Gutxienez 19 pertsona atxilotu dituzte Falange Espainolak Gasteizen deitu duen bilkuran izandako istiluetan
Faxistek elkarretaratzea deitu dute gaur goizean Arabako hiriburuan, Hispanitatearen Egunaren harira, eta ehunka pertsona bertaratu dira kontramanifestazioa egitera. Istiluak sortu dira Ertzaintzarekin, eta desordena publikoak izan dira, Ertzaintzak baieztatu duenez.
Gutxienez 19 pertsona atxilotu dituzte gaur Falange Espainolak Gasteizen deitu duen elkarretaratzean izandako istiluetan, Eusko Jaurlaritzako Segurtasun Sailak jakinarazi duenez.
Ekitaldia eguerdiko hamabietarako zegoen deituta Gasteizko Probintzia plazan, Hispanitatearen Eguna ospatzeko. Tentsio uneak eta istiluak, ordea, lehenago hasi dira, 10:50 aldera. Izan ere, talde ultraeskuindarraren ekitaldian parte hartu dutenek, Espainiako banderak eskuan zituztelarik, kontramanifestazioan bildu direnei aurre egin diete, sinbolo faxistak erakutsiz, "Dena Espainia da. Vasconia Espainia da" oihukatuz, "Cara al Sol" abestia kantatuz eta agur faxistak eginez.
Era berean, kontramanifestazioan hainbat pertsona bildu dira Gasteizko erdigunean ekitaldi hori egitea eragozten saiatzeko. Bi taldeak aurrez aurre egon direnean, era guztietako objektuak eta hiri-altzariak jaurti dituzte, baita edukiontziak gurutzatu ere.
Ertzaintza bertan zegoela, Brigada Mugikorreko hainbat baliabide mobilizatu behar izan dira istiluak eragozteko. Istiluak hiriburuko erdiguneko hainbat kaletara zabaldu dira gero, eta hiriko edukiontzi batzuk erre dituzte.
Osasun-baliabideak bertaratu behar izan dira zaurituak artatzera. Gainera, 20 agente ere arin zauritu dituzte.
Segurtasun Sailak jakinarazi duenez, oraingoz 19 pertsona atxilotu dituzte, desordena publikoak egotzita. atxilotutako pertsona guztiak kontramanifestazioan parte hartu duten pertsonak dira. Gainera, istiluek kalte material ugari eragin dituzte, hala nola kaltetutako ibilgailuak, erretako eta iraulitako edukiontziak, hautsitako galtzada-harriak eta altxatutako kutxetak.
Ikerketa zabalik dago oraindik, eta ez da baztertzen atxiloketa gehiago egitea.
Atxilotuekin elkartasuna
Falangeko elkarretaratzean gertatutakoaren harira, Aske Antolakundeak manifestazioa antolatu du arratsaldean atxilotuei eta zaurituei elkartasuna adierazteko.
"Atxilotuak askatu" lemapean, Andra Mari Zuriaren plazatik abiatu dira manifestariak, 17:00etan, atxilotuen askapena eskatzeko.
Zure interesekoa izan daiteke
EAJk salatu du pintaketak agertu direla Mendaroko batzokian
Pintura beltza baliatuz, besteak beste, "EAJ español. Faxistak kanpora!" idatzi dute pintaketa horietan, baita igitaiaren eta mailuaren irudia egin ere.
Omenaldia egin diete Gerra Zibilean hildako Iruñeko zinegotzi eta udal langileei
Gerra Zibilean fusilatu zituzten Iruñeko udal beharginei omenaldia egin diete gaur haien senitartekoek Nafarroako hiriburuan, eta gertatu zenari buruz kontatutakoa "gezurra" dela esan dute ekitaldian. "Ez da egia gerran denok galdu genuela, irabazleak egon baitziren. Horregatik, egia, justizia eta ordaina aldarrikatzen jarraituko dugu", azpimarratu dute.
Alain Iriart hautatu dute Euskal Hirigune Elkargoko lehendakari
Hiriburuko (Lapurdi) ezker abertzaleko auzapeza bederatzi urtez lehendakari izan den Jean-Rene Etchegarayri gailendu zaio. Bigarren bozketan lortu du Iriartek Lehendakaritza, aurrenekoan ezein hautagaik ez baitu gehiengo osorik lortu. Iriartek alkate izateari utziko diola iragarri du, Elkargoan buru-belarri aritzeko.
Jean-Rene Etchegaray eta Alain Iriart, Euskal Hirigune Elkargoko lehendakari izateko borrokan
Bi hautagaiek bildu dituzte boto gehien lehen bozketan: Etchegarayk 99 eta Iriartek 80. Etxeleku jeltzalea eta Lesellier eskuin muturreko hautagaia ez dira bigarren bozketara aurkeztu, eta lehenengoak iragarri du Iriarten alde egingo duela.
Frantziako Fiskaltzak bete beharrekoa ez den bost urteko zigorra eskatu du Josu Urrutikoetxearentzat
Frantziako estatutik behin betiko kanporatzeko ere eskatu du fiskalak; defentsak, berriz, ez kanporatzeko deia egin du. Auzia epaiaren zain geratu da. Uztailaren 2an emango dute jakitera.
Sanchezek eskatu du EB-Israel akordioa bertan behera uzteko, eta Netanyahuk Espainia kanporatu du Gazarako koordinazio zentrotik
Espainiako Gobernuko presidenteak ohartarazi du Israel nazioarteko zuzenbidea "nabarmen" urratzen ari dela Palestinan eta Libanon. Israelgo lehen ministroak, bestalde, Israelgo Armadako soldaduak difamatzea leporatu dio Espainiari.
Fiskaltzak ETAko buruzagi ohi Marisol Iparragirreri emandako erdi-askatasuneko erregimenaren aurka egin du
Fiskaltzak Espetxe Araudiaren 100.2 artikuluaren aplikazioa berrikusteko eskatu du; txostenak, baina, ez du Eusko Jaurlaritzaren erabakia eten.
Chivitek asteazkenean sinatuko du Hithiumen inbertsioa Nafarroan gauzatzeko akordioa, Pekinen
Horren helburua 400 milioi euroko inbertsioa eta 1.000 lanposturaino beharko dituen bateria enpresa ezartzeko urratsak aurreratzea da.
Fiskaltzak helegitea jarri du Konstituzionalean, Garcia Ortiz fiskal nagusi ohiaren aurkako epaiaren kontra
Ministerio Publikoaren arabera, Garcia Ortizen errugabetasun printzipioa urratu da prozesuan zehar eta ez dago froga nahikorik Alberto Gonzalez Amadorren abokatuak bidalitako mezu elektronikoa Fiskaltzak bidali zuela esateko.
Aitor Estebanek euskal selekzioen ofizialtasuna aldarrikatu du, “nazioarte mailan ikusgarritasuna izateko”
EAJren EBBko presidentea Mendozan izan da, Munduko Pilota Txapelketa antolatu duen hirian. Pilotako euskal selekzioaren ofizialtasuna lortu izanak duen “garrantzia” nabarmendu du bertan.