JxCat militantziari galdetzekotan da, Espainiako Gobernuari babesa ematen jarraitu ala ez erabakitzeko
Carles Puigdemont JxCateko presidenteak bilera deitu du astelehen honetarako Perpinyan (Frantzia), alderdi independentistak atzo Pedro Sanchez Espainiako Gobernuko presidentearen aurkako tonua igo eta "aldaketaren orduaz hitz egiten hasteko unea" iritsi dela ohartarazi ostean. Sanchezek esan du Juntsekin hartutako konpromisoak betetzen ari dela.
JxCat-eko zuzendaritza militantziari galdetzea pentsatzen ari da Pedro Sanchezen gobernuari ematen dion babesari eutsi ala ez.
Carles Puigdemont JxCat alderdiko presidenteak bilera deitu du astelehen honetarako Perpinyan (Frantzia), alderdi independentistak atzo Pedro Sanchez Espainiako Gobernuko presidentearen aurkako tonua igo eta "aldaketaren orduaz hitz egiten hasteko unea" iritsi zela ohartarazi ostean.
Alderdiak jakinarazi duenez, bilera hori "aurrez ezarritako egutegiari jarraituz" egingo da astelehenean, Les 5 Elements espazioan. Lehenago ere egin izan ditu alderdi horrek ekitaldiak bertan.
Astelehenean, 17:00etan, aktualitate politikoaren irakurketa egiteko agerraldia egingo dute prentsaren aurrean, baina alderdiak ez du argitu nork hitz egingo duen.
Junts per Catalunyako iturriek azaldu dutenez, militantziari galdetzearen aukera mahai gainean daudenetako bat da, eta zuzendaritzak hartuko lukeen azken erabakia berresteko litzateke.
Afiliatuei galdetzeko aukera alderdiko zuzendaritza eta barne-organoetako pertsonen ahotan dabil, baina asteleheneko bilerara arte ez dute erabakiko egingo den ala ez.
Ez litzateke lehen aldia izango. Izan ere, 2023ko azaroan, JxCat-ek alderdikideei galdetu zien Pedro Sanchez Espainiako Gobernuko presidente egingo zuen akordioa babesten zuten ala ez, eta gauza bera egin zuen Pere Aragonesek zuzendu zuen Generalitateak Gobernutik atera ala ez erabakitzeko.
Azken asteetan, JxCat-eko agintariek azpimarratu dute "gauzak" gertatuko direla eta abenduaren erdira arteko epea eman diote beren buruari Sanchezen gobernuarekiko erabaki bat hartzeko; izan ere, akordioan jasotakoak "behin eta berriz" hautsi dituela uste dute.
Sanchezek esan du betetzen ari dela
Pedro Sanchez Espainiako Gobernuko presidenteak esan du betetzen ari dela Juntsekin hartutako konpromisoak, bere esku daudenak behintzat, eta berriro esan du prest dagoela Carles Puigdemontekin biltzeko "hala dagokionean".
Horrela erantzun dio Sanchezek Juntsek emandako ultimatumari. "Mila aldiz esan dut: zertarako onartu genuen Amnistia legea ez bada aktore politikoekiko harremanak normalizatzeko? Jakina egingo direla bilera horiek. Noiz? Bada, hala dagokionean", esan du Sanchezek, Bruselan Europako Kontseiluaren bilera amaitu berritan.
Zure interesekoa izan daiteke
Migratzaileen etorrerak ez du etenik Ceutan, eta 50.000 lagun iritsi dira jada
Armadak bere tankeak jarri ditu kai-muturretik hirirako sarbidean, sakabanatzea eragozteko. Hildako etorkinak 19 dira jada. Pedro Sanchez Gobernuko presidentea Ceutan izango da gaur, ostirala.
Espainiako Gobernuak biktima gisa aitortu du Josu Mujika eta legez kanpokotzat jo ditu haren kontrako epaiak
Mujika gaur 51 urte hil zuen Polizia Armatuak tiroz, Madrilen ETAko kideen aurka egindako operazio batean.
Zaballako preso baten heriotza salatu eta gardentasun handiagoa eskatu dute
Salhaketa Araba elkarteak gertatutakoari buruzko gardentasun handiagoa eskatu du, eta zalantzan jarri du hil aurretik 60 urteko presoari emandako arreta. Elkartearen esanetan, gertatutakoa "ezin da gertaera isolatu gisa ulertu".
Segurtasunaz gehiago eta eskumenez gutxiago arduratzeko gomendatu dio PPk Zupiriari
PPren Legebiltzarreko bozeramaileak deitoratu duenez, sailburua "ez dago egon behar duen horretan", eta "segurtasunaz eskumenez baino gehiago kezkatuko balit", bere ustez, "polizia hobeto hornituta egongo litzateke".
Espainiako Gobernuak Armada bidaliko du Ceutara, sortu den "migrazio-krisian laguntzeko"
Milaka pertsonak zeharkatu dute gaur Marokotik Ceutarako muga, kontrolik gabe. Horietako asko, Tarajal kai muturretik sartu dira, batzuk igerian eta beste batzuk kostaldetik oinez. Bertako agintariek emandako datuen arabera, gutxienez, 18 migratzaile hil dira.
Espainiako Poliziak Bilbon egindako esku hartzea "onartezina" izan dela esan du berriz Zupiriak
Bingen Zupiria Eusko Jaurlaritzako Segurtasun sailburuak Euskadi Irratian egin dioten elkarrizketan azpimarratu duenez, polemika hau ez da hasi Espainiako Poliziak egindako atxiloketekin, Espainiaren futbol partidaren harira izan ziren istiluekin baizik.
Zapateroren eta haren alaben eta idazkariaren kontuei buruzko informazioa eskatu die banketxeei Calama epaileak
Auto batean, Plus Ultra auziaren ardura duen magistratuak dio zantzuak daudela esateko Espainiako Gobernuko presidente ohiak "egitura antolatu bat" zuzentzen zuela, bezero jakin batzuei mesede egiteko, legez kanpoko jardueren bidez.
Jon Insaustik afari solidarioak bizilagunak gizarteratzea eta laneratzea errazteko kudeatzearen alde egin du
Afari solidarioen debekuak piztu duen polemikaren harira, Donostiako alkate Jon Insaustik, asteazken honetan, azaldu du ekimenak administrazioaren erantzuna behar duela, eta gizarteratzea eta laneratzea sustatzera bideratuta egon behar duela. Era berean, nabarmendu du inguruko udalerriek ere neurri horiek lehenago edo geroago hartuko dituztela.
Etxanobek itun handia proposatu du Bizkaiaren etorkizuna eraikitzeko
Urtero legez, Bizkaiko aldundiak San Inazioko harrera ekitaldia egin du. Bizkaiko eta Gipuzkoako patroiaren eguna ospatzeko abuztu aurreko azken ekitaldi politiko nagusia da, eta ordezkari ugari biltzen du. Elixabete Etxanobe ahaldun nagusiak itun handi bat proposatu du Bizkaiaren etorkizuna eraikitzeko. Lurraldeen arteko aldeak eta berezitasunak errespetatu egin behar direla adierazi du, benetako berdintasuna lortzeko.
Bi urteko kartzela-zigorra, sare sozial batean terrorismoa goratzeagatik eta ETAren biktimak umiliatzeagatik
Atxilotuari haur-pornografia ere aurkitu zioten konfiskatutako gailuetan.