Puigdemontek PSOE egin du hausturaren erantzule, eta Junts "oposiziora" pasako dela iragarri du
JxCaten zuzendaritzak aho batez erabaki du PSOErekin dituen akordioak haustea, Perpinyà hirian egindako bileran. Erabakia militanteek onartu beharko dute asteazken eta ostegunean egingo den bozketan. Espainiako Gobernuak hitz egiten jarraitzeko gonbidapena egin dio Juntsi.
Carles Puigdemont Generalitateko presidente ohi eta Juntsen buruak PSOE egin du Pedro Sanchezen inbestidura ahalbidetu zuen akordioaren hausturaren erantzule, eta haren alderdia "oposizioan" kokatuko dela iragarri du. JxCaten zuzendaritzak sozialistekin dituen akordioen haustura proposatu du aho batez Perpinyà hirian egin duen bileran. Erabaki hori militanteek onratu beharko dute asteazken eta ostegun honetan egingo duten bozketan. Emaitza osteguneko 18:00etan jakinaraziko da.
Bileraren ostean, Puigdemontek galderarik gabeko agerraldia egin du hedabideen aurrean. Bertan azaldu duenez, sozialistek "ez dute akordio politikoak garaiz eta behar bezala gauzatzeko borondaterik" erakutsi eta horregatik hartu dute akordioak hausteko erabakia. Juntsen buruzagiaren arabera, PSOEk "soilik bere garai eta erritmoak jotzen ditu baliozkotzat".
Puigdemontek azaldu duenez, legegintzaldiaren erdian, Pedro Sanchezen inbestidura ahalbidetu zuen Bruselako Akordioa sinatu zenetik sozialistekin izan dituzten harremanen balorazioa egin du bere alderdiak.
Bere hitzetan, Juntsek ez du konfiantzarik Sanchezen gobernuan. "Agian konfiantza pertsonala dago, baina ez maila politikoan", ziurtatu du. Hala, PSOEren eta PPren artean aukeratzeko orduan, Juntsek "PSOE aukeratu" zuela gogorarazi du, baina PSCri aurpegiratu dio Bartzelonako Udalean popularrak aukeratu izana.
Horrez gainera, PSOErekin "duela bi urte irekitako bidea ontzat ematen duen emaitzarik ez" dela izan ziurtatu du. Zentsura moziorik aipatu ez badu ere, argi utzi du Juntsen parlamentariek ez diotela "lagunduko Katalunia babesten ez duen ezein gobernuri".
Puigdemontek sozialistei gomendatu die "hausnartzeko" eta "herritarren aurrean nola jarraituko duten erantzuteko".
Bestalde, Espainiako Gobernuak errespetu osoa agertu dio JxCat alderdiari Puigdemonten hitzak entzun ondoren, baina "bozketaz bozketa" lanean jarraitzeko eta hitz egiteko borondatea erakutsi du. Espainiako Gobernuko iturrien arabera, elkarrizketaren aldeko apustuari eutsiko diote.
Ildo beretik, PSOEk adierazi du zubiak eraikitzeko tresna gisa ulertzen dutela politika. Gobernuak eta sozialistek "hitzartu zutena bete egin" dutela gogorarazi dute, "haien esku" egon denetan, eta "beste batzuen esku dagoena bete dadin lanean ari" direla azpimarratu dute. Hala ere, adierazi dute edozein alderdi politikoren barne-funtzionamendua erabat errespetatzen dutela.
Kontrara, PPko buru Alberto Nuñez Feijook Maria Guardiola —aurrekontuak onartzeko ezintasunagatik hauteskunde autonomikoak deitu dituen Extremadurako presidentea— alderatu du Pedro Sanchezekin: "Herria errespetatzen duen agintariak hitzari eutsi behar dio eta oinarrizko printzipio bat bete behar du: blokeoaren aurrean, hauteskundeak deitu", idatzi du X sare sozialean. Popularren iritzian, "Maria Guardiola ez da Pedro Sanchez eta PP ez da PSOE", eta azpimarratu du "aurrekonturik gabe" ezin dela gobernatu.
Gainerako alderdien erreakzioei dagokionez, Euzko Alderdi Jeltzaleak ez du uste "Gobernua bihar eroriko denik". Hala ere, argitaratu duen ohar batean Pedro Sanchezi "ardurak bere gain hartzeko" eta "gehiengoak osatzeko lan egiteko" gomendatu dio. Juntsen erabakiak "Kongresuan gehiengo negatiboa" dagoela agerian utzi duela uste du, eta gogorarazi du "aurrekonturik eta gehiengorik gabeko Gobernuak" ezin diola "berez" eutsi, "epe luzean".
