Aitor Esteban: "EAJ faxismoaren aurka betidanik agertu den alderdia da"
Sabino Arana EAJren sortzailearen heriotzaren 122. urteurrenean egin ditu adierazpenok EBBko presidenteak, EH Bilduk Bilboko kaleetan manifestazio antifaxista egin eta biharamunean.
"EAJk faxismoaren aurkako benetako balioak ordezkatzen ditu, ez dituena erabiltzen horren arma berberak, hala nola indarkeria, hertsapena eta beldurra", esan du igande honetan Aitor Esteban EBBko presidenteak, eta "inor ez dadila okertu", gaineratu du.
Sabino Arana EAJren sortzailearen heriotzaren 122. urteurrenean, ekitaldi politikoa egin dute jeltzaleek igande goizean Sukarrietan.
Autoritarismoaren aurkako borroka horren "ikur" gisa, gogora ekarri du EAJk Parisen zuen eraikin ikonikoa berreskuratu dutela berriki. Gerra Zibilean, Jaurlaritzak erbestean jardun behar izan zuenean, eraikin hura erabili zuten, baina konfiskatu eta Francoren erregimenari entregatu zioten ondoren. EAJk eraikin horren titulartasuna berreskuratu zuen irailean.
Testuinguru horretan, Estebanek "memoria historikoa" egiteko eskatu du, erabakigarriak izan diren gertaeren inguruan: "Trantsizio deiturikoan zer gertatu zen, O-23an, Mikel Zabalzarekin zer gertatu zen, Aldana tabernako atentatuaren atzean nor zegoen edo zer gertatu zen Martxoaren 3an eta 78ko sanferminetan".
"Espainiako Estatuak desklasifikatu egin behar ditu bere historia hurbileneko pasarte konplexu eta korapilatsuenak argitu ditzaketen dokumentuak, horrela bakarrik lortuko baitugu egian oinarritutako historia eta ez alde bateko kontakizuna bakarrik zabaltzea", gaineratu du EBBko presidenteak. "Sekretu ofizialen lege frankista indargabetu egin behar da", berretsi du.
"Europa atzerapauso demokratiko kezkagarria bizitzen ari da, eta ultraeskuina oso eroso dago", ohartarazi du Estebanek. "Lortutako eskubideak ukatu nahi dituztenen aurrean isilik daude asko". Hori dela eta, nazionalismo demokratikoaren egitekoa nabarmendu du "egonkortasuna mantentzeko" eta "aurrera egiteko".
"Gaur egun ditugun eskubideak eta askatasunak ezin ditugu ziurtatutzat eman; ez daude ziurtatuta", ohartarazi du Estebanek. Ildo horretatik, Ukrainan, Budapesten edo AEBn bizi duten egoera adibide gisa jarri ditu.
"Ez gara pankarten lelopean jartzen, edo aldi berean alderdi instituzional eta antisistema baten itxura egiten", nabarmendu du Estebanek, EH Bilduk Bilboko kaleetan manifestazio antifaxista egin eta biharamunean.
"Horrela borrokatzen da faxismoaren eta autoritarismoaren aurka", esan du Estebanek, eta bere alderdiak demokraziaren defentsan egin duen ibilbidea aldarrikatu du. "Konpromiso hori ez da erretorikoa, baizik eta Euskadi demokratikoaren oinarri etikoa; beraz, Manuel de Irujo jaunak zioen bezala: Horrekin bat ez datozenak, ilaran azkenak jar daitezela".
Zure interesekoa izan daiteke
Iruñeko aire-trafikoa "hobetzeko prest" agertu da Espainiako Gobernua
Maria Caballero UPNko senatariak egindako galdera bati erantzunez, Oscar Puente Espainiako Gobernuko Garraio eta Mugikortasun Jasangarriko ministroak Iruñeko aireportuaren egungo eredua defendatu du, aire-trafikoa "hobetu" daitekeela aitortu arren. Haren hitzetan, Iruñekoa da 2018tik bidaiarien kopurua gehien hazi den aireportuetako bat da, % 40.
Abortua Konstituzioan blindatzea onartu du Ministroen Kontseiluak, "dinamika atzerakoien aurrean"
Konstituzioaren erreforma honek hiru bosteneko gehiengoa behar du Kongresuan eta Senatuan, eta, beraz, gobernukideak oposizioko alderdiekin adostasunera iristen saiatu beharko dira.
