EAJk 130 urte daramatza "Euskadi eraikitzen", eta lore-eskaintza egingo dio Sabino Aranari urteurrena ospatzeko
Ekitaldia Albia lorategian izango da, Bilbon, Sabino Arana alderdiaren sortzailearen estatuaren aurrean, arratsaldeko 18:00etatik aurrera. Ondoren, Aitor Esteban EBBren presidentea Boisera (AEB) joango da, Euskal Kulturaren Nazioarteko Jaialdian parte hartzeko.
EAJk 130 urte daramatza "Euskadi eraikitzen", eta urteurrena ospatzeko asmoz lore-eskaintza egingo du gaur, astelehena, Sabino Aranaren estatuaren aurrean, orain dela hamahiru hamarkada Euzko Alderdia Jeltzalea sortu zuenaren estatuaren aurrean, hain justu ere. Ekitaldian, besteak beste, Aitor Esteban EBBren presidenteak hartuko du hitza, eta ez dira alderdiko kideak eta erakundeetako ordezkariak faltako, tartean, Imanol Pradales lehendakaria bera.
Ohi baino egun batzuk lehenago egingo dute aurten lore-eskaintza, izan ere, hilaren 31n, San Inazio egunean, ospatzen baitute urtero. Aurten, baina, hitzorduaren ondotik, bai Esteban baita lehendakaria bera ere Boisera (AEB) joango dira, Euskal Kulturaren Nazioarteko Jaialdian parte hartzera. Horrexegatik aurreratu dute aurtengo urteurren-ekitaldia.
Hitzordua 18:00etatik aurrera izango da, Albia lorategian (Bilbo), Sabino Aranaren estatuaren aurrean. 1895eko uztailaren 31n sortu zuen Euzko Alderdi Jeltzalea, eta, harrezkero, alderdi jeltzaleak nabarmendu duenez, "milaka pertsona aritu dira Euskadi eraikitzen, euskal herritarren ongizatea eta independentzia helburu hartuta".
EAJren arabera, "bi diktadurari eta terrorismoari" aurre egin behar izan diete aurrera egiteko. "EAJk harro esan dezake historiaren alde egokian egon dela beti, eta, bere eskutik, herriak aurrerapen nabarmenak izan dituela ongizateari, instituzionalitateari eta autogobernuari dagokienez”. Horiek dira, izan ere, alderdiaren ustez, “euskal herritarren bizi-proiektuetarako oinarrizko zutabeak”.
Ospakizuna amaitu ondoren, Aitor Esteban Boisera joango da, uztailaren 29tik abuztuaren 1era bitartean ospatuko den Estatu Batuetako euskal jaialdirik handienean parte hartzeko. Euskal Kulturaren Nazioarteko Jaialdia 1987an egin zen lehen aldiz, eta 1990etik bost urtean behin egiten da.
Eusko Jaurlaritzak azpimarratu du 2025eko Boiseko Jaialdia Euskaditik kanpo egingo den "euskal topaketarik handiena" dela eta "aukera paregabea" dela "Ipar Amerikako euskal diasporarekin harremanak indartzeko".
Politikari buruzko albiste gehiago
Giza Eskubideen Behatokiak eta Josu Mujikaren familiak lau kazetari deklaratzera deitzeko eskatu dute
Era berean, Mujikaren heriotzaren 50. urteurrena betetzean, 2019an Bilbon eta Madrilen, 'Yo confieso. 45 años de espía' liburuaren aurkezpenak antolatu zituzten bi pertsonen testigantza jasotzea eskatu du GEBehatokiak.
Pintada batean, Aburtori "hiltzaile" izatea leporatu eta "heriotza okerrena" opa diote
Bilboko alkateak adierazi duenez, "kritika konstruktiboa beti da ona", baina "iraina, mehatxua, errespetu falta eta beste pertsona bati heriotza opatzea, justifikaezina izateaz gain, gizartearen kontrako mespretxua da".
Eusko Jaurlaritzako eta EH Bilduko ordezkaritzak AEBetara abiatu dira Boiseko Jaialdian parte hartzeko
Imanol Pradales lehendakaria Eusko Jaurlaritzako ordezkaritzaren buru izango da. Bestalde, EH Bilduren ordezkaritza Jon Iñarritu Kongresuko diputatuak eta Edurne Benito del Valle Eusko legebiltzarkideak osatuko dute.
Eusko Jaurlaritzak "erabat gaitzetsi" ditu Bingen Zupiriaren eta Ertzaintzaren aurkako pintadak
Eusko Jaurlaritzak "babes osoa" adierazi die Bingen Zupiria Segurtasun sailburuari eta Ertzaintzako eta udaltzaingoetako profesional guztiei, azken egunetan haien aurka izandako eraso eta pintadak direla eta. "Kezkatu egiten gaitu gertakari larrien aurrean isiltzea edo garrantzia kentzea erabakitzen duten arduradun politikoak egoteak", nabarmendu du Maria Ubarretxenak gobernu bileraren osteko prentsaurrekoan. Gainera, erantzukizunerako deia egin du, jaiak "errespetuz eta askatasunez" gozatzeko.
Jaiotzagatiko baimena 17 astera luzatzea eta zaintzagatikoaren zati bat ordaindua izatea adostu dute Sumarrek eta PSOEk
Biharko Ministroen Kontseiluan onartu nahiko luke Sumarrek dekretu berria. Neurri berriak ezarrita, besteak beste, kontziliaziorako Europako zuzentaraua ez betetzeagatik EBk Espainiari isuna jartzea saihestu nahi da.
Eusko Jaurlaritzak "balorazio gazi-gozoa" egin du EBren eta AEBren arteko muga-zergen akordioari buruz
Mikel Jauregi Eusko Jaurlaritzako Industria, Trantsizio Energetiko eta Jasangarritasun sailburuak EITBri adierazi dionez, akordioak alderdi positiboak nahiz negatiboak ditu. Haren ustez, "hobe da akordioa lortzea, gerra komertziala izatea baino". Halaber, automobilgintzaren gaineko muga-zergak % 25etik % 15era murriztea positiboa dela iritzi dio, bai eta, oro har, ziurgabetasun garaiari amaiera ematea ere. Alderdi negatiboen artean, Euskadi herri esportatzailea den heinean, muga-zergak egote hutsak dakarren kaltea nabarmendu du sailburua. Era berean, deitoratu egin du altzairuaren eta aluminioaren gainean % 50eko muga-zergak mantentzea.
PSNk "nazkagarritzat" jo du 'Koldo auziaren' baitan ustez agintariak espiatu izana
Gainera, Esther Iso PSN-PSOEko Antolakuntza idazkariak salatu du Nafarroako eta Estatuko eskuindar alderdiek audioak politikoki erabiltzen dituztela: "Nahikoa da audio batzuk erabiltzeaz, irudia zikintzeko eta gobernua zapuzteko helburu bakarrarekin".
Ansola: "Koalizioaren barruko tentsio hori baretzeko azaltzen da EH Bildu Ertzaintzaren kontra behin eta berriro"
Iñigo Ansola EAJren BBBko presidenteak gogor gaitzetsi ditu Ertzaintzaren eta Bingen Zupiria sailburuaren aurka Hernanin izandako pintadak, eta EH Bilduri zuzendu zaio esanez badela "garaia Bilduk behingoz esateko Ertzaintza hau demokratikoa dela".
Garbitu dituzte larunbatean Hernanin Ertzaintzaren eta Bingen Zupiriaren aurka agertutako pintadak
Larunbatean agertutako pintaketak gaitzetsi dituzte ordezkari politikoek eta sindikatuek.