Lankidetza publiko-pribatua oztopo nagusi dutela bilduko da Osasun Mahaia ostiralean
Ostiralean bertan akordioa lortu nahi dute Eusko Jaurlaritzak eta Alberto Martinez sailburuak, "adostasun zabal batekin". EH Bilduk, ordea, "korapiloak askatzeko" eztabaidatzen jarraitzea eskatu du. Sumarrek eta LABek iragarri dute ez dutela enpresa pribatuen parte-hartzea jasotzen duen itun bat babestuko.
Alberto Martinez Osasun sailburua buru dutela, Osasun Itunaren Mahaiko kideek hamaikagarren bilera egingo dute ostiral honetan Bilbon, "adostasun zabal batekin" akordioa lortzeko helburua mahai gainean jarrita.
Astean zehar hainbat eragile politiko eta sindikalek Eusko Jaurlaritzak azken bileran aurkeztu zuen dokumentuaren gaineko desadostasuna agertu dute, ez baitaude ados enpresa pribatuek osasun publikoan parte hartzearekin. Horietako batzuk mahaia uzteko erabakia hartu dute.
10:00etan hasiko da bilera osasunaren arloko eragileen, alderdi politikoen, eragile sozialen eta ekonomikoen parte hartzearekin. Guztira, gizarteko 30 bat agente inguru.
Lankidetza publiko-pribatuaren gaia izan da azken egun hauetan eztabaida piztu duena.
Hala, asteartean, EH Bilduk eskatu zuen "presarik" ez izateko ituna ostiraleko bileran ixteko, eta behar den denbora hartzeko "eztabaida baldintza egokietan" egiteko, harreman publiko-pribatuak dakarren "korapiloa askatu" eta "Osakidetza indartzeko balioko duten politikak ezartzeko" helburuarekin.
Alderdi abertzaleak zuzenketa bat aurkeztu zion Eusko Jaurlaritzak aurkeztutako dokumentuari, "osasun sistema publikoa indartzeko" hainbat jarduera-ildo proposatuz. Ostegunean jakin zen Osasun sailburuaren ahotik adituen taldeak zuzenketa hori atzera bota duela.
ALBERTO MARTINEZ SAILBURUA
Konpromiso maila bat izan beharko genuke guztiok, hau ez baita denbora kontua
Sumar mugimenduak dagoeneko iragarri du ez duela bat egingo enpresa pribatuek osasun publikoan parte-hartzea "normalizatuko" duen itun batekin. Jon Hernandez legebiltzarkideak ohartarazi du Sumarrek ez duela onartuko "azpikontratatzeak normalizatuko dituen eredu bat, ehunekoa edozein dela ere".
LAB sindikatuak ere jakinarazi du ez duela Osasun Ituna babestuko eta ez dela ostiraleko bileran egongo, prozesuan zehar "ez delako borondaterik egon Osakidetzak behar dituen aldaketa sakonei heltzeko". Bere ustez, Osasun Mahaiaren bileretan argi geratu da Eusko Jaurlaritzak osasunaren "negozio pribatua mantendu" nahi duela eta "EAJk, PSE-EEk, PPk eta Confebaskek... negozio pribatua lehenesten dutela publikoa hobetzearen gainetik".
Horrez gainera, Alderdi Popularra ere ez dago ados itunarekin. Haiez ustez, "motz geratu da funtsezko gaietan" eta, euskararen eskakizuna sartuta, "iragazki ideologikoa" lehenetsi da zerbitzu publikoaren aurrean. Ez direla akordioekin identifikatuta sentitzen eta "ez direla arazoak konpontzeko eraginkorrak" izango diote.
Hala ere, Alberto Martinez sailburua "baikor" agertu da azken orduetan eta ostiral honetan bertan adostasun zabala lortzeko aukerak badaudela esan du. "Lankidetza publiko-pribatuak ez gaitu banatzen, hogei eragile baino gehiago ados” daudela gaineratu du. "Eragile bakoitzak baloratu beharko du lankidetzarekin eroso sentitzen ote den eta jarrera bat hartu beharko du”.
