Lehendakaria "oso kezkatuta" dago PP eta Vox alderdien balizko gobernu batekin, birzentralizazioa ekar lezakeelako
"Testuinguru horretan, prest egon behar dugu Euskadi, euskal erakundeak, euskara eta politika publiko guztiak gogor defendatzeko", esan du. Kanarietara egin duen bisitan, errefuxiatuekin lan egiten duten elkarteekin bildu da Imanol Pradales, eta Open Arms ontzian izan da.
Imanol Pradales lehendakariak ostiral honetan esan du "oso kezkatuta" dagoela PP eta Vox alderdien arteko balizko gobernu batekin, birzentralizazioa ekarriko lukeelako.
Hori horrela, balizko gobernu horretan Alberto Núñez Feijoo PPko buruak moderazioaren edo erradikalizazioaren aldeko apustua egingo ote duen galdetu du, baita "Estatuan agertzen diren eta existitzen diren errealitate nazional desberdinak" errespetatuko ote dituen edo "Voxen politiken mende egongo ote den".
"Nola jokatuko du PPk? Hori da galdera nagusia", adierazi du Pradalesek, gogora ekarrita inkestek popularren garaipena eta Voxen hazkundea aurreikusten dutela.
"Pedro Sanchezek ez du arrazoi bakar bat ere hauteskundeak aurreratzeko, ez arlo pertsonalean, ez politikoan, ezta nazioarteko agertokiari dagokionez ere", zehaztu du.
"Testuinguru horretan, prest egon behar dugu Euskadi, euskal erakundeak, euskara eta politika publiko guztiak gogor defendatzeko", esan du.
Migrazioa
Bestalde, Imanol Pradales lehendakariak eta Fernando Clavijo Kanarietako presidentearen ustez, Espainiako Estatuak eta EBk migrazioaren aferan ez dute maila eman. Horregatik, "geratzeko etorri den fenomeno hori" kudeatzeko "egiturazko plan bat" eskatu dute biek ala biek.
Pradalesek adierazi duenez, behin eta berriro eutsiko diote aldarrikapen horri, eta medioetara ez ezik administrazioen arteko negoziazio mahaietara ere eramango duten gaietako bat izango da.
Lehendakariaren hitzetan, "iparraldeko mugaren" estatusa onartzeko borrokan dabil Euskadi, uda honetan, adibidez, baliabide propioak baliatuta, kalean lo egin behar izan duten maliar erbesteratuen beharrei erantzun behar izan dielako.
Orain, "presio politikoari eta gestioei esker antolatzen hasi dira", baina Espainiako Gobernuak "konpromiso falta" agertu du hasiera-hasieratik.
Hori dela eta, erkidegoek "baliabide gehiago" behar dituztela esan du, eta migrazioaren arloan dituzten eskumenak indartzeko beharra dutela. "Horretarako, erakundeek lasaitasunez eta zintzo eta modu eredugarrian egin behar dute lan", horren aburuz.
Kanarietara egin duen bidaian, errefuxiatuekin lan egiten duten 30 gobernuz kanpoko erakundetako ordezkariekin ere elkartu da Pradales. Horrez gainera, Open Arms erreskate-ontzian ere izan da Nerea Melgosa sailburuarekin batera.
Migrazioa "fenomeno konplexua" dela eta "pertsonak erdigunean jarriz" jorratu behar dela adierazi du bisita horretan. Diskurtso populistak eta "onkeriazkoak" alde batera uzteko deia egin du.
Zure interesekoa izan daiteke
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.
Sozialistak, Parisko Alkatetzari eusteko moduan
Emmanuel Gregoire buru duen ezkerreko koalizioak irabazi du, eta Anna Hidalgoren lekukoa hartzen saiatuko da bigarren itzulian.
Jaurlaritza eta Espainiako Gobernua Madrilen bilduko dira aireportuen aldebiko kudeaketa negoziatzeko
Ubarretxenak argi utzi du Jaurlaritzak ez duela onartuko Estatuak ostiralean egindako kontra-proposamena, Jaurlaritzak egindako "eskakizun guztiak bertan behera" utzi baititu. Marisol Garmendia Espainiako Gobernuak Euskadin duen ordezkaria, ordea, baikor azaldu da, akordioa lortuko delakoan.