Aitor Estebanek estatus politiko berria eskatu du, EAJko buru gisa egin duen lehen Alderdi Egunean
Jeltzaleak goizean goizetik izan dira Forondan (Araba), ekitaldi eta ospakizunen artean. Alderdiak autogobernua eta estatus politiko berria izan ditu hizpide.
Autogobernuaren aldeko aldarria zabaldu du Forondan Aitor Estebanek, EAJko presidente gisa parte hartu duen lehen Alderdi Egunean.
Eszenatoki berritu batean, Estebanek lehen momentutik erakutsi du sentitu zuen emozio “deskribaezina”, baita bere hitzaldian zehar ere.
EAJko buruaren hitzaldian, autogobernuak leku berezia izan du. Estebanek esan duenez, Euskadik "autogobernu gehiago nahi du", eta norabide horretan lan egingo du alderdi jeltzaleak, "Gernikako Estatutua osatuz edo estatus berri baten bidez".
EBBko presidenteak adierazi du "erabateko autogobernua" lortzea izango dutela helburu. Hala eta guztiz ere, Estebanek argi esan du epe ertainean Europan erabakiko dela hori, ez Madrilen.
Horren harian, nabarmendu du subiranotasun nahiak EH Bildu eta EAJ batzen dituela, "alderdi oso ezberdinak garen arren".
Bestalde, PSE-EEri ohartarazi dio Euskadi nazio gisa aitortzea "ezinbesteko baldintza" dela.
AITOR ESTEBAN, EBB-KO PRESIDENTEA
Euskadik autogobernu gehiago nahi du. Herriak babesten bagaitu, erabateko autogobernu batera eramango dugu"
Horren harian, presidenteak jeltzaleen "tradizioaren ondarea" nabarmendu du, "hamarkada askotako konpromisoaren eta erabaki ausarten emaitza", eta horrek "herrialde fidagarria" eraiki izana ekarri duela.
"Muturreko garai bipolarrak" dituen garai honetan, Aitor Estebanek EAJren zentraltasuna defendatu du; alegia, ez ezkerrekoa, ez eskuinekoa izatea.
"Zentroago ezin gara egon. Orekan, zentzutasunean. Hori da gure politika egiteko modua, hori da gure konpromisoa, eta hala izaten jarraituko du", esan du Estebanek. EBBko presidentearen arabera, hori da politika egiteko modu egokiena, eta, beraz, bide horretan lanean jarraituko du EAJk.
AITOR ESTEBAN, EBB-KO PRESIDENTEA
Zentroago ezin gara egon. Orekan, zentzutasunean. Hori da politak egiteko gure modua, hori da gure konpromisoa, eta hala izaten jarraituko du"
Era berean, Madrilen hauteskundeak deitzen dituzten momentuan bertan EH Bildu Kongresurako zerrenda bateratuak proposatzeko "antzerkiari" ekingo diola iragarri du. "Zertarako? Zertan gaude ados, bada? Otegik esan berri du gure herriko politikek 180 graduko aldaketa behar dutela", azpimarratu du.
"Ezberdinak gara. Nahiz eta herri berekoak izan, gure ideiak ez datoz bat", erantsi du.
Amaitzeko, aipamen berezia egin dio munduko egoera "kezkagarriari"; alegia, "gerrak eta deshumanizazioa" nagusi diren garaiari. Horren aurrean, EAJko presidenteak erabateko elkartasuna adierazi dio Palestinari, eta gogor kritikatu du Israelgo Gobernuaren jokabidea.
Autogorbernua indartu
Imanol Pradales lehendakariak ere hitz egin du Forondan, "autogobernua indartzeko" beharra azpimarratzeko. Lehendakariaren arabera, oso zaila da agindutako eskumenak Madrildik Euskadira ekartzea, nahiz eta aurrerapenak izan diren azken hilabeteetan.
Pradalesen hitzetan, bere gobernuak "transferentzia guztiak eskuratzeko borrokan jarraituko du"; hain zuzen ere, "1979tik Euskal Herriarenak direlako, legez eta erreferendumez". Hala ere, Estatuan autogobernuari, nortasunari eta euskal erakundeei buruzko diskurtso "arriskutsuak" entzuten direla esan du.
Lehendakariak berretsi du Euskadi lanean ari dela, "ekaitzaren aurrean etxea babesteko ez ezik, etorkizuna prestatzeko ere". Mezu horrekin berretsi du Eusko Jaurlaritzak bere autogobernua blindatzen jarraituko duela.
Amaitzeko, Pradalesek nazioarteko egoera ere izan du hizpide bere hitzaldian. Palestinako herriak pairatzen duen "genozidioa" salatu du, eta Euskadiren elkartasuna nabarmendu du indarkeriaren eta gizatasun ezaren aurrean.
Bestalde, gogora ekarri du Madrilgo Erkidegoko presidente Isabel Diaz Ayusok presidenteen azken biltzarrean euskarari buruz esandakoak, eta honakoa esanda erantzun dio: "Ayuso, entzun, Euskadi euskaldun".
