Polemika, urte judizialaren hasiera ekitaldira begira: Garcia Ortiz bertan izango da; Feijoo, ordea, ez
Elkarteen ustez, "erabat ezohikoa" da Auzitegi Gorenak auzipetutako fiskal nagusia bertan izatea, eta PPren buruak iragarri du ez dela ostiraleko ekitaldira joango, "Erregearen aurkako talka instituzionalaren alde" ez egitearren.
Felipe VI.ak Alvaro Garcia Ortiz Estatuko fiskal nagusia hartu zueneko irudia. Argazkia: EFE
Fiskalen bi elkartek eta epaileen batek Alvaro Garcia Ortiz Estatuko fiskal nagusiari eskatu diote ez dadila ostiral honetako urte judizialaren irekiera ekitaldira joan. Haien ustez, ez luke joan behar, "errespetuagatik", auzipetua dagoelako eta Auzitegi Gorenean epaiketaren zain dagoelako.
Magistraturaren Elkarte Profesionalak , Fiskalen Elkarteak eta Fiskalen Elkarte Profesional eta Independenteak ohar bat igorri dute, Garcia Ortizek ekitaldian parte har ez dezan. Felipe VI.a Espainiako erregea bertan izango da, eta baita Botere Judizialaren Kontseilu Nagusiko eta Auzitegi Goreneko presidente Isabel Perello ere.
Idatzian, elkarteek adierazi dute auzipetutako inor erregearekin batera esertzea "erabat ezohikoa" dela eta "zuzenbide-estatuaren oinarrizko printzipioaren kontrako mespretxuzko ekintza" dela, eta arriskua dagoela, Justiziaren sinesgarritasunari eta karrera judizial eta fiskalari ez ote dion kalte egingo.
Era berean, azpimarratu dute Garcia Ortizen errugabetasun-presuntzioa errespetatzen dutela, baina adierazi dute "erakundeekiko eta ordezkatzen dutenarekiko errespetua interes partikularren gainetik" dagoela.
Alberto Nuñez Feijoo Alderdi Popularraren presidenteak baieztatu du ez dela urte judizialaren irekiera ekitaldira joango. X sare sozialean zabaldutako mezu batean azaldu duenez, ez du "aurrekaririk gabeko talka instituzionalaren alde egin nahi".
Pedro Sanchez Espainiako Gobernuko presidenteari urte judizialaren irekiera "zikintzea" leporatu dio Feijook, auzipetutako fiskal nagusi bat erakundearen buru mantentzen duelako eta Auzitegi Gorenean esku hartzen uzten diolako.
Gobernuaren erantzuna Felix Bolaños Presidentzia, Justizia eta Gorteekiko Harremanetarako ministroaren bitartez iritsi da. Feijooren erabakia "erregearekiko eta erakundeekiko begirune falta larria" dela esan du, eta gogorarazi du "erakunde demokratikoak errespetatzea funtsezkoa" dela zuzenbide-estatuetan.
Zure interesekoa izan daiteke
Lourdes Herrasti eta Paco Etxeberria omendu dituzte, memoria demokratikoa berreskuratzeko egindako lanagatik
Gerra Zibilaren hasieraren 90. urteurrena dela eta, Gipuzkoako Foru Aldundiak ekitaldi instituzionala egin du ostiral honetan Aieteko Jauregiaren lorategietan, Giza Eskubideen Etxearen egoitzan.
Negoziatzen ari diren transferentzien inguruko proposamen berriak jaso ditu Jaurlaritzak: Gizarte Segurantza eta portuak
Bi aldeek adostutakoaren arabera, akordioak abuztua baino lehen itxita beharko luke. "Hori da gure epemuga, eta epemuga horrekin lanean ari gara", adierazi du aste honetan Maria Ubarretxena Gasteizko Gobernuko bozeramaileak.
Bingen Zupiria: "Inola ere ez da gure politika inmigrazioa eta segurtasuna nahastea"
Bingen Zupiria Eusko Jaurlaritzako Segurtasun sailburuak nabarmendu du bere Sailaren politika “ez dela inola ere immigrazioa eta segurtasuna nahastea”, Arartekoaren azken agiriaren harira. Horrekin batera, adierazi du euskal gizarteak “eskatzen duela legeak eta arauak betetzen ez dituenarekin, izan kanpokoa edo izan hemengoa, gogorrak izatea”. ‘Basque Segurtasun Foroa: Segurtasun Integrala eta komunitatea’ udako ikastaroaren itxieran egin ditu adierazpenak.
12 urtean pantaila handirik ez duela jarri argudiatu du Aburtok eta Etxeberriak finala Plaza Berrian ikusteko gonbita egin du
Juan Mari Aburto Bilboko alkateak azaldu duenez, Munduko Futbol Txapelketako finala ikusteko pantaila erraldoiak jartzeko eskaera bakarra jaso du Udalak, PPrena, eta onartu egin du. Gasteizko Udalak Plaza Berrian pantaila erraldoia jarriko du eta Maider Etxebarria alkatea Espainiako kamiseta jantzita agertu da kazetarien aurrera eta igandean Plaza Berrira joateko deia egin du.
EAJk eta EH Bilduk Euskal Herriaren eta Estatuaren arteko harreman politiko berri bat aldarrikatu dute adierazpen bateratu batean
Ekimena Foruen abolizioaren 150. urteurrenarekin eta Bergarako Alkate Mugimenduaren 50. urteurrenarekin bat dator; bi efemerideak igande honetan gogoratuko dituzte.
Giza Eskubideen Behatokiaren txosten batek Estatuko aparatuak lotu ditu Perturren desagerpenarekin
40 orrialdeko txosten baten bidez, ondorioztatzen du Perturren desagerpena Estatuko aparatu polizial edo parapolizialen operazio baten ondorio izan zela, eta haren ingurune politikotik etorritako lankidetza batek erraztu zuela.
Eusko Jaurlaritzak gaur espero du Espainiako Gobernuaren transferentzien inguruko proposamen berriak jasotzea
Gizarte Segurantzaren eskumen batzuk eta interes orokorreko portuen transferentzien inguruan negoziatzen jarraitzen dute, eta behin proposamena jasota erabakiko du Jaurlaritzak abuztua aurretik egin beharreko Bitariko Batzordearen bilerara bilerara agertuko den ala ez.
Albiste izango dira: Transferentzien inguruko proposamen berria, Pasai Antxoko geltokiaren inaugurazioa eta Trumpek nazioari eskainitako hitzaldia
Gaurkoan Orain-en albiste izango direnen laburpena, bi hitzetan.
Zeintzuk dira hurrengo urratsak? Epaiak ez du ekarriko Puigdemonti amnistia berehala ezartzea
Carles Puigdemont presidente ohia eta Toni Comin zein Lluis Puig kontseilari ohiak atxilotzeko aginduek indarrean jarraitzen dute. Europako epaia gorabehera, Espainiako Justiziak kasua aztertzeko eta ebazteko ardura du orain.
Madrilgo Auzitegiak berretsi egin du herri-epaimahai batek epaituko duela Begoña Gomez, eta kautelazko neurriak kendu dizkio
Ihes egiteko arriskurik ez dagoela iritzita kendu dizkio aurretik ezarritako kautelazko neurriak, hau da, Espainiatik irteteko debekua, pasaportea entregatzea eta 15 egunean behin agintaritza judizialaren aurrean sinatzeko betebeharra. Hala ere, lokalizatuta egon beharko du une oro.