Geroa Baik “haserrea" adierazi du, EH Bilduk “Ustelkeriaren Kontrako Bulegoa kontrolatzen” duela esan ondoren
Uxue Barkosek adierazi duenez, adierazpen horiek "zentzu berria" ematen diete OANAk Nasuvinsari buruz egindako "txostenak dituen akats juridikoei". Oskar Matutek, bere aldetik, "harrituta" dagoela esan du eta "egunkari bateko titularra tonu ironikoan" erabili zuela argitu du.
Uxue Barkos Geroa Baiko senatari eta Nafarroako presidente ohiak "susmoa eta haserrea" adierazi ditu asteazken honetan, Oskar Matutek asteartean Kongresuan egindako adierazpen batzuen harira. EH Bilduko diputatuak, UPNko Alberto Catalani erantzunez, esan zuen Nafarroako Jardunbide Egokien Aldeko eta Ustelkeriaren Kontrako Bulegoa (OANA) “EH Bilduk kontrolatzen” duela“, hein handi batean.
Bulego horrek astelehenean jakinarazi zuen Nasuvinsa enpresa publikoak Jose Maria Aierdi (Geroa Bai) buru zela egin zituen bi esleipenetan “akatsak” daudela.
Geroa Baik prentsaurrekoa eman du Iruñean Matuteri erantzuteko eta “astelehenean ezustekoa izan zena, gaur susmo txarra” dela jakinarazi du.
Barkosen arabera, Matuteren hitzak “ez dira lapsus bat, ezta aipamen okerra ere”. Horrez gainera, gogorarazi du EH Bilduk proposatu zuela gaur egun OANA-ko zuzendaria denaren izena.
Senatariak esan du EH Bilduko diputatuaren hitzek “zentru berria” ematen diete txostenak dituen “akats juridiko larri eta garrantzitsuei”.
Halaber, kritikatu du OANAk ez diola aukerarik eman Jose Mari Aierdiri alegazioak aurkezteko.
Azkenik, Geroa Baik "etorkizuneko jarduera parlamentario eta judizialetarako aukera eta eskubidea" gordetzen dituela azpimarratu du.
"Ironiaz egindako hitzak"
Oskar Matute EH Bilduko parlamentaria “harrituta” agertu da sare sozialetan, Kongresuan egin zituen “hitzek izan duten oihartzuna” dela eta. “Ironiaz, egunkari batek argitaratutako titularra” erabili zuela azaldu du.
EH Bilduko Nafarroako parlamentari Adolfo Araizek ere antzerako hitzak erabili ditu. Matutek El Mundo egunkariak argitaratu zuen titular bat erabili zuela Catalani erantzuteko argitu du eta “ironiaz” egindako hitzak izan zirela.
EH Bilduren ustez, interpretazio hauek Nafarroako Parlamentuan sortutako ikerketa batzordean eskuinak darabilen estrategia indartzeko bakarrik balio dute.
Eta azpimarratu du OANA “gardentasunaren alde lan egiteko sortu zen organo independentea” dela.
Politikari buruzko albiste gehiago
Goiak aitortu du autobus geltokia txiki geratu dela eta handitzeko asmoa duela
Donostiako alkateak deitoratu egin du oraindik abiadura handiko trena Donostiara iritsi ez izana, horrek zerbitzua arinduko lukeela uste baitu.
Euskal agenda zer den zehazteko eskatu dio Garridok lehendakariari
Laura Garrido legebiltzarkide popularrak salatu du estatus berria negoziatzeko mahaian ez dagoela Alderdi Popularra, eta Imanol Pradales lehendakariari azalpenak eskatu dizkio. Bestalde, bihar Eusko Legebiltzarrean egitekoa den Politika Orokorreko Eztabaidan euskal agenda zer den zehazteko eskatu dio lehendakariari.
Langabezia-prestazioen kudeaketa eskualdatzeko akordioa txalotu du Martinezek
Lander Martinez Sumarreko diputatuak Kongresuan esan du akordioa "oso positiboa" dela Euskadirentzat. Bere hitzetan, agerian geratu da Sumarrek autogobernuarekin duen konpromisoa.
Amiantoaren biktimek laguntzak jasotzeko ziurtagiria eskatu ahal izango dute ostegun honetatik aurrera
Eskaria aurkeztu eta gehienez hiru hilabeteko epean eman beharko dute ziurtagiria.
Euskadik eta Espainiako Gobernuak akordioa sinatu dute langabezia-prestazioaren eskualdaketarako
Transferentzien Batzorde Mistoan gauzatuko da urtea amaitu aurretik, eta Eusko Jaurlaritzak SEPEren bulegoak eta langileak bere gain hartuko ditu.
Eusko Legebiltzarreko politika orokorreko osoko eztabaida, zuzenean
Jarraitu zuzenean, 09:30etik aurrera, Eusko Legebiltzarrak urte politikoari hasiera emateko osoko bilkura.
Politika orokorreko lehen osoko bilkura izango da ostegun honetakoa Imanol Pradalesentzat
Amaitu dira "oporrak" Eusko Legebiltzarrentzat. Ostegun honetan ekingo dio berriz bere jarduerari, Politika Orokorreko osoko bilkurarekin. Urte politikoa markatuko duten gaiak jarriko dituzte mahai gainean lehendakariak eta legebiltzarkideek.
Sanchezek onartu du euskal industriari eragingo diola gehien Estatu Batuetako merkataritza gerrak
Espainiako Gobernuko presidenteak Europako merkatu bakarra bultzatzeko eta merkataritza-harremanak dibertsifikatzeko beharra defendatu du, merkataritza-tentsioari aurre egiteko.
Zarauzko Udalak 'Txiki' eta Otaegiren erakusketa udal aretoan jartzea debekatu du
Udaleko iturriek EITBri azaldu diotenez, erakusketa "partziala, ideologikoa eta ez anitza" delako hartu dute erabakia.