Zure interesekoa izan daiteke
Espainiako Gobernuak biktima gisa aitortu du Josu Mujika eta legez kanpokotzat jo ditu haren kontrako epaiak
Mujika gaur 51 urte hil zuen Polizia Armatuak tiroz, Madrilen ETAko kideen aurka egindako operazio batean.
Zaballako preso baten heriotza salatu eta gardentasun handiagoa eskatu dute
Salhaketa Araba elkarteak gertatutakoari buruzko gardentasun handiagoa eskatu du, eta zalantzan jarri du hil aurretik 60 urteko presoari emandako arreta. Elkartearen esanetan, gertatutakoa "ezin da gertaera isolatu gisa ulertu".
Segurtasunaz gehiago eta eskumenez gutxiago arduratzeko gomendatu dio PPk Zupiriari
PPren Legebiltzarreko bozeramaileak deitoratu duenez, sailburua "ez dago egon behar duen horretan", eta "segurtasunaz eskumenez baino gehiago kezkatuko balit", bere ustez, "polizia hobeto hornituta egongo litzateke".
Espainiako Gobernuak Armada bidaliko du Ceutara, sortu den "migrazio-krisian laguntzeko"
Milaka pertsonak zeharkatu dute gaur Marokotik Ceutarako muga, kontrolik gabe. Horietako asko, Tarajal kai muturretik sartu dira, batzuk igerian eta beste batzuk kostaldetik oinez. Bertako agintariek emandako datuen arabera, gutxienez, 14 migratzaile hil dira.
Espainiako Poliziak Bilbon egindako esku hartzea "onartezina" izan dela esan du berriz Zupiriak
Bingen Zupiria Eusko Jaurlaritzako Segurtasun sailburuak Euskadi Irratian egin dioten elkarrizketan azpimarratu duenez, polemika hau ez da hasi Espainiako Poliziak egindako atxiloketekin, Espainiaren futbol partidaren harira izan ziren istiluekin baizik.
Zapateroren eta haren alaben eta idazkariaren kontuei buruzko informazioa eskatu die banketxeei Calama epaileak
Auto batean, Plus Ultra auziaren ardura duen magistratuak dio zantzuak daudela esateko Espainiako Gobernuko presidente ohiak "egitura antolatu bat" zuzentzen zuela, bezero jakin batzuei mesede egiteko, legez kanpoko jardueren bidez.
Jon Insaustik afari solidarioak bizilagunak gizarteratzea eta laneratzea errazteko kudeatzearen alde egin du
Afari solidarioen debekuak piztu duen polemikaren harira, Donostiako alkate Jon Insaustik, asteazken honetan, azaldu du ekimenak administrazioaren erantzuna behar duela, eta gizarteratzea eta laneratzea sustatzera bideratuta egon behar duela. Era berean, nabarmendu du inguruko udalerriek ere neurri horiek lehenago edo geroago hartuko dituztela.
Etxanobek itun handia proposatu du Bizkaiaren etorkizuna eraikitzeko
Urtero legez, Bizkaiko aldundiak San Inazioko harrera ekitaldia egin du. Bizkaiko eta Gipuzkoako patroiaren eguna ospatzeko abuztu aurreko azken ekitaldi politiko nagusia da, eta ordezkari ugari biltzen du. Elixabete Etxanobe ahaldun nagusiak itun handi bat proposatu du Bizkaiaren etorkizuna eraikitzeko. Lurraldeen arteko aldeak eta berezitasunak errespetatu egin behar direla adierazi du, benetako berdintasuna lortzeko.
Bi urteko kartzela-zigorra, sare sozial batean terrorismoa goratzeagatik eta ETAren biktimak umiliatzeagatik
Atxilotuari haur-pornografia ere aurkitu zioten konfiskatutako gailuetan.
Espainiako Poliziako sindikatuek Zupiriaren adierazpenak kritikatu dituzte
Espainiako Poliziaren Konfederazioak ziurtatu du ez duela Eusko Jaurlaritzaren baimenik eskatu behar lurralde horretan jarduteko; bitartean, Sindicato Unificado de Policiak (SUP) Zupiriari aurpegiratu dio "10 egun" izan dituela erasoak ikertzeko.