Montorok ez zuela Equipo Economicoren partaidetzen salmentaren benetako balioa deklaratu uste du Ogasunak
2007an aholkularitza enpresaren akzio sorta bat eskualdatu zuen ministro ohiak eta 2012an beste bat, baina ez zituen PFEZren aitorpenetan sartu. Horrez gainera, ikertzaileek uste dute partaidetzen “titularrak zirela eskubidez, baina ez izatez”.
Ustelkeriaren aurkako Fiskaltzari laguntza ematen dion Ogasuneko unitateak susmatzen du Cristobal Montoro ministro ohi popularrak ez zuela PFEZaren errentan aitortu Equipo Economico (EE) aholkularitza-enpresaren partaidetza batzuen salmentaren benetako balioa. Enpresa horren bidez, dirua desbideratzeko sozietate-sare bat sortu zuela uste dute eta ministro ohia eta hogeita hamar pertsona baino gehiago inputatu dituzte, elektrizitatea eta gasa saltzen duten enpresei ustez egindako mesedeengatik.
Ogasun unitateak egindako txosten batek azaltzen duenez, aholkularitza-enpresa 2006an sortu zuten Montoro y Asociados izenarekin, eta handik bi urtera izena aldatu zioten. 60.000 euroko kapital sozialarekin eratu zen, 10 euroko balio nominala zuten partaidetzetan zatituta. Guztira, zazpi bazkide zeuden, Montorok berak partaidetzen % 30a zeukan eta Luis de Guindos Ekonomia ministro ohi eta EBZko egungo presidenteordea % 5a.
2007an, Montorok enpresa horretako beste 480 partaidetza erosi eta saldu zituen hilabete batzuen buruan. Txostenaren arabera, Ogasunari "atentzioa ematen dio" ez bakarrik "partaidetza-pakete horren erosketa eta salmentaren artean igaro zen denbora laburra”, baizik eta 2007ko PFEZaren aitorpenean “ez dela akzioen edo partaidetzen salmentarik jasotzen".
Hurrengo urtean, Montorok 1.080 partaidetza helarazi zizkion Ricardo Martinez Ricori, Jose Maria Aznarren Gobernuko Aurrekontu eta Gastuen Estatu idazkari ohiari, eta 720 bere anaia Ricardo Montorori. Zerga Agentziak azaldu du eragiketa horietako bat ere ez zela PFEZren aitorpenean sartu.
Hasieran emandako argudioa "partaidetzak eskualdatzeko prezioa erosteko prezioaren berdina zen (10 euro)", eta ez zen inolako irabazirik izan. Hala ere, txostenak erakusten duenez, 2012an Ogasunak egiaztapen-prozedura bat egin zion Montororen anaiari, eta jakin zuen, sozietateak berak aitortutako zifren arabera, “partaidetza horiek 226,96 euroko salmenta-prezio unitarioa zeukatela", ez aitortutako 10 euroak.
Era berean, Ogasunak beste bazkide batzuek 2015ean beste eragiketa batzuetan emandako balioa ere badu jasota; partaidetza sozial bakoitzeko 625 euro. Beraz, ikerlarien ustez, “PFEZn aitortutako balio hori (10 euro) eta alde independenteen arteko arrazoizko salmenta-prezioa urrun daude”.
Bestetik, zergen agentziak Esquadra Mossoek 2019ko abenduan egindako txosten baten berri eman du. Txosten horren arabera, "EE bulegoko kide politikoen partaidetza sozialen transmisioa haien balio nominalaren arabera egin zen, eta ez sozietate horren ondarearen balio garbiaren arabera". Halaber, zehaztu du partaidetza horiek "bazkide jakin batzuei transmititu zitzaizkiela, eta ez guztiei proportzionalki", eta, beraz, susmoa du " bazkide horiek, ustez, partaidetza sozial horien titularrak zirela eskubidez, baina ez izatez".
Izena aldatzea
Mossoek ohartarazi zutenez, "2015etik aurrera, ikertutako enpresa sarearen negozio-zifrak nabarmen egin zuen behera". Ordura arte,"ratioak handiak ziren eta haien finantza-osasuna ona zen".
2015eko lehen seihilekoan, ordea, “prentsan albisteak agertzen hasi ziren gertakari horiek salatzeko". Hori dela eta, “albiste horien aurrean, ikertutako pertsonek egitura hori desegin” zutela uste dute ikertzaileek eta “jarduera profesionala Global Afteli izeneko beste enpresa batera eraman” zutela “beste merkataritza-sozietate batzuk eratuz".
Cristobal Montoro Ogasun ministro izan zen 2000 eta 2004 artean Jose Maria Aznarrekin, eta 2011 eta 2018 artean Mariano Rajoyrekin, eta bajaeman zuen PPko afiliatu gisa, pasa den astean, inputazioa eta bere taldearena gainditu ondoren.
