Ayusoren mutil-laguna auzipetzeko eskaera berretsi du epaileak, iruzurraren "zantzu argiak" ikusita
Antza denez, Alberto Gonzalez Amadorrek 350.951 euroko iruzurra egin zion Ogasunari, 2020 eta 2021 urteen artean, faktura faltsuak erabilita.
Alberto Gonzalez Amador enpresaria, Isabel Diaz Ayusoren bikotekidea. Argazkia: EFE
Madrilgo 19. Instrukzio Epaitegiak atzera bota du Alberto Gonzalez Amadorrek, Isabel Diaz Ayusoren bikotekideak, auzipetzearen aurka jarritako helegitea, "zantzu argiak"ikusi baititu faktura faltsuak erabili zituela Ogasunari 350.951 euroko iruzurra egiteko 2020 eta 2021 artean.
Epaileak berretsi egin du enpresaburua iruzur fiskalaren eta dokumentuak faltsutzearen ustezko delituengatik epaitzea proposatzeko erabakia. Fiskaltzak 3 urte eta 9 hilabeteko kartzela-zigorra eskatu du enpresaburuarentzat.
Gonzalez Amadorren aurkako zantzuak Zerga Agentziaren txostenetan eta "peritu inpartzialek" egindako dokumentu batzuetan oinarritzen dira, ikerketa zabal eta xehatua garatu ondoren.
Epailearen ustez, "faktura faltsuak baliatuta asmatutako gastuak erabili zituen zantzu argiak daude, fakturatutako kontzeptuetan aipatutakoak ageri ez zirelako". Horretarako, Ogasuneko ikuskatzaileen txostenak, epaitegian berretsitakoak, kontuan hartu direla azpimarratu du, "administrazio espedientean dauden ia 1.500 elementu kontuan hartu ondoren".
Gonzalez Amador beste lau enpresabururekin batera auzipetuta dago, eta Quiron Prevencion enpresarekin izandako ustezko ustelkeriagatik ikertzen ari dira. Akusazioek uste dute 499.836 euroko ezkutuko komisio bat ordaindu ziola enpresako zuzendari baten emazteari.
Gonzalez Amadorren defentsaren arabera, haren eskubideak urratu ziren, prozesuan ez ziotelako deklaratzen utzi. Epaileak, ordea, gogorarazi du berak eta gainerako ikertuek otsailaren 24an ez deklaratzeko eskubidea baliatu zutela, eta legean ezarritakoa bete zutela, gerora berriro eskatu gabe.
Zure interesekoa izan daiteke
?fmt=webp-alpha&qlt=80)
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.
Sozialistak, Parisko Alkatetzari eusteko moduan
Emmanuel Gregoire buru duen ezkerreko koalizioak irabazi du, eta Anna Hidalgoren lekukoa hartzen saiatuko da bigarren itzulian.
Jaurlaritza eta Espainiako Gobernua Madrilen bilduko dira aireportuen aldebiko kudeaketa negoziatzeko
Ubarretxenak argi utzi du Jaurlaritzak ez duela onartuko Estatuak ostiralean egindako kontra-proposamena, Jaurlaritzak egindako "eskakizun guztiak bertan behera" utzi baititu. Marisol Garmendia Espainiako Gobernuak Euskadin duen ordezkaria, ordea, baikor azaldu da, akordioa lortuko delakoan.
PPk irabazi ditu Gaztela eta Leongo hauteskundeak 33 eserlekurekin, PSOEk 30 lortu ditu, eta Voxek 14
Bestalde, PSOE izan da indar bozkatuena Trebiñuko konderri historikoan, eta Vox izan da bigarrena. Gaztela eta Leonen, oro har, % 65,22ko parte-hartzea izan da hauteskunde hauetan, baina % 48,26koa Trebiñun.
Ipar Euskal Herriko udal hauteskundeek aldaketak utzi dituzte Lekuinen, Arrosan, Alduden, Donapauleun eta Senperen, besteak beste
Laurent Intxauspek Donibane Garaziko auzapez izaten jarraituko du, Eneko Aldanak Ziburun eta Emmanuel Alzurik Bidarten. 11 herri joango dira bigarren itzulira, Angelun, Senperen eta Getarian lehen itzulitik argitu baita nor izango den hurrengo alkatea.
Jean-Rene Etchegaray izan da garaile Baionan, bigarren itzuliaren zain
Etchegaray zentrista bigarren itzulira iritsi da, Jean-Claude Iriart hautagai abertzalearekin, Henri Etcheto sozialistarekin eta, lehen aldiz, eskuin muturreko hautagai batekin, Pascal Lesellierrekin. Hain zuzen ere, ultraeskuinak bere emaitzak bikoiztea lortu du sei urtean, aurreko hauteskundeetatik.