PPk eta EH Bilduk osoko zuzenketa jarriko diete 2026rako EAEko kontuei
Eusko Jaurlaritzak egindako aurrekontu-proposamenari osoko zuzenetak aurkeztea erabaki dute PPk eta EH Bilduk, formazio horien parlamentuko bozeramaileek astelehen honetan jakitera eman dutenez.
Pello Otxandiano eta Javier de Andres.
Oposizioko taldeek errefusatu egin dituzte Eusko Jaurlaritzak 2026rako aurkeztutako kontuak. Ostiralean Sumarrek iragarri zuen osoko zuzenketa egin behar zuela, eta astelehen honetan gauza bera egin dute EH Bilduk eta PPk ere, nahiz eta alderdi biek atzera botatzeko arrazoi berdinak ez izan. Nolanahi ere, aurrekontuak onartu onartuko dira, bermez, EAJk eta PSE-EEk Eusko Legebiltzarrean duten gehiengoari esker.
EH Bilduk astelehen honetan iragarri du Eusko Jaurlaritzaren 2026rako aurrekontuei osoko zuzenketa aurkeztuko diela, Pello Otxandiano Eusko Legebiltzarreko EH Bilduren buruak Bilbon egin duen agerraldian.
Otxandianok salatu duenez, EAJk eta PSE-EEk, Eusko Jaurlaritzako kideek, ez dute negoziatzeko borondaterik, ez eta "anbizio politikorik" ere etxebizitzaren-krisiari aurre egiteko. Hori zuen ardatz, hain zuzen ere, EH Bilduk kontu publikoetarako egindako proposamenak, "hamar urtean etxebizitzaren arazoari egiturazko erantzuna ematea" bilatzen zuena.
Haren ustez, aurrekontu proiektuak agerian uzten du kontu publikoekin "egiturazko arazo bat" dagoela, eta gaineratu du Jaurlaritzaren proiektua ez dela "nahikoa" Euskadik dituen arazo eta behar sozial eta ekonomikoei aurre egiteko.
"Arlo jakin batzuetan azpimarrak egin nahi badira, hala nola Etxebizitza, Osasuna eta Segurtasuna, beste eremu batzuetan murrizketak planteatu behar dira. Eta aurrekontu proiektu honetan agerikoa da: Murrizketa dago erronka demografikoan, administrazioaren digitalizazioan, lehen sektorean. Murrizketak daude", azpimarratu du.
EH Bilduren Legebiltzarreko buruak argudiatu du egungo diru-sarreren egiturarekin ez dela "nahikoa" izango Euskal Autonomia Erkidegoak aurre egin behar dien behar sozial eta ekonomiko horiei erantzuteko.
PPren ustez, proiektuak "familiak pobretzen" ditu
PPk osoko zuzenketa aurkeztuko dio Eusko Jaurlaritzaren 2026rako aurrekontu-proiektuari, "familiak pobretzen dituelako", gastu arrunta finantzatzeko zorrera jotzen duelako, inbertsioetara bideratu beharrean, eta "eredu sozialista argi baten" ondorio delako.
Javier de Andres Euskadiko PPren presidentea hedabideen aurrean agertu da astelehen honetan, PPk kontuak atzera botatzeko eskatu duela iragartzeko.
De Andresek kritikatu du aurrekontu proiektuak hazkunde "neurrigabea" dakarrela, % 10,1ekoa PPren esanetan, eta ez % 4,7koa, Jaurlaritzak esan bezala, "enpresak finantzatzeko 1.000 milioiak" hortik kanpo utzi dituelako Exekutiboak.
PPren buruak azaldu duenez, kontuak eta zergak soldatak baino gehiago haztea lekarke, ekoizpen industriala eta Barne Produktu Gordina baino gehiago, eta horrek "familiak pobretzea ekarriko luke, euren baliabideak modu berean hazi gabe aurrekontuak ordaindu beharko lituzketelako".
Aurrekontuek inbertsioetara diru gutxiago bideratzea ere kritikatu du. Abiadura handiko trenaren kasuan, esaterako, 22 milioi baino ez dira aurreikusten; iaz, ordea, 65 milioi izan ziren. De Andresek kritikatu du, halaber, eskualde batzuentzako "laguntza partida propiorik" ez egotea, Aiaraldea eta Busturialdearentzako, adibidez.
Era berean, gaineratu du Eusko Jaurlaritzak "gastu arrunta finantzatzeko zorrera" jotzen duela, eta ez inbertsioak finantzatzeko, jarduera ekonomikoa horrek sortu arren".
Horregatik guztiagatik, PPk erabaki du aurrekontu-proiektuari osoko zuzenketa aurkeztea. Azaldu dudenez, erabakia joan den ostiralean jakinarazi zioten Noël d'Anjou Ogasun eta Finantza sailburuari, Eusko Legebiltzarrean egindako bilera batean.