Migrazioa hizpide hartuta, esan du Euskadik ateak zabalik dituela "gurera etorri behar diren guztientzat, betiere arauak bete eta zaintzen badituzte".
Berbaldian, "euskal etxea" zaintzeko beharraz mintzatu da, eta babesa agertu die Ertzaintzari eta udaltzaingoei.
Zure interesekoa izan daiteke
PSNk "erabateko errespetua" du Zapateroren errugabetasun presuntzioaren aurrean
Esther Iso PSNko Antolakuntza idazkariak adierazi duenez, presidente ohiarentzat "hitz onak" baino ez dituzte, "nafar guztiak gozatzen ari diren ondareagatik".
Nafarroako Gobernuak UPNren "noraeza" kritikatu du Athleticen elastikoarekin izandako polemikan
Alderdi politikoak LORAFNA (Nafarroako Autonomia Estatutua) eguneratzea eztabaidatzen ari ziren gaur Parlamentuko batzorde batean, eta klub zuri-gorriaren elastikoaren harira piztutako polemikaren inguruko iritziak emateko tartea ere hartu dute.
Lehendakariaren elkarrizketa, 10 titularretan
Imanol Pradales lehendakariak hainbat gai jorratu ditu Radio Euskadin, hala nola medikuen greba, etxebizitzaren arazoa edo autogobernuaren estatus berria.
Pello Otxandiano: "Etxebizitza politika honek huts egin badu, momentua da norabidez aldatzeko"
EH Bilduk etxebizitzaren inguruan egindako proposamenaren harira, "jarrera baikorra" izateko eskatu dio Pello Otxandianok Eusko Jaurlaritzari. "Proposamena hartu, aztertu eta egin dezagun eztabaida bat, ea soluziobideak hauek diren edo beste batzuk planteatzen dituzten", gaineratu du EH Bilduren Eusko Legebiltzarreko bozeramaileak ETB1eko "Egun on Euskadi" saioan egin dioten elkarrizketan.
Lehendakariaren ustez, "euskarak zubi gehiago eta harresi gutxiago behar ditu"
Imanol Pradales lehendakariari elkarrizketa egin diote Radio Euskadiko "Boulevard" saioan, eta bertan adierazi duenaren arabera, "ezin dugu beste alde batera begiratu segurtasun juridikorik eza dagoenean". Euskararen biziberritzeari dagokionez esan duenez, "fokua ez dago euskal administrazio publikoa euskalduntzean, hizkuntzaren erabilera sozialean baizik".
Lehendakariaren ustez, UPNk polemika artifiziala sortu nahi du Athleticen kamiseta berriaren inguruan
Imanol Pradales lehendakariak babesa eta elkartasuna adierazi dio Athletici, UPNk klubari elastikoetatik Euskal Herriko mapa kentzeko eskatu ostean. Kamiseta berria "oso polita" iruditzen zaiola esan du, eta gogorarazi du Nafarroako Gobernua bera ere ez dela auzian sartuko. Polemika artifiziala bilatzea egotzi dio lehendakariak UPNri, eta ohartarazi du oso arriskutsua dela sinboloekin eta identitateekin liskarra eta zatiketa bultzatzea.
Pradales: "FIFAren eskakizunak aztertzen ari gara; oso zorrotzak dira"
Imanol Pradales lehendakariak azpimarratu du egoeraren "azterketa lasaia" egin behar dela, sektore askori eragiten dielako. "FIFAk datorren urteko urtarrilean hartuko du erabakia, denbora dago", azpimarratu du.
Lehendakaria: “Tentsioa ezagutu gabeko mugetaraino areagotuko da; kezkatzen nau Madrilek arreta galtzea eta adostutako konpromisoei ez heltzea”
Imanol Pradales lehendakaria kezkatuta agertu da Radio Euskadiko "Boulevard" saioan Zapatero auziaren ondorioengatik.
Medikuen greba konpontzeko edo eskumenak transferitzeko eskatu dio lehendakariak Monica Garciari: "Arazo bat da"
Imanol Pradales lehendakariak uste du Monica Garcia Osasun ministroa "arazo bat" dela, "bi hilabete baino gehiago daramatzalako ezer jakin nahi izan gabe" estatutu markoa dela eta medikuak egiten ari diren grebari buruz. Hori dela eta, "gaian esku hartzeko" deia egin dio, eta, "arazoa konpontzeko gai ez bada edo ez badu nahi", Euskadiri eskumenak eskualdatzeko eskatu dio, "irtenbide bat bilatzeko". Radio Euskadin egindako elkarrizketa batean deitoratu duenez, Osakidetzaren batez besteko itxaron-zerrenden hobekuntzan "asko" aurreratu bada ere, estatutu markoaren aldeko medikuen grebak, "Osasun Ministerioaren erabaki batetik eratorritakoak", "iskanbila" eragin du. "Euskaditik eta eskumenen esparruaren barruan" aurrera egiten saiatzen ari direla erantsi du.
Albiste izango dira: Pradales lehendakariari elkarrizketa Radio Euskadin, abisu horia beroagatik eta errugbiko finalak Bilbon
Gaurkoan Orain-en albiste izango direnen laburpena, bi hitzetan.