PPk erretiratu egin du Arana zentroari buruzko ekimena, eta ez da gaia eztabaidatuko Legebiltzarrean
EH Bilduk, PSE-EEk eta Sumarrek erdibideko zuzenketa bat adostu dutela jakin ondoren hartu du erabakia PPk. Ezkerreko alderdiok gaiaren inguruko “adostasun instituzionala” eta “eztabaida eraikitzailea” abiaraztea eskatu behar zuten bihar Gasteizko Ganberan.
Alderdi Popularrak erretiratu egin du Aranako errefuxiatuen zentroaren proiektua bertan behera uzteko bihar Eusko Legebiltzarrean aurkeztu behar zuen legez besteko proposamena, eta, ondorioz, ez da gaia eztabaidatuko.
EH Bilduk, PSE-EE eta Sumarrek erdibideko zuzenketa bat adostu dutela jakinarazi ondoren iritsi da popularren erabakia. Adostutako testuan, gaiari buruzko “eztabaida eraikitzailea” abian jartzea eta “adostasun instituzionala” lortzea eskatzen zioten Espainiako Gobernuari. Ezkerreko hiru alderdion gehiengoak, zuzenketak aurrera egitea ahalbidetuko zuen, baina, orain, popularrek ekimena erretiratua, ez da halakorik gertatuko.
Nolanahi ere, Aranako zentroari buruzko gaiak bihar lekua izango du Legebiltzarreko gai-ordenean, Voxek eramango duelako bere legez besteko proposamena. Eskuin muturreko alderdiak ere, harrera zentroaren egitasmoa atzera botatzea eskatuko du. Inork ez dio zuzenketarik aurkeztu proposamenari, eta bere horretan geratuko da.
Akordioa
Arratsaldeko lehen orduan jakin da PSE-EEk, EH Bilduk eta Sumarrek akordioa lortu dutela, Gasteizko Arana errefuxiatuentzako harrera-zentroaren inguruan testu bateratu bat aurkezteko, biharko osoko bilkuran. Bertan, Espainiako Gobernuari eskatu behar zioten "elkarrizketa eraikitzailea" abiarazi dezala EAEko erakundeekin, zentroari buruzko "adostasun instituzionala" lortzeko.
Espainiako Gobernuak errefuxiatuentzako zentroa Arana ospitale zaharraren eraikinean irekitzeko asmoa erakutsi zuenetik, agerikoak izan dira gaiaren inguruan gobernukide diren EAJren eta PSE-EEren arteko iritzi kontrajarriak. Ereduan ez datoz bat, eta ezberdintasun hori irudikatuko zuten biharkoan ere, osoko zuzenketa bana aurkeztuta.
Jeltzaleen testuak dio "Espainiako Gobernuak inposatutako" zentroa ez datorrela bat "harrerarako euskal ereduarekin". Zentro txikiagoak defendatzen ditu EAJk, eta Aranako proiektua bertan behera uzteko eskatu behar zuten.
Hasieran, sozialistek eurek bakarrik eraman behar zuten testua, baina, azkenean, EH Bildurekin eta Sumarrekin erdibideko zuzenketa bat adostu dute. 40 legebiltzarkide batzen dituzte hiru taldeok, eta, beraz, aurrera egingo zuen testuak: bertan, Espainiako Gobernuaren, Eusko Jaurlaritzaren, Arabako Aldundiaren eta Gasteizko Udalaren arteko "adostasun instituzionala" eskatzen zen, eta, horretarako, "elkarrizketa eraikitzailea" abiarazi dezala galdegingo zioten Pedro Sanchezen Exekutiboari. "Proiektuaren diseinua, garapena eta baliabideen kudeaketa" guztien artean adostea da ezkerreko alderdiek bilatzen dutena.
PPk bere proposamena erretiratu ez balu, denbora gutxian, bigarrenez ez ziren bat etorriko bihar EAJ eta PSE-EE: urriaren hasieran, lan-eskaintza publikoetan euskara blindatzeko EAJren proposamena ez zuten babestu sozialistek.