Urtasun: "Teknikoei entzun behar zaie beti, eta ez dute batere gomendatzen lekualdatzea"
Kultura ministroak Eusko Jaurlaritzak 'Gernika' behin behinean, bonbardaketaren 90. urteurrenagatik, lekualdatzeko eskaerari balioa eman eta errespetua helarazi dio, baina aukera baztertu du. Igotz Lopez EAJko senatariak gogorarazi dio txosten teknikoa eskaera egin eta bi egunera egin zela, eta Madrilgo museoaren bideragarritasuna margolanarekin lotzen zuela.
“Begirada aldaketa” eskatu du Bengoetxeak, “Gernika” “berme guztiekin” lekualdatzeko
Ibone Bengoetxea Eusko Jaurlaritzako lehendakariorde eta Kultura sailburuak adierazi duenez, Eusko Jaurlaritzak ez du oraindik "Gernika" lekuz aldatzeko eskaerari buruzko erantzunik jaso. Eusko Jaurlaritzak Picassoren obra Euskadira kontserbazio "berme guztiekin" eramateko baldintza egokiak ezagutzea baino ez duela eskatzen adierazi du. Bien bitartean, EAJk astearte honetan eramango du eztabaida Senatura, Kultura ministroari azalpenak eskatzeko.
Abalosen semeak ukatu egin du aitaren diru funtsak kudeatu izana: "Nik ez dut klabean hitz egiten; ez aitarekin, ez inorekin ere"
Astearte honetan hasi da garraio ministro ohiaren, haren aholkulari Koldo Garciaren eta Victor de Aldamaren aurkako epaiketa. Pandemiaren garaian, musukoak erosteko lehiaketa publikoen bidez eskupekoak jasotzea leporatuta, 24 urte arteko kartzela zigorrak eskatu ditu Fiskaltzak. Bi astez luzatuko da epaiketa, eta 80 lekukotik gora daude deklaratzera deituta.
Koldo Garciak “tentel” deitu dio Aldamari, eta epaiketa “lehertuko” duten frogak aurkeztuko dituela esan du
Jose Luis Abalosen aholkulari ohiak audio bat bidali du Telecincora, eta bertan adierazi du “erabat errugabeak” direla frogatuko dutela.
Abalos, Koldo Garcia eta Aldamaren aurkako epaiketa hasi da, maskarak iruzurrez erostea egotzita
Fiskaltzak eskatu du ministro ohiari 24 urteko espetxe-zigorra ezartzea; 19 urte, Garciari, eta 7 urte, Aldamari. 70 lekuko baino gehiago agertuko dira Auzitegi Gorenean.
Ikerketa batzordeak bertan behera utzi du Cerdanen emaztearen agerraldia, osasun arazoengatik deklaratzeari uko egin baitio
Erabaki hori gorabehera, txostenak "zalantzak sortu dizkie", batzordeko presidenteak esan duenez, baina "kontuz ibiltzeko moduko gai bat" dela iritzita, deklarazioa bertan behera uztea erabaki dute, bai eta Cerdanen emazteak aurkeztutako agiriari buruzko txosten "juridikoak" eta beste mediku batzuren "osasun txostenak" biltzea ere.
Epaiketa bertan behera uztea eskatu dute Kitchen auziko akusatuen abokatuek, intrukzioan akatsak izan direla argudiatuta
Lehen saioan, aurretiko gaiei helduta, hamar akusatuen abokatuek galdegin dute bertan behera utz dezatela Mariano Rajoyren Gobernuaren garaiko Barne Ministerioaren buruzagitzaren aurkako epaiketa.
PPk kritikatu du "biktimismoan" eta euskal herritarren errealitatetik urrun bizi dela EAJ
Laura Garridok (PP) hedabideen aurrean adierazi duenez, Aberri Egunean "betiko diskurtsoa" izan zuen EAJk. "Jauzi kualitatibo bati buruz hitz egin zuten, eta jauzi horrek euskal herritarrei mesede egingo ote dien galdetu nahi diet, kontuan izanda independentzia ez dagoela euskal herritarren lehen kezken artean", esan du.