Gizarte Segurantza eta sare elektrikoko inbertsioak izango dituzte aztergai Pradalesek eta Sanchezek biharko hitzorduan
Transferentzien Aldebiko Batzordea Madrilen bilduko da bihar, eskualdatu gabe dauden transferentziekin aurrera egiteko. Euskara Europan ofizial egitea, Europako Makroeskualde Atlantikoa sortzea, Euskadiren konektibitatea eta migrazioa ere jorratuko dituzte.
Sanchez eta Pradales, artxiboko irudi batean. Argazkia: EFE
Pedro Sanchez Espainiako Gobernuko presidentea Imanol Pradales lehendakariarekin bilduko da astearte honetan, Moncloa Jauregian, oraindik eskualdatu gabe dauden transferentzien alorrean aurrera egiteko.
Bestelako gaiak ere izango dituzte hizpide, hala nola industriaren etorkizuna bermatzeko sare elektrikoetan egindako inbertsioarekin lotutako gaiak, migrazioaren kudeaketa, Europako Makroeskualde Atlantikoa sortzea, euskararen Europan ofizial egitea eta Euskadiren konektibitatea.
Aldebiko Batzordean, besteak beste, Gizarte Segurantzaren erregimen ekonomikoaren transferentzia aztertuko dute. Badirudi bi aldeek dutela borondatea negoziazioek aurrera egin eta Euskadik bere gain har ditzan enplegu-politika guztiak eta prestazioen ordainketa.
Aurreko batzordea iazko azaroaren 27an egin zen, bi agintariak buru zirela. Orduan, bi eskumen eskualdatzea erabaki zuten: Itsasertzaren Antolaketa eta Kudeaketa eta Zinema eta Ikus-entzunezko Jarduera. Horrez gain, Makroeskualde Atlantikoaren sorrera bultzatzeko konpromisoa hartu zuten, eta euskararen ofizialtasunaz Europako erakundeetan eta migrazio-politikez aritu ziren.
Lehendakaritzako iturriek baieztatu dutenez, Pradalesek Berreskuratze eta Erresilientzia Mekanismoko funtsen berresleipenaz hitz egin nahi du.
Politikari buruzko albiste gehiago
Espainiako Gobernuak eta Generalitateak diru-sarreren araberako finantzaketa-eredua hitzartu dute, baina ez dute zehaztu datarik ezta kopururik ere
Eredu berriaren arabera, Kataluniak —eta gainerako autonomia erkidegoek, nahi izanez gero— zerga guztiak bildu eta tributuen saski batera bideratuko dira. Hala, saski horretatik aterako da Espainiako Estatuak Katalunian haren gastuak finantzatzeko kopurua, eta gainerakoa Generalitatearentzat izango da.
Borja Semperrek (PP) minbizia antzeman diotela iragarri du
Alderdi Popularreko bozeramaileak adierazi duenez, ohiko mediku-azterketa batean tumore bat atzeman diote, eta "tratamendu zorrotza" beharko du. Dena dela, "sendatuko" dela berretsi diote medikuek.
Borja Semperrek minbizia duela eta tratamendua hasiko duela iragarri du
PPk Kongresuan duen bozeramaileak prentsaurrekoan iragarri duenez, tumorea ohiko azterketa batean atzeman zioten: "Lehen fasean dago, eta sendatzeko aukerak daudela esan didate".
Mertxe Aizpurua (EH Bildu): "Gehiengo abertzaleari erantzun behar dio Espainiako Gobernuak eta zintzilik dauden transferentzia guztiak eskuz aldatu"
EH Bilduk Diputatuen Kongresuan duen bozeramailearen arabera, "alderdi abertzaleek ados jarri beharko genuke" eskualdatzeko dauden eskumenak transferitzeko. Gogorarazi du horien artean Gizarte Segurantzaren kudeaketarena dagoela, eta azpimarratu du, zaila izan arren, euskal indar abertzaleek elkarrekin eskatu beharko lioketela Espainiako Gobernuari hartutako konpromisoa betetzeko.
Espainiako Gobernua eta Generalitatea finantziazio-eredua sinatzeko dira, beste erkidego batzuk mesfidati agertu diren arren
Espainiako Gobernuaren eta Generalitatearen arteko Aldebiko Batzordea 12:00etan egingo da, Bartzelonan, mahai gainean finantzaketa-eredu berezia duela. PSCren eta ERCren arteko akordioaren emaitza da, eta orain bi exekutiboek onartu dute, baina xehetasunak aletu beharko dituzte.
EAJk Voxi: "Zuekin ez, ezta Voxekin batera datozenei ere"
Ikurrinak 131 urte bete ditu. Lehen aldiz Bilboko Posta kalean zegoen Batzokian zintzilikatu zuten. Ikurrinari gaur egindako omenaldian Iñigo Ansola BBBko presidenteak adierazi du gure kultura, nortasun eta euskararen kontra daudenekin inolaz ere ez dutela bat egingo ere, Voxi aipamen zuzena eginda.
EBri ezarritako % 30eko muga-zergekin kezkatuta, bidezko akordio bat espero du Eusko Jaurlaritzak
Mikel Jauregi Eusko Jaurlaritzako Industria sailburuak azpimarratu duenez, Euskadi prest dago bere industria defendatzeko Trumpen muga-zergen aldebakarreko eta itundu gabeko igoera baten aurrean, baina Europak "zentzuduna eta irmoa" izan behar du erantzunean, eta "zalantzarik egin gabe" babestu behar du Europako industria.
ERCk finantzaketa eredua zehazteko eskatu dio PSOEri, eta zerga agentzia independentea bultzatzeko
Salvador Illa Generalitateko presidente izendatzea errazteko PSCk eta ERCk lortutako akordioaren arabera, 2026tik aurrera Kataluniako Zerga Agentziak izan beharko luke Katalunian PFEZa biltzeko ardura.
Miguel Angel Blancori omenaldia Ermuan, ETAk hil zuela 28 urte bete direnean
Miguel Angel Blanco zenaren familiak eta alderdikideek hura oroitu dute larunbat honetan Ermuan, ETAk hil zuela 28 urte bete diren egunean. Miguel Tellado PPko idazkari nagusiak parte hartu du ekitaldian eta esan du Pedro Sanchezen Gobernuaren alternatiba "martxan" dagoela EH Bilduk "herri honen etorkizunaren koma bat ere ez dezan erabaki".