Boiseko Jaialdia, AEBko diasporarekin harremanak sendotzeko aldia
Euskal erakundeen ordezkaritza bat, Imanol Pradales lehendakaria buru, Boisen izango da gaurtik abuztuaren 3ra bitartean. Idahoko erakundeekin lankidetza estutzea izango dute helburu, AEBko euskal komunitateari babesa ematearekin batera.
Dena prest dago gaur Boiseko Jaialdiari hasiera emateko. Argazkia: EITB.
Astearte honetan hasiko da Boiseko (Idaho, AEB) Jaialdia, Euskal Herritik kanpo egiten den euskal herritarren topaketarik handiena, eta Ipar Amerikako diasporako herritarrekin harremanak sendotzeko aukerarik onenetakoa. Helburu horrekin bertan izango da EAEko erakundeen ordezkaritza bat, Imanol Pradales lehendakaria buru duela. Diaspora aitortu eta babesteaz gainera, Idahoko erakundeekin harremanak estutzeko ere baliatuko dute bidaia.
Imanol Pradalesek Jaialdiaren elkartasun izaera azpimarratu du sare sozialetan. "Bost kontinenteetako milaka eta milaka euskal herritar bilduko gara berriro, herri bateko kide garela berresteko eta ospatzeko, eta gure etorkizuna askatasunean, demokrazian, bakean eta justizian eraiki nahi dugula aldarrikatzeko, balio horiek partekatzen ditugun gainerako nazioekin batera, inor baino gehiago sentitu gabe", esan du.
"Ospatu eta komunitatea egingo dugu”, gaineratu du, “konplexurik gabe folklorearen balioa aldarrikatuz, zentzu zabalean ulertuta".
Horrez gainera, gogorarazi du AEBn egoteak Idahoko erakundeekin lankidetza estutzeko ere balioko duela eta hainbat arlotan (ekonomikoa, kulturala, politikoa eta ezagutzari lotutakoa, berbarako) "elkarlanerako aukera berriak” aztertzeko asmoa duela.
Eusko Jaurlaritzaren ordezkaritzak agenda betea izango du datozen egunetan. Besteak beste, bilerak izango dituzte Idahoko gobernadorearekin, Boiseko alkatearekin eta euskal diasporako ordezkariekin; Boise State Universityk antolatutako jai eta ekitaldietan egongo da, eta Jaialdiko ekintzetan ere parte hartuko du.
Guztion gustoko ekitaldiak
Idahoko euskal komunitateak gogo biziz hartuko du 2025 honetako Jaialdia; izan ere, aurreko edizioa, 2020koa, bertan behera geratu behar izan zen covid pandemiaren ondorioz. Uztailaren 29tik abuztuaren 3ra bitartean, egitarau zabala izango da Boise hiriko hainbat tokitan: kontzertuak, jardunaldi gastronomikoak, dantza ikuskizunak, herri kirolak… Kontsulta ezazu programazio osoa, hemen.
Besteak beste, Neomak, Gatibu, Amuma Says No, Xabi Aburruzaga, Tio Teronen Semeak, Añorgako Dantzariak eta Oinkari arituko dira bertan.
Era berean, edizio guztietan bezala, Sports Night izango da hitzordu nagusietako bat. Asteazken gauean izango da eta eliteko kirolariak bilduko ditu, hala nola Karmele Gisasola, Nerea Arruti, Iker Vicente, Julen Alberdi, Aitzol Atutxa eta Gari Garmendia.
Jaialdia 1987an jaio zen, ospakizun puntual gisa, eta gaur egun 40.000 pertsona baino gehiago biltzen ditu. Bost urtean behin ospatzen da eta aurtengoa zortzigarren edizioa izango da.
Zure interesekoa izan daiteke
Asironek elkarbizitzaren balioak aldarrikatu ditu Iruñeko istilu "tamalgarrien" aurrean
Iruñeko alkatearen arabera, agerian gelditu da probokatu nahi duten pertsonak eta horien probokazioetan erortzen direnak daudela.
