskadiko Boulevard saioan egindako elkarrizketan, Talgo erosteko operazioaren azken berriak izan ditu hizpide. Zalantzarik gabe esan du "oso albiste ona dela euskal industriarentzat eta bereziki Arabako industriarentzat", eta nabarmendu du Talgo aktibo garrantzitsua dela lurraldeko jarduera industriala berreskuratzeko.