Zure interesekoa izan daiteke
Euskal selekzioaren aldeko mobilizazioak deitu dituzte Mundialeko Finala baino bi ordu lehenago
Elkarretaratzeak 19:00etan izango dira Bilbon, Donostian, Gasteizen eta Iruñean, eta igandean balkoietan ikurrinak jartzeko eta euskal selekzioaren kamisetak janzteko ere eskatu dute.
Ezkerreko alderdiek Errepublikaren berrezarpena aldarrikatu eta faxismoa salatu dute Gasteizen
Errepublikako Gobernuaren aurkako estatu kolpearen 90. urteurrenean, EH Bilduk, Ahal Duguk, Ezker Anitzak, Berdeak Equok eta Sumarrek "olatu erreakzionarioaren" aurkako "fronte antifaxista" osatzeko deia egin dute, eta "eskubide sozial, kolektibo eta nazionalak" blindatzeko prozesu "herrikoi eta errepublikarraren" bideari ekitea eskatu dute.
PPk alkategai berdinekin jarraituko du Bilbon, Donostian eta Iruñean eta Iñaki Garcia Calvo estreinatuko da Gasteizen
Alderdi Popularrak datorren urteko maiatzean egingo diren udal hauteskundeetarako hiriburuetarako hautagaitzak ofizial egin ditu gaur Galizian, Santiagon, egindako ekitaldi batean.
Frankismoak hildako 3.700 lagunak eta milaka errepresaliatuak gogoratu dituzte Nafarroako elkarte memorialistek
San Frantzisko plazan egin duten ekitaldian, Ansoleagako Guardia Zibilaren kuartelaren aurrean, loreak jarri dituzte errepresioaren biktimen omenezko plakaren ondoan. Horrez gainera, agintariei eskatu diete eraikin hori oroimenerako leku izenda dezatela.
PSE-EE kritiko azaldu da EAJko eta EH Bilduko alkateek elkarrekin Bergaran egingo duten ekitaldiarekin
Jose Ignacio Asensio PSE-EEren Gipuzkoako idazkari nagusiaren esanetan, beren subiranotasun obsesioaren erakusle izango da ekitaldia. Hala, gizartea zatitzea leporatu die bi alderdiei, eta abertzaleentzako soilik izango den gizarte bat eraiki nahi izatea.
Altxamenduaren ondoren emakumeek jasan zuten jazarpena gogoratu du Ana Ollok
Nafarroako Gobernuko bigarren presidenteorde eta Memoria eta Bizikidetzako, Kanpo Ekintzako kontseilaria Lodosan izan da, 1936ko estatu-kolpearen ondoren fusilatutako 136 pertsonen omenaldian parte hartzen. Iruñearen ondoren, Lodosa izan zen Gerra Zibilean hilketa gehien jasan zituen udalerria.
Lourdes Herrasti eta Paco Etxeberria omendu dituzte, memoria demokratikoa berreskuratzeko egindako lanagatik
Gerra Zibilaren hasieraren 90. urteurrena dela eta, Gipuzkoako Foru Aldundiak ekitaldi instituzionala egin du ostiral honetan Aieteko Jauregiaren lorategietan, Giza Eskubideen Etxearen egoitzan.
Negoziatzen ari diren transferentzien inguruko proposamen berriak jaso ditu Jaurlaritzak: Gizarte Segurantza eta portuak
Bi aldeek adostutakoaren arabera, akordioak abuztua baino lehen itxita beharko luke. "Hori da gure epemuga, eta epemuga horrekin lanean ari gara", adierazi du aste honetan Maria Ubarretxena Gasteizko Gobernuko bozeramaileak.
Bingen Zupiria: "Inola ere ez da gure politika inmigrazioa eta segurtasuna nahastea"
Bingen Zupiria Eusko Jaurlaritzako Segurtasun sailburuak nabarmendu du bere Sailaren politika “ez dela inola ere immigrazioa eta segurtasuna nahastea”, Arartekoaren azken agiriaren harira. Horrekin batera, adierazi du euskal gizarteak “eskatzen duela legeak eta arauak betetzen ez dituenarekin, izan kanpokoa edo izan hemengoa, gogorrak izatea”. ‘Basque Segurtasun Foroa: Segurtasun Integrala eta komunitatea’ udako ikastaroaren itxieran egin ditu adierazpenak.
12 urtean pantaila handirik ez duela jarri argudiatu du Aburtok eta Etxeberriak finala Plaza Berrian ikusteko gonbita egin du
Juan Mari Aburto Bilboko alkateak azaldu duenez, Munduko Futbol Txapelketako finala ikusteko pantaila erraldoiak jartzeko eskaera bakarra jaso du Udalak, PPrena, eta onartu egin du. Gasteizko Udalak Plaza Berrian pantaila erraldoia jarriko du eta Maider Etxebarria alkatea Espainiako kamiseta jantzita agertu da kazetarien aurrera eta igandean Plaza Berrira joateko deia egin du.