Zure interesekoa izan daiteke
Espainiako Poliziak Bilbon egindako esku hartzea "onartezina" izan dela esan du berriz Zupiriak
Bingen Zupiria Eusko Jaurlaritzako Segurtasun sailburuak Euskadi Irratian egin dioten elkarrizketan azpimarratu duenez, polemika hau ez da hasi Espainiako Poliziak egindako atxiloketekin, Espainiaren futbol partidaren harira izan ziren istiluekin baizik.
Zapateroren eta haren alaben eta idazkariaren kontuei buruzko informazioa eskatu die banketxeei Calama epaileak
Auto batean, Plus Ultra auziaren ardura duen magistratuak dio zantzuak daudela esateko Espainiako Gobernuko presidente ohiak "egitura antolatu bat" zuzentzen zuela, bezero jakin batzuei mesede egiteko, legez kanpoko jardueren bidez.
Jon Insaustik afari solidarioak bizilagunak gizarteratzea eta laneratzea errazteko kudeatzearen alde egin du
Afari solidarioen debekuak piztu duen polemikaren harira, Donostiako alkate Jon Insaustik, asteazken honetan, azaldu du ekimenak administrazioaren erantzuna behar duela, eta gizarteratzea eta laneratzea sustatzera bideratuta egon behar duela. Era berean, nabarmendu du inguruko udalerriek ere neurri horiek lehenago edo geroago hartuko dituztela.
Etxanobek itun handia proposatu du Bizkaiaren etorkizuna eraikitzeko
Urtero legez, Bizkaiko aldundiak San Inazioko harrera ekitaldia egin du. Bizkaiko eta Gipuzkoako patroiaren eguna ospatzeko abuztu aurreko azken ekitaldi politiko nagusia da, eta ordezkari ugari biltzen du. Elixabete Etxanobe ahaldun nagusiak itun handi bat proposatu du Bizkaiaren etorkizuna eraikitzeko. Lurraldeen arteko aldeak eta berezitasunak errespetatu egin behar direla adierazi du, benetako berdintasuna lortzeko.
Bi urteko kartzela-zigorra, sare sozial batean terrorismoa goratzeagatik eta ETAren biktimak umiliatzeagatik
Atxilotuari haur-pornografia ere aurkitu zioten konfiskatutako gailuetan.
Espainiako Poliziako sindikatuek Zupiriaren adierazpenak kritikatu dituzte
Espainiako Poliziaren Konfederazioak ziurtatu du ez duela Eusko Jaurlaritzaren baimenik eskatu behar lurralde horretan jarduteko; bitartean, Sindicato Unificado de Policiak (SUP) Zupiriari aurpegiratu dio "10 egun" izan dituela erasoak ikertzeko.
EH Bilduren arabera "kezkagarria da" hainbat erakundek hizkuntza eskakizunetan "atzera egitea"
Koalizio abertzaleak azaldu duenez, Gipuzkoako Foru Aldundiak azken Lan Eskaintza Publikoan hizkuntza eskakizuna egiaztatu duten plazen kopurua % 89tik % 66ra murriztu du, eta Bizkaiko Foru Aldundiak, berriz, % 85etik % 54ra.
Transferentziez hitz egiten segitzen dutela esan du Ubarretxenak eta uda ostean "zorte hobea" izatea espero du
Maria Ubarretxena Gobernantza, Administrazio eta Autogobernu sailburuak Radio Euskadin egin dioten elkarrizketan azaldu duenez, akordioek sakonak izan behar dute Bitariko Batzordea biltzeko.
Espainiako Gobernuak indultu partziala eman dio Laura Borras Kataluniako Parlamentuko presidente ohiari
Kataluniako Letren Institutuaren zuzendari zen garaian hainbat kontratu publiko modu irregularrean esleitzeagatik lau urte eta sei hilabeteko kartzela zigorra ezarri zion Kataluniako Auzitegi Nagusiak, baina auzitegiak berak indultua emateko eskatu zuen, espetxera sartzea saihesteko. 13 urteko inhabilitazioa eta 36.000 euroko isuna ere ezarri zizkioten, eta zigor horiek ez dizkiote kendu.
Amaitu egin da Kitchen auziaren epaiketa, lau hilabeteren ostean
Lau hilabetean zehar, 100 lekukok baino gehiagok deklaratu dute, eta epaiaren zain gelditu da prozesua.