Politikari buruzko albiste gehiago
Auzitegi Konstituzionalak Amnistia Legea babestu ondoren, orain zer?
Printzipioz, Puigdemont atxilotzeko aginduak eta Junquerasen inhabilitazioak bere horretan jarraituko dute, baina Konstituzionalak ebazpena Estatuko Aldizkari Ofizialean argitaratzen duenean Auzitegi Gorenak buruzagi independentisten aurrekari penalak berrikusi beharko ditu.
Konstituzionalak amnistia babesteko arrazoiak: Kataluniako prozesu independentista "krisi politikoaren kasu paradigmatikoa" izan zen
Konstituzionalak ezustekorik gabe atzera bota du PPk aurkeztutako helegitea, baina ebazpenak berrikuntza batzuk ditu, besteak beste, amnistia justifikatzeko arrazoibidea sendotzea.
2030erako Turismo Plan Estrategikoak Gipuzkoaren eta lurraldean bizi diren pertsonen zaintza du ardatz
'Zatoz eta zaindu' goiburua duen planarekin, "bizikidetza osasuntsua" bultzatu da turismoaren esparruan, izan ere, BPGren % 8,4 dagokio sektoreari eta 40.000 familia baino gehiago enplegatzen ditu. Bost ardatz estrategikotan sostengatzen da Aldundiak diseinatutako plana.
Bilbok Basque Segurtasun Foroaren lehen jardunaldia hartuko du astelehenean, Euskadiko segurtasuna birdefinitzeko
Euskalduna Jauregia izango da Eusko Jaurlaritzak segurtasun integraleko eredu berria eztabaidatzeko eta eraikitzeko bultzatutako ekimenaren agertokia. Erakundeetako, enpresetako, gizarteko eta hezkuntzako ordezkariek parte hartuko dute.
1978ko sanferminetako dokumentuak desklasifikatzeko eskatu du Kongresuak
EH Bilduk bultzatutako legez besteko proposamenak 1968ko Sekretu Ofizialen Legea aldatzea eskatzen dio Jaurlaritzari, baita gertatutakoa argitzen eta biktimak aintzatesten laguntzea ere.
Babes-helegiteak ebatzi arte zain egon beharko dute Puigdemontek eta Junquerasek
Konstituzionalak Amnistiaren Legea babestu izanak ez du bi politikarien egoera praktikan aldatzen. Presidente ohiaren abokatuak hurrengo egunetan helegitea jarriko duela adierazi du. Junquerasek, berriz, jarrita dauka berea, eta Konstituzionalaren pausoa txalotu duen arren, salatu du Auzitegi Gorenak ez duela legea aplikatu nahi.
Martinezek eragile politiko eta sozialen "konpromisoa" eskatu du Osasun Ituna adostasun zabalarekin ixteko
Alberto Martinez Osasun sailburuak osasun itunaren inguruan duen "baikortasuna" berretsi du, eta prozesu horretan parte hartzen duten eragile guztien "konpromisoa" eskatu du, ostiral honetan akordio bat ixteko.
Espainia "herrialde subiranoa" dela erantzun dio Sanchezek Trumpi, eta muga-zerga "bidegabeak" kritikatu ditu
Pedro Sanchezek NATOren goi-bileran berretsi duenez, Hagan, Espainiak ez du BPGaren % 2,1 baino gehiago gastatuko Defentsan. Trumpek Gobernuarekin merkataritza akordio bat zuzenean negoziatzeko mehatxua egin zuen, eta herrialdeari "bikoitza ordainaraziko" diola esan du, egoera "konpentsatzeko".
Auzitegi Konstituzionalak Amnistia Legea babestu du, magistratu aurrerakoien aldeko botoekin
PPren helegiteari erantzuna emateko bozkatu dute, eta ebazpen-testuak dio Espainiako Konstituzioan amnistiak tokia duela, eta Amnistia Legea ez dela "arbitrarioa", ezta "kapritxoa" ere.