Sanchezek Israelen armen gaineko enbargoari eutsiko dio, eta esan du Espainia Gazara bake-tropak bidaltzeko prest dagoela
Gazako genozidioaren egileen aurka Nazioarteko Zigor Auzitegian irekitako prozesuek jarraitu dezatela eskatu du Espainiako Gobernuko presidenteak.
Pedro Sanchez Espainiako Gobernuko presidenteak ziurtatu duenez, Israelen eta Hamasen artean akordioa lortu bada ere, Gobernuak eutsi egingo dio pasa den astean Kongresuan onartutakoari, Israelen armen gaineko enbargoari, alegia; eta ez du baztertu Gazara bake-tropak bidaltzea, adostuz gero.
Ser irratian egindako elkarrizketa batean, Espainiako Exekutiboaren buruak esan du enbargoak bere horretan jarraituko duela, Palestinaren kontrako erasoak gelditu baditu ere, "su-eten baten aurrean baikaude" eta ez bake testuinguru batean, eta edozein modutan, Israelek egindakoa ezin da "zigorrik gabe" geratu. "Enbagoari eustiko diogu prozesu hau guztia kontsolidatu eta behin betiko bideratzen den arte", zehaztu du Sanchezek.
Espainiak Gazara bake-tropak bidaliko ote dituen galdetuta, esan du oraindik ez dagoela argi nola egikarituko den segurtasuna Gazan. Baina, azaldu duenez, nazioarteko tropak bidlatzea erabakiko balitz, Espainiak "hor egon nahi du eta aktiboki parte hartu nahi du, ez bakarrik berreraikuntzan, baizik eta baita bake-ortzimuga horretan ere", esan du.
Ororen gainetik, astelehenean Egipton eszenifikatu zen bake-akordioa dela eta pozik agertu da, baina azpimarratu nahi izan duenez, "bakeak berez ez dakar gertatutakoa ahaztea", eta ezin du "inpunitatea" ekarri; hori dela eta, Nazioarteko Zigor Auiztegian zabalik dauden prozesuek jarrai dezatela eskatu du, "Gazako genozidioaren egile nagusiek" justiziaren aurrean kontu eman dezaten.
Politikari buruzko albiste gehiago
Belateko kontratazio mahaiko presidenteak ustelkeria ukatu du, bai behintzat berari dagokionean
Jesus Polo izan da Nafarroako Parlamentuko Ikerketa Batzordean obra publikoko lizitazioei buruz hitz egiten lehena.
Alderdiek "onartezintzat" jo dituzte Gasteizko istiluak, eta Erne sindikatuak Ertzaintzako buruak "berehala kargugabetzeko" eskatu du
Igande honetan Falange Españolak Gasteizen eragindako istiluei aurre egiteko dispositiboa "eskasa" izan zela kritikatu du Ernek. EH Bilduk erantzukizunak eskatu dizkio Eusko Jaurlaritzari, "inoiz egin behar ez zen" ekitaldia egitea baimentzeagatik. EAJk, berriz, gogor kritikatu du ezker abertzaleko koalizioaren jarrera, eta "begirada desbideratzea" eta "indarkeria gaitzesteari uko egitea" leporatu dizkio.
Bingen Zupiria: "Irudien azterketak argi eta garbi uzten du atzean zerbait antolatua dagoela"
Gasteizen urriaren 12an izan ziren istiluen harira, Eusko Jaurlaritzako Segurtasun sailburuak adierazi du Ertzaintzak "jokabide hauek aztertu eta erantzun egokia" emango diela. Horrez gainera, onartezintzat jo ditu "indarkeria erabiltzea justifikatzen" duten "diskurtso antifaxistak".
Askatu egin dituzte Gasteizen Falangearen ekitaldiaren osteko istiluetan atxilotutako 19 lagunak
Atxilotuei desordena publikoko delitu bat leporatzen zieten, segurtasun-dispositiboko agenteen aurka harriak eta hainbat material jaurtitzeagatik. Atxilo hartutako guzti-guztiak Falange Españolaren ekintzaren aurkako kontramanifesazioan ari ziren parte hartzen.
Eusko Jaurlaritzak Gasteizen izandako istiluak gaitzetsi ditu: "Bizikidetza urratzen duten gertaera oso larriak dira"
Gasteizko alkate Maider Etxebarriak, PPko legebiltzarkide Ainhoa Domaicak eta SiPE, Euspel eta ESAN sindikatuek ere gogor gaitzetsi dute arabar hiriburuan jazotakoa. Guztira, 19 pertsona atxilotu dituzte, eta 19 ertzain zauritu dira istiluetan.
Aske Antolakundeak elkartasuna adierazi die Falangeko elkarretaratzean atxilotutakoei eta zauritutakoei
Aske Antolakundeak manifestazioa egin du Gasteizen, Falange Espainolaren bilkuran parte hartzen ari zirenei aurre egitera joandakoen artean atxilotutakoei eta zauritutakoei elkartasuna adierazteko. "Atxilotuak askatu" lelopean, Andre Maria Zuriaren plazatik abiatu dira manifestariak, 17:00etan, atxilotuak askatzea eskatzeko.
Sanchezen aurkako txistuak entzun dira aurten ere Madrilen, urriaren 12ko desfile militarrean
Aurreko urteetan bezala, aurten ere Pedro Sanchezen aurkako txistuak entzun dira. Imanol Pradales lehendakaria eta beste bost erkidegotako presidenteak ez dira bertan izan, eta aurten Santiago Abascal ere ez da joan, Sanchezekin bat ez egiteko.
ELAk eta Ernaik elkarretaratzea egin dute Gasteizen, faxisten presentziagatik protesta egiteko
Hispanitatearen Egunaren eta Falange Españolak Gasteizen deitutako bilkuraren kontrako elkarretaratzea egin dute ELAk eta Ernaik, istiluak izan diren tokitik aldenduta. Faxistak Gasteizen inoiz ez direla ongi etorriak izango aldarrikatu dute.
Guardia Zibilaren zaindariaren eguna ospatu dute Arabako komandantzian
Maider Etxebarria Gasteizko alkateak Pilarreko Ama Birjinaren egunean parte hartu du Arabako hiriburuan, Sansomendiko komandantzian. Marisol Garmendia Espainiako Gobernuaren EAEko ordezkaria eta Iñaki Subijana EAEko Justizia Auzitegi Nagusiko presidentea ere izan dira bertan.