Deport Them Now talde neonaziko buruzagia atxilotu dute, Torre Pachecoko magrebtarren aurkako "ehizaldia" dei egiteagatik
Guardia Zibilak atxilotuaren etxebizitza miatu du Mataron (Bartzelona), eta bi ordenagailu atzeman ditu. Era berean, Deport Them Now talde supremazistak erabilitako bi Telegram kanal itxi dituzte.
Atxiloketaren unea. EFEren bideo batetik ateratako irudia.
Guardia Zibilak mugimendu supremazista, arrazista eta xenofoboaren ustezko buruzagietako bat atxilotu du Mataron (Bartzelona), joan den astean Torre Pacheco herrian (Murtzia) magrebtarren aurkako "ehizaldia" egitera deitu zuena sare sozialetan. Atxilotua 29 urteko espainiar bat da.
Barne Ministerioko iturriek jakitera eman dutenez, astelehen arratsaldean atxilotu zuten C.L.F., aipatutako taldean zuzendaritza lanak egingo zituena. Gorroto delitua egotzi diote.
Guardia Zibilak atxilotuaren etxea miatu du gaur, Mataron (Bartzelona), eta bi ordenagailu atzeman ditu.
Horrez gain, Deport Them Now taldeak erabilitako bi Telegram kanal itxi dituzte.
Dagoeneko 14 dira Torre Pachecon izandako istilu arrazistengatik egindako atxiloketak. Estatuko segurtasun indarrek 100 agente baino gehiago zabaldu dituzte Murtziako herrian.
Joan den asteburutik 120 pertsona baino gehiago identifikatu dituzte, eta horietako askori horrelako istiluetan arma gisa erabil daitezkeen tresnak atzeman dizkiete. Identifikatu gehienak ez dira eskualdekoak, eta talde antolatuetan zetozen herrira.
Gainera, PSOEk, Podemosek eta Izquierda Unidak aurkeztutako salaketen ondotik, gorroto delituen fiskala Jose Angel Antelo Voxeko presidenteak istiluen inguruan egindako adierazpen publikoetan delitu zantzurik ba ote dagoen ikertzen ari da.
Guardia Zibilak liskarren jatorria ikertzen jarraitzen du; izan ere, joan den astean 68 urteko gizon bati eraso egin zioten, eta horregatik jatorri magrebtarreko hiru gazte atxilotu dituzte. Horietako azkena, erasoaren egilea, Errenterian (Gipuzkoa) atxilotu zuten, muga zeharkatzeko tren bat hartzen saiatzen ari zela, eta espetxeratu egin dute.
Pilar Alegria Espainiako Gobernuko bozeramaileak gaur emandako prentsaurrekoan azaldu duenez, istiluak zabaldu egin daitezke, "gorrotoa, gezurrez elikatuta dagoenean, erregaia bihurtzen delako". Gogorarazi duenez, 2023ko datuen arabera, Espainiako Estatuko delituen % 73 espainiarrek burutu dituzte.
Politikari buruzko albiste gehiago
Pradalesek "lidergo eta koordinazio handiagoa" eskatu dizkio Sanchezi, oztopo administratiboak eta eragozpen politikoak gainditzeko
"Akordioak betetzeko daude", adierazi du Pradales lehendakariak Lankidetza Iraunkorreko Aldebiko Batzordearen bileraren amaieran. Imanol Pradalesek "borondate politikoa" aitortu du Pedro Sanchezen aldetik, baina "ordena jartzeko" eskatu dio. "Erritmoa bizitu eta edukietan aurrera egin behar dugu, adostutako egutegia betetzeko", gaineratu du lehendakariak.
Eusko Jaurlaritzak eta Espainiako Gobernuak Itsas Salbamenduaren transferentzia adostu dute, eta Gizarte Segurantzaren eskualdaketan aurrera egin dute
Era berean, bi gobernuek kotizazio gabeko lau prestazio adostu dituzte (hiru familia-prestazio eta jaiotzagatiko sorospen berezia), baita eskola-aseguruaren prestazio ekonomikoen kudeaketa ere.
Kargu tekniko batek onartu du "zurrumurruak" zeudela Belateren kontratua Accionak eta Servinabarrek eramango zutela
Lorenzo Serena Belateko tuneletako lanen kontratazio-mahaiko idazkaria izandakoak esleipen-prozesuarekinn ez zegoela ados azaldu zuen, eta eskaintzaren balorazioa argudiatzeko eskatu zuen, "susmoak" saihesteko.
Pradales lehendakaria Pedro Sanchezekin bildu da
Pedro Sanchez Espainiako Gobernuko presidenteak Imanol Pradales lehendakaria hartu du Moncloa Jauregian, Estatuaren eta Euskadiren arteko Aldebiko Lankidetza Iraunkorreko Batzordearen buru izan aurretik egindako bileran. Bertan, egiteke dauden transferentziak, euskararen ofizialtasuna Europan, makroeskualde atlantikoa, euskal industriaren ahalmen elektrikoa eta migrazioa aztertuko dira.
Auzitegi Gorenak ez du Bolaños ministroa ikertuko, Begoña Gomezen kasuaren baitan
Bolaños dirua bidegabe erabiltzea eta lekukotza faltsua ematea leporatuta zen ikertzekoa Juan Carlos Peinado instrukzio-epailea.
Europako Batzordeak zalantzan jarri du amnistia legeak "interes orokorrari" erantzuten dionik
Europako Batzordearen izenean parte hartu duen abokatu espainiarraren arabera, argi dago amnistia legea Sanchezen inbestidura lortzeko akordio politiko baten ondorio dela. Halaber, nabarmendu du Veneziako Batzordeari entzungor egin eta legea premiaz tramitatu izanak klase politikoaren, erakundeen eta gizartearen arteko "arrakala are sakonagoa" izatea eragin duela.
Eusko Jaurlaritzak espero du Estatuak "borondate politikoa" izatea "hartutako konpromisoak" egin egin daitezen
Pradales lehendakaria eta Sanchez Espainiako gobernuburua buru direla, bi gobernuek gaur arratsaldean Moncloan egingo duten bileraren atarian, Maria Ubarretxena Eusko Jaurlaritzaren bozeramaileak adierazi du hilabeteak daramatzatela zain eta muin lanean, akordioak lor daitezen. "Gaur Euskadirentzat egun garrantzitsua izan daiteke", gaineratu du.
Gizarte Segurantzaren lehen blokearen balizko eskualdatzea “transferentzia oso mugatua, leihatila aldatzea” dela uste du ELAk
Mitxel Lakuntza ELAren idazkari nagusiaren arabera, praktikan ez da sakoneko aldaketarik izango, hau da, lehen 'Espainiako Gobernua' zioen leihatilan aurrerantzean 'Eusko Jaurlaritza' jarriko omen du. Hala ere, uste du zentralizazioa ez dela amaituko, eta aurrerantzean ere erabakiak Madrilen hartuko direla.
Gizarte Segurantza eta sare elektrikoko inbertsioak izango dituzte aztergai Pradalesek eta Sanchezek gaurko hitzorduan
Transferentzien Aldebiko Batzordea Madrilen bilduko da gaur, eskualdatu gabe dauden transferentziekin aurrera egiteko. Euskara Europan ofizial egitea, Europako Makroeskualde Atlantikoa sortzea, Euskadiren konektibitatea eta migrazioa ere jorratuko dituzte.