Jon Insausti Donostiako alkate izendatu dute
Orain arte Kultura, Euskara eta Turismo arduradun izan den EAJko zinegotziak Eneko Goiaren lekukoa hartu du. Goia hamarkada batez izan da Donostiako Udalaren buru.
Jon Insausti Donostiako alkate izendatu berri dute, Udalean egindako ezohiko osoko bilkuran. 36 urteko EAJko zinegotziak Eneko Goiaren lekukoa hartu du. Goiak urriaren 16an iragarri zuen ez zuela alkate izaten jarraituko, hamar urteko zikloa itxita zegoela iritzita.
Osoko bilkuran Tomas Pascuak (Jorge Mota PPren zinegotzia ordezkatuko du) eta Idoia Garciak (EAJren zinegotzia) kargua hartu dute. Ondoren, bozketa egin da, eta Insaustik Donostiako alkate izateko gehiengoa lortu du.
Azken asteetan, Nekane Arzallus zinegotzia izan da alkate, eta Insausti hautatuta, EAJk Donostiako Udalaren lidergoari eutsi dio.
Alkate berria, donostiarra eta euskaltzalea, azken bi legegintzaldietan udal gobernuan izan den pertsonarik nabarmenetakoa izan da, bereziki Kultura, Euskara eta Turismo arloan egin duen kudeaketagatik. Inbestidurak etapa berri bati hasiera eman dio Gipuzkoako hiriburuko udal politikan, Goiak hasitako proiektuari jarraipena emateko eta Udalean alderdien arteko lankidetza indartzeko erronkarekin.
Alkate berriak Goiaren eskutik jaso du alkate makila eta, ondoren, udal taldeetako bozeramaileei bostekoa eman die. Kargu hori hartzeaz "harro" agertu da, eta "umiltasunez" lan egingo duela adierazi du.
Gainera, "erronka" hori "gure belaunaldi baten erronka" gisa hartzen duela adierazi du, 2015ean ezagutu zuen hiria "bestelakoa" delako orain, nahiz eta "espiritua eta anbizioa mantendu". "Nahi dudan Donostia pertsona sortzaile eta sortzaileena da, errutina garaitzen dutenena", adierazi du, bere "misioa Donostiaren zerbitzura indarrak batzea" dela azpimarratzeko.
"Donostia barrurantz, pertsonengana eraldatzea da nire proiektua", azpimarratu du. Insaustik jakinarazi du "aldaketa hori barnera bideratzeko ilusioa" duela. Gainera, Udal Gobernuaren "lehentasunak etxebizitza, segurtasuna, enplegua eta eguneroko bizitza" izango direla adierazi du.
Zure interesekoa izan daiteke
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.
Sozialistak, Parisko Alkatetzari eusteko moduan
Emmanuel Gregoire buru duen ezkerreko koalizioak irabazi du, eta Anna Hidalgoren lekukoa hartzen saiatuko da bigarren itzulian.
Jaurlaritza eta Espainiako Gobernua Madrilen bilduko dira aireportuen aldebiko kudeaketa negoziatzeko
Ubarretxenak argi utzi du Jaurlaritzak ez duela onartuko Estatuak ostiralean egindako kontra-proposamena, Jaurlaritzak egindako "eskakizun guztiak bertan behera" utzi baititu. Marisol Garmendia Espainiako Gobernuak Euskadin duen ordezkaria, ordea, baikor azaldu da, akordioa lortuko delakoan.
PPk irabazi ditu Gaztela eta Leongo hauteskundeak 33 eserlekurekin, PSOEk 30 lortu ditu, eta Voxek 14
Bestalde, PSOE izan da indar bozkatuena Trebiñuko konderri historikoan, eta Vox izan da bigarrena. Gaztela eta Leonen, oro har, % 65,22ko parte-hartzea izan da hauteskunde hauetan, baina % 48,26koa Trebiñun.
Ipar Euskal Herriko udal hauteskundeek aldaketak utzi dituzte Lekuinen, Arrosan, Alduden, Donapauleun eta Senperen, besteak beste
Laurent Intxauspek Donibane Garaziko auzapez izaten jarraituko du, Eneko Aldanak Ziburun eta Emmanuel Alzurik Bidarten. 11 herri joango dira bigarren itzulira, Angelun, Senperen eta Getarian lehen itzulitik argitu baita nor izango den hurrengo alkatea.