Bilera horretan, Exekutiboak dokumentu bat eman zien popularrei, eta "pentsatzekoa zen hor jasotakoa bat zetorrela" urriaren 24an PPk idatziz aurkeztu zizkien proposamenekin. Hala ere, Gobernuaren planteamenduak ez zituen PPkoak asebete, eta orduan erabaki zuten kontuak atzera botako zituztela.
Zure interesekoa izan daiteke
EAJk eta EH Bilduk "benetako memoria" egiteko eskatu diote Sanchezi, eta O23a baino zaharragoak diren testu sekretuak daudela esan dute
Kongresuko ezkerreko oposizioaren blokearentzat ez da nahikoa otsailaren 23ko estatu kolpe saiakerari buruzko dokumentuen desklasifikazioa; PPk eta Voxek, berriz, ke-lainoa baino ez dela uste dute.
Non eta noiz kontsultatu O23ko dokumentu desklasifikatuak?
Ministroen Kontseiluak bihar, asteartearekin, hartuko du erabakia, baina biharamunera arte ez da gauzatuko.
Martxoaren 3ko eliza memoria demokratikorako gune izendatu dute
Memoria Demokratikorako Ministerioak sinatutako adierazpena astelehen honetan argitaratu da Espainiako Aldizkari Ofizialean.
Espainiako Gobernuak astearte honetan desklasifikatuko ditu otsailaren 23ko estatu kolpearen inguruko dokumentuak
45 urte bete dira Antonio Tejerok estatu kolpe saiakera egin zuenetik, eta Sanchez presidenteak herritarrekin duen zor historikoari erantzuna emateko erabakia dela iragarri du, sare sozialetan.
GKSko hiru gaztek pintura gorria jaurti dute Fragaren bustoaren aurka Vilalban (Lugo)
GKSk bere gain hartu du Vilalba Lugoko herrian Fragaren omenezko bustoaren aurka egindako erasoa
Gazte mugimenduaren arabera, Poliziak Gasteizen 1976ko martxoaren 3an egin zituen kargen arduradunetako bat izan zen: bost pertsona hil eta ehunka zauritu zituzten.
'Berangoko 16ak' babesteko manifestazioa deitu dute maiatzaren 30erako
2026ko ekainaren 8a eta 26a bitartean, Berangoko 16 bizilagun epaituko dituzte Auzitegi Nazionalean. 2022an Berangoko preso ohi bati "ongi etorri" esateko ustez antolatu zuten ekitaldiagatik terrorismoa goratzea egozten diete. 36 urteko kartzela-zigorra, 177 urteko inhabilitazioa eta 75.000 eurotik gorako isuna eskatzen dute auzipetuentzat. Berangokoekin Elkartasun Komiteak salatu du “beste makrosumario politiko bat” dela, eta manifestazio nazionala deitu du maiatzaren 30erako.
Bilbok ez du uda honetan ezarriko turismo-tasa; Donostiak, aldiz, indarrean izango du
"Ahalik eta lasterren ezarri nahi dugu. Gustatuko litzaiguke, eta amaiera arte lan egingo dugu zerga turistikoa uda baino lehen edo udan aktibo egon dadin", esan du Donostiako alkateak. Bilbokoak, berriz, adierazi du ez dela posible izango, "Bizkaiko Foru Aldundiak foru arauaren proiektua onartu berri duelako".
EH Bildurekin ez du aukerarik ikusten, baina Podemosekin batera aurkeztu nahi luke Euskadiko Sumarrek hurrengo udal hauteskundeetara
Sumarrek Madrilen egin berri duen ekitalditik Euskal Herrira bueltan, Lander Martinezekin egon da ETB, hurrengo hauteskunde orokorrei begira ezkerra batuta aurkezteko aukeraz aritzeko. Euskadin EH Bildurekin zerrenda berean joatea oso zaila ikusten badu ere, Sumar Mugimenduak eta Podemosek boto-paper berean bat eginda joan beharko luketela uste du. Legebiltzarrerako hauteskundeetan ezker konfederalak jaso zuen porrotetik lezioa ikasi dutela esan du Martinezek.
Ansolak esan du EAJk ez duela fronte batean parte hartuko, eta are gutxiago Euskadin "marra gorriak" jartzen dituen EH Bildurekin
Azken egunetan Gabriel Rufianek ultraeskuinari aurre egiteko fronte bat sortzeari buruz hitz egin ondoren, aukera hori hizpide da euskal politikan ere. EAJk ekitaldia egin du gaur Maruri-Jataben frankismoaren osteko alkateak omentzeko. Bertan, Iñigo Ansola BBBko presidenteak argi utzi du ez dutela inolako frontetan parte hartuko, "Euskadin ez delako behar ultraeskuinari aurre egiteko fronterik". Ansolak, halaber, gogor kritikatu du EH Bildu, "Euskadin ezetz esaten dielako akordio proposamen guztiei, eta Espainian, ordea, alfonbra gorria jartzen diotelako eskatzen dioten guztiari".