Gobernuaren Nafarroako Ordezkaritzak Vito Quiles gezurtatu du, eta ekitaldia bertan behera uzteko azken erabakian Poliziak eraginik izan zuenik ukatu
Poliziak "Nafarroako Unibertsitatean aurreikusitako ekitaldian ezin zuela segurtasuna bermatu" adierazi izana gezurtatu du, baita Polizia Nazionalak Bilbotik zetozen autobusetan aiztoak eta labanak konfiskatu izana ere.
Francisco Franco fundazioa desegitea eskatzeko prozesua abiatu du Espainiako Gobernuak
Prozedura abiatu duela jakinarazi dio Kultura Ministerioak Francisco Franco fundazioari. 37 orrialdeko ebazpen batean azaldu ditu desegitearen arrazoiak: frankismoaren apologia egitea eta biktimak umiliatzea, besteak beste. Fundazioak 10 egun balioduneko epea du Ministerioaren aurrean alegazioak aurkezteko.
Mikel Mancisidor izango da Ararteko berria, EAJk eta PSE-EEk PPrekin akordioa lortu ondoren
Arartekoa aukeratzeko Eusko Legebiltzarraren hiru bostenen babesa behar da, hots, 45 legebiltzarkideren babesa. EAJk (27), PSE-EEk (12) eta PPk (7) 46 legebiltzarkide dituzte, Arartekoa izendatzeko behar direnak baino gehiago. Aurreko Arartekoak, Manu Lezertuak, ekainean egin zion uko karguari, karguan 10 urte eman ondoren.
PPk Sanchezi Senatuko batzordean egindako galdeketaren zortzi une
Alderdi Popularrak Alejo Miranda de Larra senataria aukeratu du Pedro Sanchezi galdetzeko Koldo auziko ikerketa batzordean. Saioan zehar tentsio une eta etenaldi ugari bizi izan dira eta sarkasmoa erabili dute bai Mirandak, bai Sanchezek.
EH Bilduk, PSE-EEk eta Sumarrek gehiengo aurrerakoia erakutsi dute Eusko Legebiltzarrean
Hiru alderdiek kritikatu egin dute PPk Gasteizko errefuxiatuen zentroari buruzko ekimen bat erretiratu izana, adostasuna eta giza eskubideak errespetatzea eskatzen zuen zuzenketa bateratua onartzea saihesteko.
Juntsen militantziak botoen % 86,98rekin berretsi du PSOErekin hausteko erabakia
Astelehenean, Juntseko zuzendaritzak aho batez erabaki zuen PSOErekin haustea, Perpinyàn (Frantzia) egindako bilera baten ostean, nahiz eta sozialistek azken egunetan katalanek atzera egiteko ahaleginak egin.
?fmt=webp-alpha&qlt=80)
Bi atxilotu eta bost zauritu Iruñeko istiluetan, Vito Quiles ultraeskuindarrak deitutako ekitaldia bertan behera gelditu bada ere
Espainiako Polizia Nazionalak asaldatzaile ultraeskuindarraren aurkako manifestarien aurka egin du, eta liskarrak Nafarroako Unibertsitateko campusean eta Iturrama auzoan izan dira.
Zaintzara bereziki bideratutako 1.296 milioi euroko aurrekontuak aurkeztu ditu Gipuzkoak
“Gipuzkoa indartzeko, gaurko eta biharko ongizate integrala” bermatzea helburu duten aurrekontuak direla esan du Eider Mendoza diputatu nagusiak. EAJk eta PSE-EEk boto bat gehiago beharko dute Batzar Nagusietan hurrengo urteko kontuak aurrera atera ahal izateko.
Vito Quiles ultraeskuineko asaldatzaileak bertan behera utzi du Iruñeko ekitaldia
Nahiz eta esan ekitaldia kalean egingo zuela, Quilesek erabaki du Iruñera ez etortzea. Lehenago, Nafarroako Unibertsitateak arratsaldeko jardun guztia bertan behera utzi du, segurtasunagatik.